ԱԺ-ն դարձրել են Եկեղեցուն հարվածելու ամբիոն՝ անցնելով բարոյական բոլոր նորմերը. Տեր Գաբրիել

«Սպանությունները գրեթե դարձել են ամենօրյա սովորական երևույթ։ Գրեթե ամեն օր ավտովթարների զոհ են դառնում մեր հայրենակիցները։ Շատ է խոսվում այն մասին, որ թմրամիջոցների տարածման դեպքերը այնքան են շատացել, հատկապես երիտասարդների շրջանակներում, որ միայն կարելի է սարսափել դրանից։ Երկրում տիրում է քաոսային մի վիճակ։ Անվստահությունը, անհանդուրժողականությունն ու ատելությունը ամեն քայլափոխի շվաքի պես հետևում են մեզ։

Իսկ այս ամենի պատասխանատուները, բան ու գործ թողած, առիթ են փնտրում և ստեղծում հարվածներ հասցնելու Եկեղեցուն և վարկաբեկելու հոգևորականներին։ Նրանք անձնական վիրավորանք են ընդունում, երբ անհանգստությունդ ես արտահայտում։ «Հանգիստ նստեք տեղներդ», թե ձեզ ու ձեր զավակներին ինչպես կվերացնենք, ձեր գործը չէ, դա քաղաքականություն է, իսկ քաղաքականությամբ կարող են զբաղվել միայն Վահագն Ալեքսանյանը, Արփի Դավոյանը, Արայիկ Հարությունյանը, Արսեն Թորոսյանը և յուրայինները։

Ամենայն անկեղծությամբ, իմ տպավորությունն այն է, որ այս «պատասխանատուներին» հասարակության առջև ծառացած որևէ խնդիր չի հետաքրքրում։ Կարծես նրանց գերնպատակը «Ալմա-Աթայի հռչակագիր», «Ալմա-Աթայի հռչակագիր» գոռալով հայրենի տարածքները Ադրբեջանին հանձնելը լինի։ Եվ այո՛, այս համատեքստում պետք է թիրախավորեն, փորձեն վարկաբեկել մի կառույցի, որի գերնպատակը մշտապես եղել է հայն ու Հայրենիքը։ 

Ազգային Ժողովի բարձր ամբիոնը դարձրել են Եկեղեցուն հարվածելու և հոգևորականներին վարկաբեկելու ամբիոն՝ անցնելով բարոյական բոլոր նորմերը, այն աստիճան, որ Ամենայն Հայոց Կաթողիկոսին դիմում «պարոն»-ով, ու ոչ պատշաճ ձևերով...

Ձեր կարծիքով այդչափ ցածրորակ, պարզամիտ և բարոյազուրկ ելույթներով ու գրառումներով հեղինակազրկո՞ւմ եք Եկեղեցուն և նրա սպասավորներին։ 

Սխալվում եք։ Այս կերպ դուք ևս մեկ անգամ բացահայտորեն ի ցույց եք դնում ձեր հակաեկեղեցական տեսակը և բացահայտում ձեր իրական կերպարը։ Աստված պահապան Հայոց ազգիս»։

Տեր Գաբրիել քահանա Վարդանյան

Այս թեմայով ՀՀ կառավարությունը շարունակում է գործարկել բոլոր հնարավոր քայլերը փախստականներին աջակցելու համար Մարտի 1-ը ողբերգություն է բոլոր առումներով և իմ համեմատությունը կապված էր զուտ անձի հետ. Սրբազան Հայաստանում կառավարող վարչակազմը հատել է բոլոր կարմիր գծերը. այն պետք է հնարավորինս շուտ հեռացվի Սրբազան շարժման համախոհների քանակը պետք է ավելացնել՝ գնալով մարզեր եւ անմիջականորեն շփվելով հասարակության բոլոր շերտերի հետ. Արման Վարդանյան Մեր բոլոր լուծումները ԵՄ-ում չեն, Հայաստանում են, չպետք է ծայրահեղությունների մեջ ընկնել. Ղազարյան (տեսանյութ) ԵՄ մեղր կարելի է արտահանել՝ պահելով սահմանված նորմերը 5-րդ և 6-րդ դասարանների աշակերտները կոտրել են դպրոցի բոլոր ապակիները՝ պատճառելով մոտ 1 մլն դրամի վնաս 15-ին ազատ են արձակվել խորհրդարանի շենքի մոտ ձերբակալված բոլոր 28 անձինք Բաղրամյան պողոտայի գործով ձերբակալված բոլոր 27 անձինք ազատ արձակվեցին 2018-ին նա իմացել է պատերազմի մասին, գնահատել է բոլոր հնարավորությունները. Սրբազան