Թալիբներն օրենքով արգելել են տղամարդկանց փողկապ կրել, իսկ կանանց՝ տղամարդկանց նայել

«Թալիբան» շարժումը, որի ձեռքում է գտնվում իշխանությունն Աֆղանստանում, վավերացրել է 35 հոդվածից բաղկացած օրենքը պատշաճության նորմերի մասին, որոնք համապատասխանում են իսլամական ավանդույթներին։

Մասնավորապես, օրենսդրորեն հաստատվել է կնոջ դեմքը թաքցնող հիջաբ կրելու անհրաժեշտությունը։ Հրամանագիրը, որը կանանց պարտավորեցնում է հիջաբ կրել, թալիբները հրապարակել են դեռ 2022 թ. ապրիլին։ Հետագայում հրամանագրի հիման վրա թալիբները մշակեցին դրույթներ, որոնք ներառվել են վավերացված օրենքում։Այսպես, օրենքը կանանց պատվիրում է փակել դեմքն ու մարմինը, որպեսզի «գայթակղություն չառաջանա», խուսափել հրապարակային ելույթներից, այդ թվում՝ երգելուց, հրապարակային արտասանությունից կամ բարձրախոսով որևէ ելույթից, ինչպես նաև հասարակական վայրերում բարձր խոսակցություններից:

Նաև կանանց արգելվում է նայել տղամարդկանց, որոնց հետ նրանք արյունակցական կամ ամուսնական կապեր չունեն։Օրենքը տաքսու և հասարակական տրանսպորտի վարորդներին արգելում է չափահաս կանանց տեղափոխել առանց տղամարդ հարազատների ուղեկցության:Իսկ տղամարդկանց օրենքն արգելում է փողկապ կրել և սահմանափակում է մորուքի երկարությունը։Օրենքը պարունակում է դրույթներ, որոնց համաձայն լրատվամիջոցները պարտավոր են տեղեկատվություն տարածել միայն շարիաթի օրենքներին համապատասխան։ Թալիբները նաև արգելել են լրատվամիջոցներին «նվաստացնել կամ վիրավորել մուսուլմաններին» և հրապարակել «կենդանի էակների պատկերներ»: Օրենքի դրույթները խախտելու համար Առաքինության քարոզչության և արատավոր չարիքների կանխարգելման նախարարությունը քաղաքացիների նկատմամբ կարող է նախազգուշացում, տուգանք կամ կալանք կիրառել։

Այս թեմայով Շախմատի կանանց Հայաստանի հավաքականը երկրորդ հաղթանակը տարավ Տղամարդկանց և կանանց հավաքականները հաղթանակով են մեկնարկել շախմատի Օլիմպիադայում ԱՀ պաշտոնյաները շարունակում են պատասխանատվություն կրել արցախահայության ճակատագրի վերաբերյալ. Բաղունցը՝ Ալեն Սիմոնյանին Հելսինկին մտադիր է արգելել ՌԴ քաղաքացիներին անշարժ գույք գնել Ֆինլանդիայում Ավստրալացի միլիարդատերը մտադիր է արգելել աշխատակիցներին սուրճ խմելու գնալ Ռուսաստանն արգելել է ԱՄՆ 92 քաղաքացիների մուտքը երկիր Ադրբեջանն արգելել է ԵԽԽՎ պատգամավորների մուտքը իր տարածք. ովքեր են ցանկում Բիզնեսին այսուհետ օրենքով պարտադրելու են տեսախցիկներ ունենալ. Էլիբեգովա Ինչ վնասներ է կրել Երանոս համայնքը երկրաշարժից. մանրամասներ ԱՄՆ ֆուտբոլի կանանց հավաքականը հաղթեց Բրազիլիային և դարձավ ՕԽ չեմպիոն