Սոս Սարգսյանի անվան Համազգային թատրոնը հնարավոր է հունվարից արդեն գործի նոր շենքում

«Սոս Սարգսյանի անվան Համազգային թատրոնը հնարավոր է արդեն 2025 թվականի հունվարին իր գործունեությունը շարունակի նոր շենքում»,- այս մասին Panorama.am-ին ասաց Սոս Սարգսյանի անվան Համազգային թատրոնի գեղարվեստական ղեկավար Նարինե Գրիգորյանը։

Հիշեցնենք, որ կառավարությունը որոշել է ՀՀ կրթության, գիտության, մշակույթի և սպորտի նախարարությանը 2024 թվականի պետական բյուջեով հատկացված միջոցների հաշվին կատարել վերաբաշխում և գումար հատկացնել  «Սոս Սարգսյանի անվան համազգային թատրոն» ՊՈԱԿ-ի համար Անրի Վեռնոյ 3 հասցեում կառուցված նոր շենքի ներքին հարդարման համար։ 

Նարինե Գրիգորյանն ասաց, որ հայտարարվելու է մրցույթ, որից հետո արդեն աշխատանքներն ակտիվորեն կընթանան։

«Նախատեսվում է ամենաուշը հունվարին բացել մեր թատրոնի նոր շենքը»,- նշեց նա։

Ն.Գրիգորյանի խոսքով, իրականում մեծ աշխատանքն արդեն արված է, մնացել է ներքին հարդարանքը։

Հարցին՝ արդեն ունե՞ն պլաններ, թե որ ներկայացմամբ է բացվելու թատրոնի նոր շենքը, նա ասաց. «Այս տարվա մեր թատերաշրջանը նվիրվելու է Սոս Սարգսյանի 95-ամյակին։ Սեպտեմբերի 26-ին՝ Սոս Սարգսյանի մահվան օրը, մեզ մոտ կլինի պրեմիերա. բեմադրել ենք նրա գրած «Լակոտ» վիպակը։ Նախատեսում էինք հենց այդ ներկայացմամբ բացել իր անվան թատրոնը։ Բայց մենք չսպասեինք մինչև շենքի բացումը։ 

Հիմա պատրաստվում եմ բեմադրել Անտոն Չեխովի «Բալի այգի» պիեսը, որը կորսված այգու մասին է։ Իսկ Արցախն ինչքա՜ն կորսված այգի է մեզ համար։

Նախատեսում եմ հունվար-փետրվարին արդեն ներկայացնեմ հանդիսատեսին։ Եթե մինչ այդ էլի թատրոնի նոր շենքը բացման համար պատրաստ չլինի, հաջորդ տարի մեզ մոտ բեմադրություններ է անելու ֆրանսահայ դերասան, թատրոնի ռեժիսոր Սիմոն Աբգարյանը։ Նա գալու է Հայաստան նկարահանվելու «Իմ անունը Արամ է 2» ֆիլմում, զուգահեռ բեմադրություններ է անելու մեզ մոտ։ Այնպես որ, Սիմոն Աբգարյանի բեմադրությամբ հաստատ կբացենք մեր նոր թատրոնի շենքը»։

Հիշեցեննք, որ Սոս Սարգսյանի անվան Համազգային թատրոնի շենքի հիմնարկեքի արարողությունը կայացել է 2019 թ. մարտի 23-ին։Շենքի ճարտարապետն է Իսահակ Ներսիսյանը։

Սոս Սարգսյանի անվան Համազգային թատրոնը հիմնադրվել է 1991 թվականին ԽՍՀՄ ժողովրդական արտիստ Սոս Սարգսյանի նախաձեռնությամբ: Այն գործում է Երևանի թատրոնի և կինոյի պետական ինստիտուտի առաջին հարկում, մինչ օրս սեփական շենք չունի:

Այս թեմայով Քարոզիչներ են հայտնվել քաղաքագետ անվան տակ «Զանգեզուրի միջանցքի» զիջում են հիմնավորում Բագրատ Սրբազանը հանդիպել է Ռոբերտ Քոչարյանի և Սերժ Սարգսյանի հետ ԵՄ դեսպանի համոզմամբ՝ համատեղ ջանքերով հնարավոր կլինի հասնել վիզաների ազատականացման Կարծում ենք՝ ԱՄՆ-ն արդեն որոշում է կայացրել Ռուսաստանին ATACMS-ով հարվածելու մասին «Ոչ մեկ պլասկագուբցիով ձեր բերանը չի․․․», պարոն Գրիգորյան, «Telcell»-ը քաղաքապետարանին արդեն գցել ա (տեսանյութ) Վանաձորի Աբելյանի անվան թատրոնում նոր թատերաշրջանում կլինեն պրեմիերաներ, այդ թվում՝ «Վիշապը» քաղաքական սատիրան «Տելեգրամ»-ը սպառնալիք է Ուկրաինայի ազգային անվտանգության համար. Կիրիլ Բուդանով 8 հայ բռնցքամարտիկ դուրս է եկել Գեորգի Կանդելակիի անվան միջազգային մրցաշարի եզրափակիչ ԵՄ անդամակցության «թատրոնը»՝ տարածաշրջանային իրադարձությունների ֆոնին. «Փաստ» Իրանի դեսպանության հովանավորությամբ արևելագիտության ֆակուլտետում բացվեց «Ֆիրդուսու անվան սրահը»