Իրինա Շեյքը փորձում է երկրորդ անգամ հղիանալ Բրեդլի Կուպերից․ Page Six

Ռուս սուպերմոդել Իրինա Շեյքը փորձում է երկրորդ անգամ հղիանալ իր նախկին ընկերոջից՝ ամերիկացի դերասան Բրեդլի Կուպերից։ Այս մասին հայտնում է Page Six-ը՝ հղում անելով աղբյուրին։

Սեպտեմբերին Page Six-ը, հղում անելով իր աղբյուրին, հայտնել էր, որ Իրինա Շեյքը և Բրեդլի Կուպերը «երազում են ևս մեկ երեխա ունենալու մասին»: Նշվել է, որ Շեյքը «կուզենար, որ իր դուստրը եղբայր ունենար»։

Այժմ ինսայդերները հրապարակման հետ կիսվել են նոր մանրամասներով։ Ինչպես պարզվել է, դերասանն աջակցել է սուպերմոդելի գաղափարին, և նախկին սիրահարները լրջորեն զբաղվել են այս հարցով։ «Բրեդլին պատրաստ է ընդլայնել իր ընտանիքը։ Նրանք փորձում են երկրորդ երեխան ունենալ»,- ինսայդերների խոսքերն են մեջբերում լրագրողները։

Ընդ որում, «ամուսնության հարցը չի քննարկվում»։ «Թվում է, թե Բրեդլին շատ եվրոպական վերաբերմունք ունի ընտանիքի ինստիտուտի նկատմամբ»,- հավելել է աղբյուրը։

Ամռանը Իրինա Շեյքը և Բրեդլի Կուպերը վերամիավորման մասին խոսակցություններ են առաջացրել՝ միասին հանգստի մեկնելով Բահամյան կղզիներ: Այնուհետև նախկին սիրահարներին մեկ անգամ չէ, որ նկատել են իրենց դստեր և շան հետ զբոսնելիս, Հելոուինի երեկույթներին և CFDA Fashion Awards 2022-ին:

Իրինա Շեյքի և Բրեդլի Կուպերի հարաբերությունների մասին հայտնի դարձավ 2015 թվականի գարնանը։ Սիրավեպի սկզբից երկու տարի անց՝ 2017 թվականի մարտի 21-ին, սուպերմոդելն ու դերասանը դուստր են ունեցել, ում անվանել են Լիա։ Զույգը նշանվել է և, ըստ ինսայդերների տեղեկությունների, պատրաստվում էր ամուսնանալ։ Սակայն 2019 թվականի գարնանը նրանք բաժանվեցին։

Բաժանվելուց հետո Իրինա Շեյքին կասկածում էին Քանյե Ուեսթի հետ հարաբերություններ ունենալու մեջ, իսկ Բրեդլի Կուպերին վերագրվում էր սիրավեպ՝ Լեդի Գագայի հետ: Հուլիսին տեղեկություններ հայտնվեցին, որ դերասանը հանդիպում է Հիլարի Քլինթոնի օգնական Հումա Աբեդինի հետ։