Հայաստանի բուհերի լավագույն ուսանողները կստանան Մոսկվայի քաղաքապետի կրթաթոշակ

Երևանում «Դոմ Մոսկվի» մոսկովյան մշակութագործարարական կենտրոնում (ՄՄԳԿ) անցկացված հոգաբարձուների նիստում հաստատվել է 15 ուսանողների տրամադրել կրթաթոշակներ։ Յուրաքանչյուր բուհ ներկայացնում է իր ուսանողների թեկնածությունները, որոնք վերջնական հաստատվում են  հոգաբարձուների խորհրդի նիստում։

Կրթաթոշակի են արժանանում այն ուսանողները, որոնք կրթություն են ստանում ռուսաց լեզվով, ցուցաբերում են գերազանց առաջադիմություն և ակտիվ մասնակցում են հասարակական կյանքին: Հաշվի է առնվում նաև ուսանողի սոցիալական վիճակը։

Նախագծի իրականացման համար միջոցներ է հատկացրել Մոսկվայի կառավարությունը։ Ծրագիրը իրականացվում է  Մոսկվա քաղաքի արտաքին տնտեսական և միջազգային կապերի դեպարտամենտի և «Միջազգային համագործակցության մոսկովյան կենտրոն» պետական ունիտար ձեռնարկության նախաձեռնության աջակցությամբ։ Կրթաթոշակները տրամադրվում են  2007 թվականից։

«Մոսկվայի կառավարության կողմից իրականացվող նման նախագծերը կարևոր են մոտիվացնելու համար սովորել ռուսերեն և ռուս գրականություն։ Ռուսերենի միջոցով ենք ճանաչում ռուս մշակույթն ու գրականությունը,  այն միջմշակութային երկխոսության լեզուն է, որը օգնում է ամրապնդել բարեկամական կապերը։   Սա նաև  կարևոր քայլ է ուսանողներին ոգևորելու համար, որ ավելի լավ սովորեն»,- նշեց Երևանում «Դոմ Մոսկվի» կենտրոնի գլխավոր տնօրեն Վահրամ Կարապետյանը։

Ամեն տարի կրթաթոշակներ են շնորհվում Հայ-ռուսական (Սլավոնական) համալսարանի, Երևանի պետական, Խ.Աբովյանի անվան պետական մանկավարժական, Երեւանի Վ. Բրյուսովի անվան պետական լեզվաբանական համալսարանների, Վանաձորի և Գյումրիի պետական մանկավարժական համալսարանների ուսանողներին։

Տարին երկու անգամ՝ գարնանային  և աշնանային կիսամյակից հետո ուսանողները ներկայացվում են կրթաթոշակին։  Ուսանողները կրթաթոշակի հետ միասին հանդիսավոր պարգևատրվում են դիպլոմներով և «Մոսկվայի քաղաքապետի կրթաթոշակառու» խորհրդանշական կրծքանշաններով:

Ծրագիրն իրականացվում է հետխորհրդային երկրներում ինտելեկտուալ ներուժը պահպանելու և զարգացնելու համար, ինչպես նաև օգնում է բուհերում ռուսերենով տարբեր առարկաների դասավանդման առաջխաղացմանը։

Այս թեմայով Պատվաստումը երեխաներին վարակներից պաշտպանելու լավագույն միջոցն է. ԱՆ Սա է պատերազմից խուսափելու լավագույն միջոցը. Ֆինլանդիայի նախագահ Կուրսանտները կուսանեն արտերկրի ռազմաուսումնական լավագույն հաստատություններում Չեմպիոնների լիգա․ Շաբաթվա լավագույն գոլերն ու սեյվերը (տեսանյութ) «Ժողովուրդ». Ովքե՞ր կլինեն ՄԻԵԴ-ի 3 լավագույն թեկնածու դատավորները. ընտրելու ժամանակ է տրված Որոշվել են Հայաստանի լավագույն հրաձիգները Լրագրողների հետ քննարկվել են «Տարվա 10 լավագույն մարզիկներ» մրցույթի կարգի փոփոխությունները FourFourTwo․ 1990-ականների Իտալիայի առաջնության լավագույն ֆուտբոլիստները Հոյլունդը՝ ՄՅՈՒ-ի ամսվա լավագույն ֆուտբոլիստ Մեկնարկում է «Դպրոցական լավագույն մինի այգի» չորրորդ մրցույթը