Կոչ եմ անում արժանապատիվ սյունեցիներին՝ պահանջել դավաճանի հրաժարականը. Սուրիկ Խաչատրյան

Սիրելի՛ սյունեցիներ, վարչապետի աթոռը զբաղեցնող դեղին մամուլի լրագրողը, որը սովոր է խաբեությամբ եւ ստորությամբ առաջ սողալ, այսօր կառչած է աթոռից։ Այս մասին Facebook-ի իր էջում գրել է Սյունիքի նախկին մարզպետ Սուրիկ Խաչատրյանը:

Նա, մասնավորապես, նշել է. «Մեր գլխավոր, միասնական նպատակը հողատուին պաշտոնանկ անելն է։ Սյունիքը երեկ վարպետության դաս ցույց տվեց, հիմա էլ պետք է ոտքի կանգնի եւ պահանջի ստահակ խաբեբայի հրաժարականը։ Հիմա կհարցնեք ինչո՞ւ հենց Սյունիքը։

Մի քանի օր առաջ Սյունիք էր ժամանել եւ ՏԻՄ ներկայացուցիչների հետ հանդիպել ՀՀ ՊՆ նախարար Վաղարշակ Հարությունյանը։ Վերադառնալով Երեւան, հաջորդ առավոտյան նա ստորագրել է Սյունիքի սահմաններին վերաբերող մի փաստաթուղթ, որը ոչ մի առնչություն չուներ նոյեմբերի 9-ի կապիտուլիացիայի հետ։

Դրան հաջորդող օրը ադրբեջանցիներն արդեն ազատ շրջում էին Գորիսի մոտակայքում։

Այս ամենը կազմակերպելուց ու ստորագրելուց հետո, հողատուն որոշեց գալ Սյունիք, արհամարհանք դրսեւորելով մեր ժողովրդի հանդեպ։

Փառք Աստծո, կարողացանք ինքնակազմակերպվել, ոտքի կանգնել եւ վռնդել դրան Սյունիքից։

Հողատուի հանձնարարականով եւ ճիվաղ նախարարի ձեռքով ստորագրված փաստաթուղթը մեզ տարավ 90-ական թվականներ։ Վստահ եմ, որ ոչ-ոք չի մոռացել, թե ի՞նչ է կատարվել այդ տարիներին։ Հրետակոծության տակ էին Գորիս եւ Կապան քաղաքներն ու շրջակա գյուղերը, ունեինք բազմաթիվ զոհեր։ Այդ օրերին Գորիս֊Կապան ճանապարհահատվածում ամենօրյա սպանություններ եւ գերիներ ունեցանք։

Այսօր 90-ական թվականներից ավելի վատ վիճակում ենք, մեր տարածքները ոչ թե գրավեցին ադրբեջանցիները, այլ այն պարզապես նվիրաբերվեց թշնամուն։

Նիկոլը չի կարող իր ստերով կերակրի, հետո չարախնդա մեր ժողովրդի վրա։ Նրա հրաժարականը օրվա հրամայականն է, եւ ես կոչ եմ անում արժանապատիվ սյունեցիներին՝ պահանջել դավաճանի հրաժարականը։ Մենք հող չունենք տալու թշնամուն եւ մեզ համար թանկ է յուրաքանչյուր հայի կյանքը։

Խնդրում եւ հորդորում եմ բոլորին՝ վեր կանգնել քաղաքական, կուսակցական, սորոսական, գաղափարներից, չտրվել մանրադրամների եւ պայքարել հանուն հայրենիքի։ Սյունեցին ունի հերոսական անցյալ եւ ներկա։ Հիմա պահն է, որ տեր կանգնենք մեր հերոսների անցած ուղուն եւ մեր սրբագին հողին։ Ավելին, հայրենիք վերադառնալուն պես խոստանում եմ. միասին հետ ենք բերելու մեր ծախված հողերը։

Այս թեմայով Բաղձալի խաղաղությունը կապահովի միմիայն հաղթանակը, պայքարը դեռ ավարտված չէ. Սուրիկ Խաչատրյան Գորիսի կրակոցների գործով իրավապահները ծեծի են ենթարկել Սուրիկ Խաչատրյանի տան պահակին. Armlur.am (տեսանյութ) Մեր ընտանիքի անվան հետ կապված սուտ տեղեկություններ են շրջանառվել․ Սուրիկ Խաչատրյան Իմ հայրենակիցներ, համախմբվե՛ք, ինքնակազմակերպվե՛ք և ձեր պայքարի ձայնը բարձրացրեք նաև Սյունիքում. Սուրիկ Խաչատրյանի կոչը Երկրի սրբապիղծ ղեկավարությունը, հատկապես Նիկոլ Փաշինյանը իրավունք չունեն ոտք դնել սյունյաց հողի վրա. Սուրիկ Խաչատրյան Օրհասական է պահը. կորցնում ենք Սյունիքի կարևորագույն սահմանները. Սուրիկ Խաչատրյան Հիմա հերթը մերն է, իսկ մենք Սյունիք կորցնելու իրավունք չունենք. Սուրիկ Խաչատրյան Առաջիկայում վիրահատություն պիտի հաղթահարեմ, բարեհաջող ավարտից հետո կմիանամ ձեզ. Սուրիկ Խաչատրյան Առաջին հնարավորության դեպքում ես էլ եմ միանալու ձեզ. Սուրիկ Խաչատրյանի ուղերձը Սյունիքում Սուրիկ Խաչատրյանի պես ղեկավարի կարիք է զգացվում