Մարդ ծեծողին պատժելու փոխարեն մեդալ են տալիս

Mediahub.am-ը գրում է․

Այսօր ՀՀ Անկախության տոնի առթիվ այդ անկախությունը մսխող Նիկոլ Փաշինյանի միջնորդությամբ և նրա մոտ նախագահ աշխատող Վահագն Խաչատուրյանի հրամանագրով պարգևատրվել են Ներքին գործերի նախարարության Ոստիկանության և Փրկարար ծառայության մի խումբ ծառայողներ։ 

Ծառայության ընթացքում ցուցաբերած խիզախության և նվիրումի, օրինականության և հասարակական կարգի պահպանության գործում ներդրած ավանդի համար «Մարտական ծառայության»  մեդալով պարգևատրվել են՝ 

Ոստիկանության զորքերի հատուկ նշանակության գումարտակի (N զորամաս) հրամանատար, գնդապետ Տիգրան Սարգսյանը:

Իսկ ո՞վ է Տիգրան Սարգսյանը: Նա շարքային մարդ ծեծող է, որը գումարտակի (10:31 զորամասի) հրամանատարի պաշտոնին է հասել այս իշխանության օրոք Նիկոլ Փաշինյանի ու նրա ռեժիմի համար միտինգներին մարդ ծեծելու կամ մարդ ծեծելու հրաման տալու շնորհիվ: Նախկինում նա ծառայում էր նախկին իշխանություններին, ավելի վաղ դասակի հրամանատար է եղել, հետո աճել է հասնելով 10:31 զորամասի հրամանատարի տեղակալի պաշտոնին (մարտական գծով), իսկ արդեն իշխանափոխությունից հետո իր հավատարմությունն է հայտնել Նիկոլ Փաշինյանին ու նրա իշխանությանը հասնելով գումարտակի հրամանատարի և գնդապետի աստիճանի: 

Փաշինյանի դեմ ցույցերին տեղում հենց նրա հրամանով էին «մարդակերների» գումարտակի «քաջարի» մարտիկները հարձակվում ցուցարարների վրա ու ջարդում նրանց, ինչն էլ, բնականաբար, խրախուսվում է Փաշինյանի ու նրա տիկնոջ կողմից մարդ ծեծողներին պատժելու փոխարեն արժանացնելով մեդալի և առաջխաղացման:

Վահե Մակարյան