Եկեղեցու դեմ պայքարելով՝ նիկոլիստները թևակոխում են Երրորդ Հանրապետության քանդման վերջին փուլը. Շարմազանով

ՀՀԿ խոսնակ Էդուարդ Շարմազանովը գրում է.

«Եկեղեցու դեմ պայքարելով՝ նիկոլիստները թևակոխում են Երրորդ Հանրապետության քանդման վերջին փուլը։

Նիկոլ Փաշինյանի ռեժիմը հերթով ի կատար է ածում Բոլթոնի հրահանգները․

Արցախը հանձնեցին, Ցեղասպանության միջազգային ճանաչումից հրաժարվեցին, ավանդական արժեքներից հրաժարվում են, Հայաստան-Սփյուռք կապն է քանդվել, գոյություն չունի արդեն, և Հայ Առաքելական Սուրբ եկեղեցու դեմ պայքար։

Եկեղեցու դեմ արշավ կարող է իրականացնել բացառապես հայկական պետության, հայ ազգի, Հայ Առաքելական Եկեղեցու թշնամին, օրինակ՝ դա կարող էին անել երիտթուրքերը, ցարական կառավարությունը, Աբդուլ Համիդը, Էրդողանի ու Ալիևի կառավարությունները կարող են անել, բայց ոչ հայկական իշխանությունները, հետևաբար սրանք ռեժիմ են, ոչ թե իշխանություն։

Եվ սա արդեն քաղաքական խնդիր չէ, սա արժեքային խնդիր է։

Եկեղեցու դեմ նիկոլիստական արշավի պատճառն ամենեւին էլ Սրբազան շարժման ակտիվացումը չէ .այն առիթ է,բայց ոչ պատճառ։

Խոսեմ փաստերով. 2018 թվականին Բագրատ Սրբազանը դեռ որեւէ շարժում չէր նախաձեռնել ու հայտնի չէր հականիկոլական հայացքներով,բայց Նիկոլ Փաշինյանի իշխանությունը քարկոծում էր Եկեղեցուն:

2018-ին Վայոց Ձորում տեղի ունեցավ փաստացի խուլիգանություն Վեհափառի նկատմամբ։

Երբ քպ-ական խորհրդարանի փոխնախագահը 2020-ի ապրիլին Վեհափառ Հայրապետն դիմում էր ավազանի անունով, այդ ժամանակ նման Սրբազան շարժում կա՞ր։

Երբ Նիկոլ Փաշինյանը հայկական սփյուռքի հետ հանդիպմանը, կարծեմ Իտալիայում էր, սպառնում էր հայ հոգևորականներին, կա՞ր նման շարժում։

Շարժումը պարզապես ավելի ցայտուն է դարձրել Նիկոլ Փաշինյանի հակահայկական ռեժիմի վախերը։

Եկեղեցու նկատմամբ մյուս լկտիությունների օրինակներն էլ չհիշեցնեմ.ակնհայտ է,որ նիկոլական քայլիստներն եկել են հիմնահատակ ավերելու Երրորդ հանրապետությունն ամբողջությամբ։

Իսկ դրանց պատասխանելու միակ ձևը պիտի լինի նրանց իշխանությունից հեռացումը։

Քանի դեռ սրանք իշխում են,Հայաստանը գահավիժելու է։

Փաստ է, որ դասական իմաստով ՀՀ Երրորդ Հանրապետությունը անկում է ապրում»։

Այս թեմայով Նիկոլիստներն ԱԺ-ում Արցախի դրոշը հանում էին, բայց փոխարենը ԵՄ դրոշ են դնում․ Շարմազանով Ադրբեջանցիների դիրքերը՝ Ոսկեպարի եկեղեցու տարածքից (տեսանյութ) Հանրապետության որոշ հատվածներում ծղրիդների տարածման դեպքեր են նկատվում. մշտադիտարկման աշխատանքներ են իրականացվում Ամենայն Հայոց Կաթողիկոսն ընդունել է Հարավային Կորեայի Մեթոդիստ եկեղեցու անդամներին Հանրապետության մի շարք հասցեներում կդադարեցվի ջրամատակարարումը Հայաստանում հեղափոխական իրավիճակ է, կաթսան եռում է․ Փաշինյանի հեռացումն անխուսափելի է․ Շարմազանով Փաշինյանը լավ գիտի, որ Արցախի ՊԲ-ն մինչև վերջին վայրկյանը ենթարկվել է ՀՀ ՊՆ-ին, մենք մենակ մնացինք. Շահրամանյան (տեսանյութ) Հայ ժողովուրդը միշտ եղել է եկեղեցու կողքին, պետք է համախմբվենք հոգևոր արժեքների շուրջ․ Կարապետյան Խաչատուրյանն ու ԱՄՆ հատուկ ներկայացուցիչն անդրադարձել են Հայաստանում և տարածաշրջանում տեղի ունեցող վերջին զարգացումներին 10 հոգով մարդ են ծեծել՝ լրագրող, զոհվածի հայր, հոգևորական, վերջին հայհոյանքներն են տվել, պղծված են (տեսանյութ)