Դիմակն էական նշանակություն չունի. ընդդիմությունը կհակազդի՞

«Կարանտինը պետք է խելամիտ չափերի մեջ լինի, և անիմաստ չսահմանափակի տնտեսական գործունեությունը։ Արդեն հիմա, ունենալով համավարակի դեմ պայքարի և՛ համաշխարհային, և՛ հայաստանյան փորձը, կարելի է ասել, որ վարակը հիմնականում տարածվում է մարդկանց անմիջական, մոտ շփումից, և դա է պետք հնարավորինս սահմանափակել»,- այս մասին ԼՈՒՐԵՐ․com-ի հետ զրույցում ասաց «Ազգային օրակարգ» կուսակցության համահիմնադիր Ավետիք Չալաբյանը՝ անդրադառնալով Հայաստանի խորհրդարանի օրենսդրական փաթեթի ընդունմանը, որը թույլ կտա  արտակարգ դրության ռեժիմը փոխարինել կարանտինով։

Ըստ նրա՝ բաց տարածքներում դիմակ կրելը և նմանատիպ այլ սահմանափակումները իրականում համավարակի տարածումը կանխարգելելու տեսանկյունից էական նշանակություն չունեն․ «Այդ սահմանափակումները հաճախ խանգարում են տնտեսական և հանրային կյանքին։ Ես հուսով եմ, որ կարանտինային միջոցառումները սահմանափակ ու թիրախային կլինեն, և Կառավարությունը կձգտի նվազեցնել դրանց բացասական ազդեցությունը տնտեսական կյանքի վրա»,- ընդգծեց Ավետիք Չալաբյանը։

Նրա կարծիքով Կառավարությունը սեփական բազմաթիվ սխալներից գոնե որոշ հետևություններ կանի, և հետագայում ավելի խելամիտ կգործի․ «Սակայն, եթե այնպես ստացվի, որ Կառավարությունը նորից սխալներ թույլ տա, ապա ընդդիմությունը հենց նրա համար է, որպեսզի հակազդի հանրային վնաս հասցնող գործողություններին, և Կառավարությանը ավելի արդյունավետ այլընտրանք առաջարկի»,- եզրափակեց «Ազգային օրակարգ» կուսակցության համահիմնադիր Ավետիք Չալաբյանը։

Զվարթ Պետրոսյան

Այս թեմայով Ոչ ոք չի կարող մեզ արգելել կամ ստեղծել այնպիսի պայմաններ, որ Հայաստանի ազգային ակադեմիան գոյություն չունենա․ ՀՀ նախագահ Ռուբեն Ռուբինյանն ընդունել է ՀՀ-ում Հունաստանի արտակարգ եւ լիազոր դեսպան Խրիստոս Սոֆիանոպուլոսին «Հանրապետական» կուսակցությունը այցելել է ազգային հերոս Թաթուլ Կրպեյանի շիրիմին Արտակարգ դեպք՝ Երևանում․ հաստաբուն ծառը կոտրվել և ընկել է ավտոմեքենաների վրա Արևմուտքը ոչնչացնում է ՀՀ-ում ազգային ամեն ինչ, հետո, խաղից կշտանալով, թողնելու է միայնակ. Զախարովա Ինչո՞վ է ազգային արժեհամակարգը խանգարում քայքայիչ ուժերին. «Փաստ» Վահագն Խաչատուրյանն ընդունել է Սիրիայի արտակարգ և լիազոր դեսպան Նորա Արիսյանին Այսօր Հայաստանի ազգային հերոս Կարեն Դեմիրճյանը կդառնար 91 տարեկան (տեսանյութ) Ջերմ շնորհավորանքներ եմ հղում Ձեզ և Սիրիայի ժողովրդին Սիրիայի ազգային տոնի՝ Անկախության օրվա առթիվ Ջանքեր ենք գործադրում, որ ՀՀ-ի եզդիական համայնքը կարողանա պահպանել իր ազգային ինքնությունը․ Փաշինյան