Գառնիկ Իսագուլյանն ազատ արձակվեց

«Ազգային անվտանգություն» կուսակցության նախագահ Գառնիկ Իսագուլյանը դատարանի դահլիճից ազատ արձակվեց: 

«Անմիջապես այսօր, երբ ես քննչական սենյակում էի գտնվում ՔՕ 333 հոդվածով մեղադրանք առաջադրեցին, որպեսզի կալանավորումն անպայման ապահովեն: Բայց ի պատիվ արդարադատության` միջնորդությունը մերժվեց»,- դատարանի բակում լրագրողներին ասաց նրա փաստաբանը:

Ավելի վաղ հայտնել էինք, որ 2020թ. դեկտեմբերի 23-ին Գառնիկ Իսագուլյանը ձերբակալվել էր՝ ՀՀ քրեական օրենսգրքի 226.2-րդ հոդվածի (Անձի կամ անձանց խմբի նկատմամբ սեռով, ռասայով, մաշկի գույնով, էթնիկական կամ սոցիալական ծագումով, գենետիկական հատկանիշներով, լեզվով, կրոնով, աշխարհայացքով, քաղաքական կամ այլ հայացքներով, ազգային փոքրամասնությանը պատկանելությամբ, գույքային վիճակով, ծնունդով, հաշմանդամությամբ, տարիքով կամ անձնական կամ սոցիալական բնույթի այլ հանգամանքներով պայմանավորված բռնություն գործադրելու հրապարակային կոչերը, նման բռնությունը հրապարակայնորեն արդարացնելը կամ քարոզելը) 1-ին մասով նախատեսված առերևույթ հանցագործություն կատարելու կասկածանքով:

ՀՀ ՔԿ-ից հայտնել էին, որ Երևան քաղաքի քննչական վարչության ծանր հանցագործությունների քննության բաժնում՝ Youtube կայքէջում «Նիկոլին գնդակահարողին պետք է տալ Ազգային հերոսի կոչում կամ մեկ միլիոն դոլար պարգևավճար» վերնագրով տեսանյութում «Ազգային անվտանգություն» կուսակցության նախագահ Գառնիկ Իսագուլյանի կողմից առերևույթ բռնության կոչեր հնչեցնելու դեպքի առթիվ քննվող քրեական գործով կատարված քննչական և դատավարական այլ գործողությունների արդյունքում պարզվել է, որ Գ.Իսագուլյանը հրավիրված ասուլիսի ընթացքում Հայաստանի Հանրապետության վարչապետի նկատմամբ քաղաքական ու այլ հայացքներով պայմանավորված հրապարակային հնչեցրել է բռնության կոչեր:

Այս թեմայով «Իրավունք». Ով է Իսագուլյանի կալանքը եւս մեկ ամսով երկարացրած դատավորը Գառնիկ Իսագուլյանի կալանավորման ժամկետը երկարացվեց մեկ ամսով. «Փաստինֆ» Լիլիթ Մակունցը դատական հայց է ներկայացրել ընդդեմ Գառնիկ Իսագուլյանի Գառնիկ Իսագուլյանի կողմից բռնություն գործադրելու հրապարակային կոչեր հնչեցնելու փաստի առթիվ հարուցվել է քրգործ Որդուս ասացին՝ կա՛մ հայրդ դադարում է քննադատել Նիկոլ Փաշինյանին, կա՛մ ազատվում ես ԱԱԾ–ում աշխատանքից․ Գառնիկ Իսագուլյան Գառնիկ Իսագուլյանը ոստիկանական բաժանմունքում է Եթե հայրը ընդդիմադիր է՝ որդին աշխատելու իրավունք չունի՞. Սամվել Իսագուլյանի՝ աշխատանքից դուրս գալը քաղաքական հետապնդման արդյո՞ւնք է