«Հայկական պետություն» նախաձեռնության հայտարարությունը

Մենք՝ «Հայկական պետություն» նախաձեռնության անդամներս, խստորեն դատապարտում ենք սույն թվականի հունիսի 12-ին «Բաղրամյան» և «Դեմիրճյան» փողոցների խաչմերուկում խաղաղ և անզեն հավաքի ընթացքում ՀՀ քաղաքացիների նկատմամբ ՀՀ ոստիկանական ուժերի կողմից առանց նախազգուշացման կիրառված անհամաչափ բիրտ ուժի անիրավաչափ գործադրումը, որը որևէ աղերս չունի Հայաստանի Հանրապետության օրենքով սահմանված և միջազգային իրավունքի ժողովրդավարական նորմերի հետ։

Կոչ ենք անում միջազգային իրավապաշտպան և այլ կազմակերպություններին, Հայաստանի Հանրապետությունում հավատարմագրված դեսպաններին իրենց զեկույցներում անդրադառնալ Հայաստանի Հանրապետությունում ժողովրդավարության, խաղաղ և անզեն հավաքներին ազատորեն մասնակցելու և դրանք կազմակերպելու, կարծիքի ազատ արտահայտման իրավունքների խախտումներին և ոտնահարումներին, ինչպես նաև՝ անհապաղ հանդես գալու հրապարակային հայտարարություններով՝ կատարված իրադարձություններին և դեպքերին տալով համապատասխան գնահատական։

Միաժամանակ կոչ ենք անում հասարակական կազմակերպություններին, նախաձեռնություններին, շարժումներին, քաղաքական կուսակցություններին և նրանց անդամներին սեփական հավակնություններից զերծ մնալ և ամբողջովին ու բոլորանվեր միանալ Գերաշնորհ Բագրատ արքեպիսկոպոս Գալստանյանի առաջնորդությամբ ղեկավարվող «Սրբազան պայքարին», քանի որ ՄԵՐ ճանապարհը մեկն է՝ Ճշմարտության և Արքունյաց ճանապարհը, որով Ուխտավոր հայ ժողովուրդն անցել է իր ամբողջ մարտիրոսագրված պատմության ընթացքում և արժանավորապես վաստակել իր բնօրրանում պետություն և պետականություն ունենալու իրավունքը, և այդ իրավունքը չի կարող զիջել և չի զիջելու խաղաղասիրության և բարեկամության կեղծ կոչերով հանդես եկող ո՛չ խաղարարար և ո՛չ բարեկամ որևէ պետության, առավել և՛ս՝ այդ պետությունների կողմից իշխանության բերված ազգադավ և հայրենադավ խամաճիկների իշխանությանը։

Կանխատեսելով այս ազգադավ և հայրենադավ իշխանությունների, իր ազգությունը ուրացած, ազգային արժանապատվություն չունեցող նրանց գերագույն ղեկավարի կողմից ձեռնարկվելիք ակնկալվող ապագա սադրանքները և վայրագությունները, բռնարարքները, ազգուրացության և հայրենադավության դեպքերը՝ առաջարկում ենք «Սրբազան պայքարի» մասնակիցների կողմից ստեղծել իրավապաշտպաններից, մշակույթի և արվեստի գործիչներից, լրագրողներից կազմված փաստահավաք առաքելություն՝ դրանք կանխարգելելու և զսպելու, ինչպես նաև՝ հանցավոր և հանցակից անձանց օրենքով սահմանված պատասխանատվության ենթարկելու համար։

«Հայկական պետություն» նախաձեռնության անդամների անունից

ԿԱՐԵՆ ԱՐԻՍՏԱԿԵՍՅԱՆ

«Հայկական պետություն» նախաձեռնության հիմնադիր անդամ, ՀՀ մշակույթի նախկին փոխնախարար, Սարդարապատի հերոսամարտի հուշահամալիրի և Հայոց ազգագրության թանգարանի նախկին տնօրեն

ՌՈՒԲԵՆ ՀՈՎՀԱՆՆԻՍՅԱՆ

«Հայկական պետություն» նախաձեռնության հիմնադիր անդամ - համակարգող, մշակույթի գործիչ, ռեժիսոր

ԹԱԹՈՒԼ ՄԱՆԱՍԵՐՅԱՆ

«Հայկական պետություն» նախաձեռնության հիմնադիր անդամ, տնտեսագիտության դոկտոր, պրոֆեսոր

ԿԱՐԵՆ ԽՏՐՅԱՆ

«Հայկական պետություն» նախաձեռնության անդամ, իրավաբան, Քաղաքացիական ծառայության 2-րդ դասի պետական խորհրդական

ԱՐԱԶ ԲԱՂԴԱՍԱՐՅԱՆ

«Հայկական պետություն» նախաձեռնության անդամ, տնտեսագետ, տնտեսագիտական գիտությունների թեկնածու

Այս թեմայով Թուրքիայի ԱԳՆ-ն ողջունել է ՀՀ ԱԳՆ-ի հայտարարությունը Հայաստանի Հանրապետությունը ճանաչում է Պաղեստինի պետությունը․ ԱԳՆ հայտարարությունը Բեզոարյան այծերի բազմությունն ազատ շրջում է հայկական լեռներում Կիրանցի եկեղեցիները բուն հայկական են. ԿԳՄՍՆ-ն արձագանքել է Ադրբեջանի մանիպուլյատիվ քաղաքականության հերթական դրսևորմանը ՄԻ պաշտպանության հայկական կենտրոնը դատապարտում է հավաքին ոստիկանության գործադրած անհամաչափ ուժը Վրացական պատվիրակությունը ժամանել է Հայաստան՝ ներկայացնելու Վրաստանում պահվող հայկական ձեռագրերը Դեպի Ռուսաստան հայկական արտահանման համար տնտեսական խոչընդոտներ այժմ չկան. ՀՀ էկոնոմիկայի նախարար Ստալինյան բռնաճնշումնե՞ր, թե՞ ժողովրդավարության բաստիոն․ Ռումանիոյ հայոց թեմի հայտարարությունը «ՀԱՅԿԱԿԱՆ ՆԱԽԱԳԻԾ» ԿԱԶՄԱԿԵՐՊՈՒԹՅՈՒՆԸ ԴԱՏԱՊԱՐՏՈՒՄ Է ՈՒԺԱՅԻՆ ՀԱՄԱԿԱՐԳԻ ԳՈՐԾՈՂՈՒԹՅՈՒՆՆԵՐԸ Փաշինյանը Ամերիկայի հայկական համագումարի ղեկավարության հետ անդրադարձել է խաղաղության գործընթացին