Գնել Սանոսյանի եղբոր ՍՊԸ-ն ՌԴ-ում ընդամենը 2.5 միլիոն դրամի եկամուտ է ստացել. Hetq.am

Գնել Սանոսյանի եղբոր ՍՊԸ-ն ՌԴ-ում ընդամենը 2.5 միլիոն դրամի եկամուտ է ստացել: Այս մասին գրել է «Հետքը»:

հայքը գրում է. «Տարածքային կառավարման և ենթակառուցվածքների նախարար Գնել Սանոսյանը հունիսի 7-ին ԱԺ-ում լրագրողների հետ ճեպազրույցի ժամանակ անդրադարձել է իր մոր՝ 230 հազար դոլար արժողությամբ առանձնատուն կառուցելուն։

Նախարարը կրկին հայտարարել է, որ ՌԴ-ում շինարարությամբ զբաղվող իր եղբայրներն են ֆինանսավորել կառուցապատումը։

«Այդ հոդված գրողը եթե մի քիչ ուշադիր լիներ, բացեր, կարդար իմ եղբոր ընկերությունների անունները, կարդար, տեսներ՝ այդ ընկերությունները ինչքան տարեկան շրջանառություն են ունեցել, 230 հազար դոլարի մասին հարց չէր առաջանա։ Այսինքն, կարող էր այդ հոդված գրողը մտներ ինտերնետով կարդար մեր ընտանիքին պատկանող շինարարական ընկերությունը․․․ Եղբայրներս կա՛մ անհատապես են աշխատել, կա՛մ ընկերությունում․․․Սկզբից ընկերություն չի եղել, մասնավոր են աշխատել, հետո ընկերություն են հիմնել»,- հայտարարել է Գնել Սանոսյանը՝ նշելով, որ իր ընտանիքի անդամներին պատկանող ընկերության անունն է՝ «ՎԳՎ»։

Նախարարի հայտարարությունից առաջ մենք, իհարկե, գտել էինք իր եղբոր՝ ՌԴ-ում հիմնադրած ընկերության տվյալները, բայց դեռ հրապարակում չէինք պատրաստել։ Գնել Սանոսյանի հորդորից հետո ներկայացնում ենք բաց աղբյուրներից ստացված տվյալները, որոնք չեն հիմնավորում 230 հազար ԱՄՆ դոլար եկամուտը։

Գնել Սանոսյանի եղբայրը՝ Վահան Հենզելի Սանոսյանը, 2021 թ.-ին ՌԴ-ում հիմնադրել է «ВГВ ДОРСТРОЙ» ՍՊԸ-ն։ Ընկերության 100% բաժնետոմսերը նրան են պատկանում։ Վահան Սանոսյանն այլ ընկերություններ չի հիմնադրել, այլ ընկերությունների բաժնեմասեր ձեռք չի բերել։ Նա կապված է միայն «ВГВ ДОРСТРОЙ» ընկերության հետ (բաժնետեր և տնօրեն է)։

Ռուսաստանի Դաշնային հարկային ծառայության հարկերի և եկամուտների հաշվետվություններից պարզ է դառնում, որ «ВГВ ДОРСТРОЙ» ընկերությունը մեծ եկամուտ չի ստացել։ 2023 թ.-ին ընկերության մաքուր շահույթը կազմել է 237 հազար ռուբլի, իսկ 2022 թ.-ին՝ 275 հազար ռուբլի։ Ընկերության կանոնադրական կապիտալն ընդամենը 10 հազար ռուբլի է։ Եթե ընկերության երկու տարվա զուտ շահույթը վերածենք դրամի, կստացվի մոտ 2 միլիոն 252 հազար 800 դրամ (512,000 հազար ռուբլի)։

Մանրամասները՝ այստեղ

Այս թեմայով 13 առանձնատուն 3 միլիոն դոլարո՞վ․ հետաքրքիր է, ի՞նչ կարող է պարզել ծրագրի անկախ աուդիտը. Հակոբ Բադալյան Փաշինյանը 23 մլն․ եվրոյով Ֆրանսիայում գնել է նախկին նախագահի շե՞նքը․ բացահայտում Լեո Նիկոլյանից (տեսանյութ) 5-րդ և 6-րդ դասարանների աշակերտները կոտրել են դպրոցի բոլոր ապակիները՝ պատճառելով մոտ 1 մլն դրամի վնաս Նորվեգիան Ուկրաինային ավելի քան հարյուր միլիոն դոլար կհատկացնի Աղետի գոտում տուժածները դեռ փոխհատուցում չեն ստացել. Armlur Մեր հոլդինգով սատարում ենք իշխանության թիրախավորած գործարարին և նվիրում 1 մլն դրամի փաթեթ. Արման Վարդանյան Տեղի համայնքապետը 378 մլն դրամի պայմանագրեր է կնքել եղբոր ԱՁ-ի հետ. «Հետք» Տուժածներից բոլորն էլ բեկորային վնասվածքներ են ստացել, հիմա սա պատերա՞զմ է սեփական ժողովրդի դեմ, թե՞ ոչ, այս 4 օրերը ձեր հաղթանակի մասին են. Սրբազան Դատարանը մեղավոր ճանաչեց Վազգեն Մանուկյանին և դատապարտեց տուգանքի 400 հազար դրամի չափով Տեղի համայնքապետը 378 մլն դրամի պայմանագրեր է կնքել եղբոր ԱՁ-ի հետ․ Հետք