Համակարգիչների վրա ծածկագրիչների գրոհներն ակտիվացել են, այլ կիբեռսպառնալիքներն անկում են գրանցել

«Կասպերսկի» ընկերության լուծումները 2024-ի առաջին եռամսյակում ծածկագրիչ-տրոյացիների գրոհներից պաշտպանել են 83 270 ունիկալ օգտատիրոջ՝ մեկ տարի առաջվա 60 900-ի դիմաց։ Ընկերության տվյալներով՝ ծածկագրիչների բոլոր այն զոհերի ավելի քան 20%-ը, որոնց տվյալները հրապարակվել են խմբավորումների DLS կայքերում (data leak site), տուժել են LockBit ծածկագրիչից։ 2024-ի առաջին եռամսյակում հայտնաբերվել է ծածկագրիչների 9 նոր ընտանիք և այդ տեսակի վնասաբեր ծրագրերի 7070 նոր մոդիֆիկացիա, իսկ անցյալ տարվա նույն ժամանակահատվածում՝ ինը նոր ընտանիք և 3089 նոր մոդիֆիկացիա։ Ընթացիկ տարվա առաջին երեք ամիսներին ծածկագրիչների գրոհների ամենաշատը բախվել են Հարավային Կորեայում (0,75%), Բանգլադեշում (0,63%) և Լիբիայում (0,57%) գտնվող օգտատերերը։ Մեկ տարի առաջ այդ ցուցակը գլխավորում էր Եմենը (1,50%), Բանգլադեշը (1,47%) նույն երկրորդ տեղում էր, եռյակը եզրափակում էր Թայվանը (0,65%)։

«Կասպերսկի» ընկերության լուծումները 2024-ի առաջին եռամսյակում աշխարհով մեկ մայներներից պաշտպանել են 394 120 ունիկալ օգտատիրոջ։ Անցյալ տարվա հունվար-մարտին մայներների օգտագործմամբ գրոհներ են հայտնաբերվել 403 211 ունիկալ օգտատերերի համակարգիչներում։ Ընթացիկ տարվա առաջին երեք ամիսներին հայտնաբերվել է մայներների  6601 նոր մոդիֆիկացիա՝ նախորդ տարվա 1733-ի դիմաց։ 2024-ի նույն ժամանակահատվածում մայներներն ավելի շատ գրոհել են Տաջիկստանում (2,41%), Վենեսուելայում (1,91%) և Ղազախստանում (1,88%) գտնվող օգտատերերին։ Մեկ տարի առաջ Տաջիկստանը (2,87%) գտնվում էր առաջին տեղում, Ղազախստանը (2,52%)՝ երկրորդում, իսկ ահա Ուզբեկստանը՝ (2,30%)՝ երրորդում։

Նվազել է նաև համացանցի միջոցով, այսինքն՝ վեբ-գրոհների քանակը։ 2024-ի առաջին եռամսյակում «Կասպերսկի» ընկերության լուծումները հետ են մղել 658 181 425 գրոհ, որոնք իրականացվել են ամբողջ աշխարհում տեղակայված ինտերնետ-ռեսուրսներից: Գրանցվել է 152 841 402 եզակի URL, որոնց հակազդելու համար գործարկվել է վեբ-հակավիրուսը: 2023-ի հունվար-մարտին հետ է մղվել 865 071 227  գրոհ և արձանագրվել 246 912 694 եզակի URL: Ընթացիկ տարվա նույն ամիսներին ամենաշատը նման գրոհներ են հետ մղվել Հունաստանում (14,09%), Բուլղարիայում (13,01%) և Մադագասկարում (12,54%) գտնվող օգտատերերի համակարգիչներում։ Մեկ տարի առաջ այդ վարկանիշը հետևյալ տեսքն ուներ․ Թուրքիա (16,88%), Թայվան (16,01%), Ալժիր (15,95%)։

Ինչ վերաբերում է տեղային սպառնալիքներին (վնասաբեր ծրագրեր, որոնք հայտնաբերվել են անմիջապես օգտատերերի համակարգիչներում կամ դրանց միացված հանովի կրիչներում, կամ ի սկզբանե հայտնվել են համակարգչում ոչ բաց տեսքով, օրինակ՝ ծրագրեր բարդ ինստալյատորների կազմում, ծածկագրված ֆայլեր), ապա 2024-ի առաջին եռամսյակում «Կասպերսկի»-ի ֆայլային հակավիրուսը գրանցել է 31 817 072 վնասաբեր և հնարավոր անցանկալի օբյեկտ, իսկ մեկ տարի առաջ՝ 43 827 839։ Ամենաշատը տեղային սպառնալիքների ենթարկված երկրների եռյակը մնացել է անփոփոխ։ Եթե ընթացիկ տարվա նույն ժամանակահատվածում այն ուներ հետևյալ տեսքը. Թուրքմենստան (47,55%), Եմեն (43,57%), Աֆղանստան (42,37%), ապա մեկ տարի առաջ Եմենը (45,38%) առաջինն էր, Թուրքմենստանը (44,68%)՝ երկրորդը, իսկ Աֆղանստանը (43,64%) նույն երրորդ տեղում էր։  

Այս թեմայով Ինչ արդյունքներ են գրանցել հայ շախմատիստները՝ Շախմատի աշխարհի պատանիների առաջնությունում Խարկովի ուղղությամբ ընթանում են ակտիվ մարտական գործողություններ. Սինեգուբով Անկում տարադրամի շուկայում․ փոխարժեքն՝ այսօր ԿԸՀ-ն արտահերթ նիստում Երևանի ավագանու անդամ է գրանցել Գեղարքունիքի մարզում գրանցվել է խոշոր եղջերավորների գլխաքանակի անկում, մանր եղջերավորների աճ Ատեստավորմանը դրական արդյունք է գրանցել ԱԱԾ ծառայողների 20 տոկոսը Մանչեսթեր Սիթին Անգլիայի գավաթի մրցաշարի նոր ռեկորդ է գրանցել Քեյնը Բունդեսլիգայի նոր ռեկորդ է գրանցել ԵԽ խոշտանգումների դեմ պայքարի կոմիտեն Հայաստանում դրական արձանագրումներ է գրանցել Մեսսին առաջին անգամ է դուբլ գրանցել MLS-ում