Մարվել և շրջանառության մեջ են դրվել աշխարհահռչակ հայ Փարաջանովի ծննդյանը նվիրված նամականիշներ

Այսօր մարվել և շրջանառության մեջ են դրվել երկու նամականիշ՝ նվիրված «Աշխարհահռչակ հայեր. Սերգեյ Փարաջանովի ծննդյան 100-ամյակ» թեմային:

 320 ՀՀ դրամ անվանական արժեքով նամականիշի վրա պատկերված է հայ հռչակավոր կինոռեժիսոր, սցենարիստ, կոլաժի վարպետ, ՀԽՍՀ և ՈՒԽՍՀ ժողովրդական արտիստ Սերգեյ Փարաջանովը (1924-1990թթ.), իսկ 380 ՀՀ դրամ անվանական արժեքով նամականիշը ներկայացնում է իր «Վարիացիա Պինտուրիկիոյի ու Ռաֆայելի թեմաներով» կոլաժը (1989թ.): Նամականիշերի վրա նաև առկա են «ՍԵՐԳԵՅ ՓԱՐԱՋԱՆՈՎ» և «ՀԱՅ ԿԻՆՈՌԵԺԻՍՈՐ» գրառումները՝ հայերեն և անգլերեն լեզուներով:

Նամականիշերի վրա նաև տեղադրված է ՅՈՒՆԵՍԿՕ-ի լոգոտիպը, քանի որ Սերգեյ Փարաջանովի ծննդյան 100-ամյակն ընդգրկված է ՅՈՒՆԵՍԿՕ-ի՝ Հռչակավոր մարդկանց և կարևոր իրադարձությունների հոբելյանների 2024-2025 թթ. օրացույցում:

Նամականիշերը տպագրվել են Ֆրանսիայի Կարտոր տպագրատանը 30000 օրինակով։ Դիզայնի հեղինակը Վահագն Մկրտչյանն է:

Նամականիշերի մարումը իրականացրել են Հայաստանի Հանրապետության վարչապետի աշխատակազմի ղեկավար Արայիկ Հարությունյանը, Հայաստանի Հանրապետության բարձր տեխնոլոգիական արդյունաբերության նախարարի առաջին տեղակալ Գևորգ Մանթաշյանը, Հայաստանի Հանրապետության կրթության, գիտության, մշակույթի և սպորտի նախարարի տեղակալ Դանիել Դանիելյանը, «ՀայՓոստ» ընկերության գլխավոր գործադիր տնօրենի տեղակալ Արման Աբրահամյանը, Ֆիլատելիստների հայկական ասոցիացիայի նախագահ Հովիկ Մուսայելյանը, Սերգեյ Փարաջանովի թանգարանի տնօրեն Անահիտ Միքայելյանը:

Այս թեմայով Հայաստանը մնում է նվիրված խաղաղության բանակցություններին. Ղազարյանի ելույթը՝ ԵԽԽՎ-ում (տեսանյութ) Աշխարհահռչակ դերասան Քևին Սփեյսին՝ «Ոսկե ծիրան» կինոփառատոնի պատվավոր հյուր «Ես վրեժխնդիր կլինեմ աշխարհից սիրո միջոցով». Սերգեյ Փարաջանովին նվիրված ֆիլմն իր շուրջ է համախմբել համաշխարհային աստղերի Հնդկաստանը ներկայացնող գրոսմայստերը՝ Ստեփան Ավագյանին նվիրված մրցաշարի հաղթող EventHub․am-ը՝ աշխարհահռչակ Black Eyed Peas-ի Թբիլիսիի համերգի տոմսերի վաճառքի պաշտոնական ներկայացուցիչը Երևանում մեկնարկել է Տեղական ժողովրդավարության հարցերին նվիրված հայ-ամերիկյան համաժողովը Հայաստանը չի ստորագրել Շվեյցարիայում Ուկրաինային նվիրված համաժողովի ամփոփիչ հռչակագիրը Սերժ Սարգսյանը հետևել է Ստեփան Ավագյանի հիշատակին նվիրված մրցաշարի խաղափուլի ընթացքին Ռոբերտ Ամիրխանյանի ծննդյան 85-ամյակին նվիրված հոբելյանական համերգներ կլինեն Աշխարհահռչակ ջութակահար Հադելիխը «Երևան» պատանեկան սիմֆոնիկ նվագախմբի հետ ելույթ է ունեցել