Գուցե՞ կառավարելի ՄԻՊ է նրանց սիրտը ուզում․ Լիլիթ Գալստյան

Գուցե՞ կառավարելի ՄԻՊ է նրանց սիրտը ուզում: Այս մասին Ֆեյսբուքի իր էջում գրել է ԱԺ նախկին պատգամավոր, ՀՅԴ անդամ Լիլիթ Գալստյանը՝  անդրադառնալով այսօր ԱԺ-ում հնչած ելույթներին։ 

«ԱԺ-ում, այսօր ՄԻՊ-ի նկատմամբ քաղաքական մեծամասնության ներկայացուցիչների՝ մեղմ ասած հոխորտանքն ու սպառնալի տոնայնությունը, բացարձակապես անընդունելի էին: Իրենց Հայաստանի փրկիչներ երևակայելու բարդույթն ու անհանդուրժողականությունն ուղղակի չարիքի են վերածվել: Երանի նրանց ինքնավստահությունն ու մեծամտությունը մի փոքր գիտելիքի և փորձառության վրա հենվեր»: 

Դաշնակցական գործչի խոսքով՝ եթե պատգամավորները ծանոթ լինեին ՄԻՊ-ի մասին ՀՀ օրենքին և այս օրենքից և միջազգային կոնվենցիաներից բխող պարտավորություններին, գուցե իմանային, որ պետական կառավարման մարմինները ՄԻՊ-ի կարգավորման սուբյեկտ չեն:

«Գուցե կարիք կա այդ ընկերներին հիշեցնելու, որ պատգամավորը ժողովրդի առաջնային մանդատով և անձեռնմխելիությամբ օժտված բարձրագույն կարգավիճակ ունեցող ընտրյալն է: Մի՞թե կարիք կա հիշեցնելու, որ ժողովրդի ընտրյալի վարքը, պատասխանատվությունը, բարոյականությունն ու ինտելեկտը բարձր չափանիշներ են նախատեսում:
Զավեշտական և միաժամանակ ողբերգական էր օրեր առաջ տեսնել, թե ինչպես է ՀՀ վարչապետի ներկայությամբ պատգամավորների <<մոռդաբոյի>> վկա ԱԺ նախագահ Արարատ Միրզոյանը անզոր գոչում՝ ու՞ր են անվտանգության աշխատակիցները… Շատ-շատ տխուր է: Սա ԱԺ ինստիտուտի ուղիղ արժեզրկումն է… Մանդատի արժեքը չեն հասկանում…Գուցե՞ կառավարելի ՄԻՊ է նրանց սիրտը ուզում», գրել է Լիլիթ Գալստյանը: 

Այս թեմայով Քանի դեռ Հայաստանում իշխանության ղեկին Նիկոլն ու նրա քաղաքական թիմն են, Ադրբեջանը շարունակելու է ագրեսիվ պահանջատիրությունը Չեմ հավատում, որ ագրեսոր Ադրբեջանի հետ ԵՄ գազային գործարքն ավելի թանկ է, քան ժողովրդավարությունը. Լիլիթ Գալստյան Սփյուռքի հետ խոսելու անպտուղ մի ճիգ. Լիլիթ Գալստյան «Կարելի է» միջնակարգ կրթությամբ պատգամավոր լինել, կեղծ դիպլոմով՝ մարզպետ, առանց դիպլոմի՝ վարչապետ. Լիլիթ Գալստյան Հիմա էլ բուհ-ական համակարգն է սկսելու սեփական 0-ական կետից․ Լիլիթ Գալստյան Աշխարհաքաղաքական նոր միջավայրում Հայաստանը շարունակում է իր անղեկ վայէջքը․ Լիլիթ Գալստյան Չեն կարող քաղաքականությունն ու իշխանությունն այսքան հեռու լինել բարոյականությունից. Լիլիթ Գալստյան «Միանում եմ». նոր մտավորականներ են ստորագրում երեկ հրապարակած կոչի ներքո․ Լիլիթ Գալստյան Ձերը պատմության մայթեզրին հայտնված ազգակործանի խարանն է Փայլասարն անցել է ադրբեջանական վերահսկողության տակ, իսկ ԱԱԾ-ն ինչ-որ բառախաղ է տարածում․ Լիլիթ Գալստյան