71-ամյա տղամարդը մեկ օրում վազել է 100 կիլոմետր
Другое
ԱՄՆ Կալիֆորնիա նահանգի բնակիչը, ով կնոջ վնասվածքի պատճառով սկսել է վազել 60 տարեկանում, մեկ օրում վազելով անցել է 100 կիլոմետր ու պատմել, թե ինչպես է սպորտն ազդել իր ամուսնության վրա։ Նրա պատմությունը հրապարակում է The Guardian-ը։
Թերթի նախկին խմբագիր 71-ամյա Քեն Քեմփբելը երբեք չի սիրել սպորտը, ինչը չի կարելի ասել նրա կնոջ՝ Սյուզանի մասին, ով պարբերաբար վազում և մասնակցում է մարաթոնների։ Ավելի քան տասը տարի առաջ կինը վնասեց իր ոտքը և խնդրեց ամուսնուն ապահովագրել իրեն և վազքի ժամանակ ընկերակցել: «Սկզբում պարզապես քայլում էինք, և նույնիսկ դա ինձ համար դժվար էր։ Այդ ժամանակ 90 կիլոգրամ էի կշռում»,- հիշում է տղամարդը:
Մինչ Սյուզանը լիովին ապաքինվեց և այլևս ուղեկցորդի կարիք չուներ, Քենին արդեն սկսել էր սիրել վազքը: Ավելին, մարզումները տեսանելի արդյունք տվեցին՝ տղամարդը նիհարեց, դարձավ ավելի դիմացկուն ու ակտիվ։ Ժամանակի ընթացքում նա սկսեց միանալ իր կնոջը և խմբին, որոնց հետ նա մրցավազքի էր մասնակցում։ Նախ Քենը հաղթահարեց 50 կիլոմետր, իսկ հետո՝ 100 կմ տարածությունը։
100 կիլոմետրանոց ուլտրամարաթոնը տևել է 16 ժամ, տղամարդը վերջնագիծը հատել է առավոտյան ժամը երեքին։ Նպատակին հասնելու ճանապարհին նրան աջակցում էին դուստրն ու կինը։ Քենի խոսքով՝ վազքը իրեն ավելի է մտերմացրել Սյուզանի հետ և լավ է ազդել ամուսնության վրա. այժմ զուգընկերներն ունեն ընդհանուր հետաքրքրություն և համայնք, որտեղ շփվում են համախոհների հետ։
Самое популярное 
Основные функции армянской диаспоры на современном этапе и необходимость принятия государственной концепции по отношению к Диаспоре
