Լավրովն ու Բայրամովը հեռախոսազրույց են ունեցել

Ռուսաստանի Դաշնության արտաքին գործերի նախարար Սերգեյ Լավրովը նոյեմբերի 15-ին Ադրբեջանի նախաձեռնությամբ հեռախոսազրույց է ունեցել Արտաքին գործերի նախարար Ջեյհուն Բայրամովի հետ։

Այս մասին ասված է ՌԴ ԱԳՆ հաղորդագրության մեջ։

«Նախարարները հանգամանալից քննարկել են Հայաստանի վարչապետի, Ադրբեջանի և Ռուսաստանի Դաշնության նախագահների նոյեմբերի 9-ի համատեղ հայտարարության կատարման ընթացքը՝ Լեռնային Ղարաբաղի հակամարտության գոտում կրակի և բոլոր ռազմական գործողությունների դադարեցման առումով: Առանձին ուշադրություն է դարձվել նշված հայտարարության կողմերի գործնական քայլերի համակարգմանը՝ ՌԴ ԶՈւ-ի խաղաղապահ զորակազմի տեղակայման և «ցամաքում» նրա աշխատանքի կազմակերպման համատեքստում»,- նշում են ՌԴ ԱԳՆ-ից:

Գերատեսչությունից նաև հայտնում են, որ Բայրամովի խնդրանքով ՌԴ ԱԳ նախարարը տեղեկացրել է նոյեմբերի 13-ին ստեղծված «Հումանիտար արձագանքման միջգերատեսչական կենտրոնի ստեղծման մասին» Ռուսաստանի Դաշնության նախագահի հրամանագրով նախատեսվող աշխատանքի հիմնական ուղղությունների մասին։

Նախարարները նաև ընդգծել են միջազգային կազմակերպությունների, այդ թվում՝ ՄԱԿ-ի Փախստականների հարցերով գերագույն հանձնակատարի գրասենյակի, ՄԱԿ-ի Զարգացման ծրագրի, ՅՈՒՆԵՍԿՕ-ի և Կարմիր խաչի միջազգային կոմիտեի ակտիվ ներգրավման անհրաժեշտությունը՝ հետկոնֆլիկտային վերականգնմանը, հումանիտար խնդիրների լուծմանը, տարածաշրջանում կրոնական և մշակութային ժառանգության պահպանմանը նպաստելու նպատակով:

Այս թեմայով Մայր Աթոռ Սուրբ Էջմիածնում տեղի է ունեցել Հայոց ցեղասպանության նահատակների ոգեկոչման արարողություն Երևանում հերթական ավտովթարն է տեղի ունեցել ավտոբուսի մասկանցությամբ Արագածոտնի Ուշի համայնքում տեղի է ունեցել Սուրբ Սարգիս վանական համալիրի վերակառուցման օրհնության կարգը Փլուզվել է Լծեն-Տաթև ճանապարհը․ երկկողմանի փակ է երթևեկության համար (տեսանյութ) Սոնա Ղազարյանը ելույթ է ունեցել ԵԽԽՎ նստաշրջանում Վայոց ձորում իրանական համարանիշերով բեռնատարը կողաշրջվել է Վահան Կոստանյանը հանդիպում է ունեցել Սաուդյան Արաբիայի տեղեկատվական տեխնոլոգիաների նախարարի տեղակալ Ահմադ Ալ-Սայանի հետ Որքան եկամուտ են ունեցել Բայդեն ամուսինները անցած՝ 2023 թվականին Ցեղասպանության զոհերի անվանացանկի թեման պատմականորեն եղել է թուրքական քաղաքականության ուղեգիծը. Էդգար Էլբակյան «Հրապարակ». Ոսկեպարի Սուրբ Աստվածածին եկեղեցու տեսահոլովակը 2 օրվա ընթացքում 2 մլն-ից ավելի դիտում է ունեցել