ՄԱԿ-ի արագ արձագանքը կօգնի ճշգրիտ գնահատել հեղեղումների հետևանքները. ՀՀ ՆԳ նախարարը՝ ՄԱԿ-ի մշտական համակարգողին

Ներքին գործերի նախարար Վահե Ղազարյանը հունիսի 6-ին ընդունել է Հայաստանում ՄԱԿ-ի նորանշանակ մշտական համակարգող և անվտանգության հարցերով պատասխանատու Ֆրանսուազ Ժակոբին։

Ինչպես  տեղեկացրին ՀՀ ներքին գործերի նախարարության ոստիկանությունից, ՆԳ նախարարը նշանակման կապակցությամբ շնորհավորելով հյուրին՝ հույս է հայտնել, որ նրա նշանակումը նոր խթան կհանդիսանա ՄԱԿ-ի հետ բազմաթիվ համատեղ ծրագրերի իրականացման համար։

«Վահե Ղազարյանն, անդրադառնալով ՄԱԿ-ի հայաստանյան թիմի գրեթե բոլոր գործակալությունների հետ ձևավորված արդյունավետ համագործակցությանը, ՆԳ նախարարությունում իրականացվող բարեփոխումների փուլում առանձնացրել է ՄԱԿ-ի Զարգացման ծրագրի անմիջական ներգրավմամբ իրականացված «Հաշվետու հաստատություններ և մարդու իրավունքների պաշտպանություն Հայաստանում» ծրագիրը, ինչպես նաև աղետների ռիսկերի կառավարման ուղղությամբ սերտ փոխգործակցությունը։

Շնորհակալություն հայտնելով ջերմ ընդունելության և բարեմաղթանքների համար՝ Ֆղանսուազ Ժակոբը ներկայացրել է Լոռու և Տավուշի մարզերում հեղեղումների հետևանքների ճշգրիտ գնահատման և դրանց վերացման ուղղությամբ ՆԳ նախարարության հայտի հիման վրա իրականացվող աշխատանքները։

Ֆղանսուազ Ժակոբը պատրաստակամություն է հայտնել շարունակելու արդյունավետ համագործակցությունը նաև աղետների ռիսկի կառավարման, Ոստիկանության բարեփոխումների և միգրացիայի ոլորտներում։

Վահե Ղազարյանը շնորհակալություն է հայտնել ՄԱԿ-ին արագ արձագանքման համար, ինչը կօգնի ավելի ճշգրիտ գնահատել հեղեղումների հետևանքները և աշխատանքներ սկսել դրանց վերացման ուղղությամբ»,- ասվում է հաղորդագրության մեջ։

Ըստ աղբյուրի՝ հանդիպմանը ՆԳ նախարարի տեղակալ Արփինե Սարգսյանը ներկայացրել է ՆԳ նախարարության ձևավորման և Ոստիկանության բարեփոխումների գործընթացի վերաբերյալ մանրամասներ։

Արփինե Սարգսյանը շնորհակալություն է հայտնել աղետի գոտում ՄԱԿ-ի մասնագիտական խմբի աջակցության համար` նշելով, որ ամենօրյա ռեժիմով աշխատանքները շարունակվում են:

Նա նաև անդրադարձել է ՄԱԿ-ի տարբեր գրասենյակների համագործակցությամբ ծրագրերի իրականացման աշխատանքներին` մատնանշելով նոր ուղղություններ:

Նշվում է, որ Միգրացիայի և քաղաքացիության ծառայության պետ Արմեն Ղազարյանն անդրադարձել է ՄԱԿ-ի գրասենյակների հետ արդյունավետ համագործակցությանը և նախանշել փոխգործակցությունն ընդլայնելու հետագա ուղղությունները։

Քննարկվել են նաև ծառայություններում թվայնացման գործընթացներին, անձնակազմի շարունակական վերապատրաստումներին, Ոստիկանությունում կանանց ներգրավվածության բարձրացման, ինչպես նաև փոխադարձ հետաքրքրություն ներկայացնող այլ հարցեր։

Այս թեմայով ԲՏԱ նախարարը Ֆրանսիայում հանդիպել է ռազմարդյունաբերական ընկերությունների ներկայացուցիչների հետ ԵՄ 3 փորձագետներ կօգնեն գնահատել աղետի գոտում հեղեղումներից ենթակառուցվածքներին հասցված վնասները Հինգ անձի նկատմամբ արագ կայացվեց կալանավորվան որոշում. Ռուբեն Մելիքյան Հեղեղումների հետևանքով վնասված երկաթուղու շահագործումը կարող է նախատեսածից շուտ սկսվել Ահա և ամբողջ ժողովրդավարությունը. Զախարովան համեմատել է ԱՄՆ արձագանքը Հայաստանում և Վրաստանում ցույցերին 2018-ին նա իմացել է պատերազմի մասին, գնահատել է բոլոր հնարավորությունները. Սրբազան Արցախի իշխանությունները ոստիկանությանը հորդորում են իրավիճակը գնահատել սթափ, զերծ մնալ անհամաչափ ուժի կիրառումից. տեղեկատվական շտաբ Վրաստանի ԱԳ նախարարը հույս ունի, որ ԱՄՆ-ի հետ հարաբերությունները կկարգավորվեն մոտ ապագայում Մհեր Գրիգորյանն ընդունել է Հայաստանում ՄԱԿ նորանշանակ մշտական համակարգողին Աղետի գոտում վնասների, կորուստների, կարիքների գնահատման նպատակով ՄԱԿ-ի կողմից նախաձեռնվել է Բազմոլորտային առաջնային կարիքների արագ գնահատման (MIRA) գործընթացը