Ֆիթնես բլոգերը քննադատվել է որդու հետ անկեղծ լողազգեստով լուսանկարվելու համար

Ավստրալացի ֆիթնես բլոգեր Սոֆի Գուիդոլինը հարձակման է ենթարկվել սոցցանցերում իր 15-ամյա որդու հետ անկեղծ լողազգեստով լուսանկար հրապարակելուց հետո, սակայն կարողացել է ամոթանք տալ քննադատներին։ Այս մասին հայտնում է The New York Post-ը։

Սոֆի Գուիդոլինը սոցցանցերում լուսանկար է տարածել՝ ի պատիվ որդու՝ Քայիի 15-ամյակի, որում նա լողազգեստով է և գրկել է դեռահասին։ Սոցցանցերը բացասաբար են արձագանքել ֆիթնես բլոգերի հրապաարկմանը. քննադատները գրել են, որ լուսանկարն անտեղի է, որդին ակնհայտորեն անհարմար է զգում մոր կողքին, իսկ ինքը՝ 33-ամյա կինը, օգտագործում է որդուն՝ հագեցնելու իր ուշադրության ծարավը։ Անգամ եղել են այնպիսինները, ովքեր վիրավորական ենթադրություններ են արել, թե իբր ֆիթնես բլոգերը սեռական հարաբերությունների մեջ է որդու հետ։

Ի պատասխան Սոֆի Գուիդոլինը Daily Star թերթին տված հարցազրույցում հայտարարություն է արել, որում ասել է, որ «մարմինը նորմալ է», և նա անընդհատ ասում է իր որդիներին, որ ամաչելու ոչինչ չկա։

«Այսպիսով, երբ ինձ տեսնում են բիկինիով, նրանք այլ բան չեն մտածում, քան՝ «Օ՜, մայրիկն արևային լոգանք է ընդունում, մայրիկը գնում է լողափ, մայրիկը պատրաստվում է լողալու»: Նրանք ինձ այնպես չեն նայում, թե «վայ, ինչ սեքսուալ հետույք ունես»,- ասել է ֆիթնես բլոգերը։

Սոֆի Գուիդոլինը ստիպված է եղել լուսանկարին մակագրություն ավելացնել, որով բացատրվում էր, որ Գոլդ Քոսթ քաղաքում, որտեղ ինքը ապրում է, բիկինիով լողափ գնալն ավելի քան նորմալ է։

Նա նաև մեկ այլ գրառում է կատարել, որում բացատրել է իր դիրքորոշումը.

«Ինձ ինչ-որ բան խանգարո՞ւմ է տղաներիս առաջ բիկինի կրել: Ոչ մի դեպքում: Ինչո՞ւ։ Որովհետև նրանք ինձ չեն սեքսուալացնում և երբեք չեն սեքսուալացրել: Իսկ եթե խնդիրներ ունեք, ուրեմն մտածեք, թե ինչու եք սեքսուալացնում կանացի մարմինը` լողավազանի մոտ որդու հետ ուղղակի մայր լինելու փախարեն», - գրել է բլոգերը։