Ժնևի քաղաքային խորհուրդը ընդունել է Ղարաբաղի հայերի ինքնորոշման իրավունքը ճանաչելու, Ադրբեջանի ռազմական ագրեսիան դատապարտելու մասին բանաձև

Ժնևի քաղաքային խորհուրդը հոկտեմբերի 7-ին 49 կողմ, 18 ձեռնպահ և 2 դեմ ձայներով ընդունել է Ադրբեջանի ռազմական ագրեսիան դատապարտելու, Ղարաբաղի հայերի ինքնորոշման իրավունքը ճանաչելու և Ալիևների կլանի ակտիվները Շվեյցարիայում սառեցնել պարտադրելու մասին բանաձևը:

Ինչպես հաղորդում է «Արմենպրես»-ը, բանաձևի համահեղինակներն են Աննա Բարսեղյանը, Առնո Մորեյլոն, Բրիջիթ Շթուդերը և խորհրդի մի քանի այլ անդամներ:

Խորհրդի 80 անդամների քննարկմանը ներկայացված բանաձևը վերնագրված է «Լեռնային Ղարաբաղում հայերն ունեն ապրելու և ինքնորոշման իրավունք»: Դրանում կատարվում է պատմական ակնարկ՝ Լեռնային Ղարաբաղի՝ Ադրբեջանին բռնակցման, պարբերաբար ու գազանորեն այնտեղ տեղի ունեցած էթնիկ զտումների, այդ թվում 1988-ից սկսած Սումգայիթում, Բաքվում, Կիրովաբադում կոտորածների մասին, հիշատակվում են նաև ՀՀ սահմանների նկատմամբ 2020թ. հուլիսին Ադրբեջանի հարձակումները, նշվում է Թուրքիայի ներգրավվածությամբ սեպտեմբերի 27-ից Հայաստանի ու Լեռնային Ղարաբաղի դեմ Ադրբեջանի սանձազերծած ագրեսիայի մասին, դատապարտվում են քաղաքացիական բնակչության դեմ կատարվող ոճրագործությունները, կոչ է արվում քաղաքային խորհրդին անել հնարավորը, որպեսզի պահպանվեն միջազգային հումանիտար իրավունքի, Ժնևյան կոնվենցիայի բոլոր դրույթները:

«Ժնևի քաղաքային խորհուրդը ճանաչում է Լեռնային Ղարաբաղի ժողովրդի ինքնորոշման իրավունքը՝ որպես նրանց անվտանգության երաշխավորման միակ հնարավորություն»,-նշվում է խաղաքային խորհրդի բանաձևում:

Հատկանշական է բանաձևի ընդունումը՝ Ադրբեջանի արտաքին գործերի նախարար Ջեյհուն Բայրամովի՝ Ժնև այցի նախաշեմին: Ադրբեջանի սանձազերծած լայնածավալ ռազմական գործողությունների 12-րդ օրը՝ հոկտեմբերի 8-ին, Բայրամովը Ժնևում ունենալու է հանդիպումներ՝ ԵԱՀԿ Մինսկի խմբի համանախագահների հետ:

Այս թեմայով ԱՄՆ Կոնգրեսում Հունգարիայի վերաբերյալ բանաձև կներկայացվի ԱՄՆ-ում բարձրացրել ենք Արցախի ժողովրդի ցեղասպանության հարցը, Գլենդելում դատապարտող բանաձև է ներկայացվել․ Արտակ Բեգլարյան ԱՄՆ սենատորները բանաձև են ներկայացրել Ադրբեջանի վերաբերյալ Ֆրանսիայի Սենատը բանաձև է ներկայացրել, որով առաջարկվում է Բաքվի դեմ պատժամիջոցներ և արցախցիների վերադարձի իրավունքի երաշխավորում Արմեն Գրիգորյանը Դավոսում կմասնակցի «Ուկրաինայի խաղաղության բանաձև» 4-րդ հանդիպմանը Արմեն Գրիգորյանը Շվեյցարիայում կմասնակցի «Ուկրաինայի խաղաղության բանաձև» հանդիպմանը Հայաստանը լռվել է Նիկոլի ողբերգական ներկայի ու անցյալի մարտադաշտում, ոչ մի ապագայի բանաձև Ադամ Շիֆը բանաձև է ներկայացրել ԱՄՆ Կոնգրես՝ Ադրբեջանի դեմ պատժամիջոցներ կիրառելու պահանջով Ավստրիայի խորհրդարանն ընդունել է Լեռնային Ղարաբաղում Ադրբեջանի իրականացրած էթնիկ զտումը դատապարտող բանաձև Փարիզի քաղաքային խորհուրդն ընդունել է Արցախի հայերին Փարիզի պատվավոր քաղաքացիություն շնորհելու վերաբերյալ բանաձև (տեսանյութ)