Կասկածում եմ, որ պատերազմի 4-րդ օրը ԶՈւ ԳՇ պետն ասել է՝ պետք է դադարեցնել պատերազմը. «Իմ քայլը»-ի պատգամավոր

Կասկածում եմ, որ ԶՈւ ԳՇ պետը պատերազմի 4-րդ օրն ասել է, որ պետք  է դադարեցնել պատերազմը: Այս մասին լրագրողների հետ զրույցում ասաց ԱԺ «Իմ քայլը» խմբակցության պատգամավոր Արմեն Խաչատրյանը՝ անդրադառնալով դիտարկմանը, թե Օնիկ Գասպարյանը հենց 4-րդ օրն ասել է, որ պետք է օր առաջ կանգնեցնել պատերազմը, որովհետև չենք կարող դիմակայել:

«Պետք է հաշվի առնել բոլոր կարծիքները, ԳՇ պետն ասում էր, մի շարք գեներալներ այլ բան էին ասում, պաշտպանության նախարարն այլ բան էր ասում: Ես չգիտեմ՝ ԳՇ պետը նման բան ասե՞լ է, թե՞ ոչ։ Ես նաև կասկածում եմ դրան», - նշեց նա: 

Դիտարկմանը՝ դեռևս հունիս ամսին ԶՈւ ԳՇ պետն է նշել, որ պետք է խուսափել պատերազմից, պատգամավորն արձագանքեց. «Դուք պատկերացնու՞մ եք՝ այդքան ռեսուրս ունենալով՝ հանձնվեինք, և այս նույն հողերը տայինք, ինչ կստացվեր: Մինչև վերջ կռվել ենք, դուք հիմա մեղադրում եք դավաճանության մեջ, բա որ չկռվեինք, հիմա ինչ կանեիք»,- ասաց Խաչատրյանը

Խոսելով ՀՀ ՊՆ ռազմական վերահսկողական ծառայության նախկին պետ Մովսես Հակոբյանի հայտարարություններին՝ նա ասաց, թե դրանք այս պահին քննարկման փուլում են և քննարկվում են քրեադատավարական դաշտում, դրանից հետո կտեսնեն՝ պետական գաղտնիքի հրապարակումը՝ ճիշտ և ոչ ճիշտ, քրեական պատասխանատվության տարրեր պարունակու՞մ է, թե՞ ոչ: Ըստ նրա՝ Մովսես Հակոբյանի հայտարարությունը խփում է ամբողջ ՀՀ և ԱՀ անվտանգությանը:

Պատգամավորը համաձայն չէ այն մտքին, թե վարչապետն ուշ է դիմել ՌԴ նախագահին․ «Վարչապետն ամեն օր կապի մեջ է եղել Պուտինի հետ։ Բոլոր ջանքերը գործադրվել են, որ հրադադար լինի: Երեք անգամ եղել է, և ով է խնդրել՝ Պուտի՞նը, իհարկե Նիկոլ Փաշինյանն է խնդրել դիվանագիտական խողովակներով, որ գոնե հրադադար լինի 2-3 օր, հասկանանք՝ ինչ ենք անում»,- ասաց նա:

Նա նշեց՝ դասալիքները շատ են եղել, սակայն անուն չի ցանկանում տալ՝ թշնամուն չուրախացնելու համար։

Այս թեմայով Դա լրագրող կոչվելու իրավունք չունի. պատգամավոր (տեսանյութ) Կոտայքի ոստիկանապետի դեմ իրավական գործընթաց պետք է սկսել․ պատգամավոր Ոստիկանները հարձակվեցին պատգամավոր Արթուր Խաչատրյանի վրա Ադրբեջանից գազ գնելը չենք բացառում, օրակարգում նման խնդիր չկա, տեսական հարց է․ ՔՊ պատգամավոր (տեսանյութ) «Մեկի քթից արյուն էկավ, պատասխանը տալու ես», «Դու ԱԺ պատգամավոր ես, հեռու գնա». բողոքի ակցիա (տեսանյութ) Պատգամավոր Գառնիկ Դանիելյանը ուշագնաց էր եղել, բուժօգնություն է տրամադրվում. Տավուշում գերլարված է Երբեք չէի կարող պատկերացնել, որ ես փողոց կփակեմ. պետք է պարտադրենք իշխանություններին հեռանալ. ՀՀԿ-ական նախկին պատգամավոր Ռուբեն Հակոբյան Երբեք չեմ դադարեցնի պայքարը, որպեսզի Ցեղասպանության ժխտումը չհանգեցնի դրա կրկնությանը․ ԵԽ ֆրանսիացի պատգամավոր Հայոց Ցեղասպանությունը պարզապես անցյալի ողբերգություն չէ, այն շարունակական իրականություն է. ԵԽ գերմանացի պատգամավոր Հաջորդ քայլը լինելու է ապրիլի 24-ի հիշատակի օրվանից հրաժարվելը․ «Հրապարակ»