Կինն արգելել է սկեսուրին շփվել թոռների հետ՝ նրա մի արարքի պատճառով

Reddit-ի օգտատերերից մեկը պատմել է այն մասին, թե ինչպես է արգելել իր սկեսուրին շփվել թոռների հետ՝ նրա մի արարքի պատճառով: Տատիկը թոռներին տարել է նրանց մորաքրոջ տուն, որտեղ էլ տեսել են, թե ինչպես է վերջինս վրեժխնդիր լինում ամուսնուց` դավաճանության համար, գրում է Lenta.ru-ն։

Գրառման հեղինակը պատմել է, որ սկեսուրին խնդրել է երեխաներին պահել, որպեսզի ամուսնու հետ գնա հանգստի։ «Ես և ամուսինս պետք է վերջապես մենակ ժամանակ անցկացնեինք, քանի որ վերջերս որոշ տարաձայնություններ ունեինք», - պատմել է կինը:

«Իմ սկեսուրը խորթ աղջիկ ունի՝ ամուսնուս խորթ քույրը, որը ծնվել է ամուսնուս ծնողների և մատուցողուհու պատահական հարաբերությունների արդյունքում»,- պատմել է հերոսուհին։ Նրա խոսքով՝ այն ժամանակ նրանք բաց հարաբերություններ են ունեցել, և սիրել են իրենց ապօրինի դստերը։

Կինը պատմել է, որ իր սկեսուրի խորթ աղջիկն ինը ամիս առաջ ամուսնացել է ու մեծ հարսանիք արել։ Սակայն ավելի ուշ պարզել է, որ փեսան դավաճանել է իրեն տոնակատարության նախատրաստման ողջ ընթացքում։ «Սկեսուրը որոշեց երեխաներիս տանել խորթ դստեր տուն, քանի որ չէր ուզում նրան մենակ թողնել նման լուրից հետո»,- պատմել է կինը։

Ըստ պատմության հերոսուհու՝ երեխաներն իրեն պատմել են, որ ականատես են եղել, թե ինչպես է մորաքույրը դավաճանության համար վրեժ լուծելու նպատակով ազատվում ամուսնու հագուստից։ «Նա կտրում էր իր ամուսնու թանկարժեք վերնաշապիկների թևերը, կտրատում նրա դիզայներական կոստյումները և բառացիորեն ոչնչացնում նրա ամբողջ զգեստապահարանը», - ասել է նա:

«Ես կատաղեցի և անմիջապես զանգահարեցի ամուսնուս մորը։ Ես նրան ասացի, որ նա բացարձակապես անպատասխանատու է, քանի որ թույլ է տվել իմ երեխաներին դիտել իր խորթ դստեր անառողջ պահվածքը»,- դժգոհել է պատմության հեղինակը։ «Այնուհետև նրա ապօրինի աղջիկը վերցրեց հեռախոսը և սկսեց բղավել ինձ վրա, որին ի պատասխան ես նրան աղբ անվանեցի՝ հիշեցնելով, թե ինչ պայմաններում է նա ծնվել»,- պատմել է կինը։ Այդ ժամանակվանից ի վեր նա որոշել է այլևս երբեք չվստահել երեխաներին սկեսուրին։

Հրապարակման տակ գտնվող մեկնաբանություններում օգտատերերը աջակցել են գրառման հեղինակի` ամուսնու մորից երեխաներին պաշտպանելու որոշմանը։ Այնուամենայնիվ, շատերը քննադատել են կնոջը և նշել են, որ նա իրավունք չունի վիրավորելու իր սկեսրոջ ապօրինի դստերը, ով մեղավոր չէ այն պայմանների համար, որում ծնվել է։