Ինչո՞ւ և ինչո՞վ եք Դուք հիմա Ռուսաստան մեկնում․ Էլ ի՞նչ եք պատրաստվում ստորագրել․ Արա Աբրահամյանը՝ Նիկոլ Փաշինյանին

Ռուսաստանի հայերի միության նախագահ Արա Աբրահամյանը ֆեյսբուքյան էջում գրառում է արել՝ անդրադառնալով ՀՀ վարչապետ Նիկոլ Փաշինյանի՝ Մոսկվա կատարելիք այցին:

Ըստ Արա Աբրահամյանի՝ այդ փաստաթուղթը, որ հրապարակել է սոցցանցում Փաշինյանը, հայոց պետականությանն ու մեր ժողովրդին վնաս հասցնող հայտարարության «առաջնահերթ» կետերն են, որոնք, ըստ երեւույթին, նոր համաձայնագրի հիմքը կդառնան:

Արա Աբրահամյանը թվարկել է նաև այն հարցերը, որոնք մտահոգում են իրեն:

«Ինչո՞ւ և ինչո՞վ եք Դուք հիմա Ռուսաստան մեկնում: Էլ ի՞նչ եք պատրաստվում ստորագրել, ինչի՞ շուրջ բանավոր պայմանավորվածություն ձեռք բերել:

Ինչո՞ւ եք այդքան շահագրգռված շուտափույթ ամեն ինչ հանձնելու հարցում, էլ ի՞նչ կարող եք անել: Ո՞ւմ և ինչո՞վ եք այդքան պարտական, որ պատրաստ եք դիմանալ բոլոր նվաստացումներին և լկտի հարձակումներին Ալիևի կողմից: Ինչո՞ւ չեք կարող կանգնեցնել և կասեցնել Հայաստանը կործանող սցենարը՝ չնայած Հայաստանի և Արցախի ժողովրդի, երկրի նախագահի, մեր ժողովրդի հոգևոր առաջնորդների Գարեգին Բ և Արամ Ա կաթողիկոսների, սփյուռքի կոչերին:

Ինչո՞ւ Դուք, հայտարարության մյուս բոլոր կետերի կատարումը կասեցնելու փոխարեն, նախքան Ադրբեջանը կկատարի Բաքվի կողմից պատանդ պահված հայ գերիների վերադարձի վերաբերյալ 8-րդ կետը, հանկարծ մեր հասարակության համար կարեւորագույն հարցը կապում եք Ադրբեջանի եւ Թուրքիայի համար կենսական եւ Հայաստանի համար երկրորդական նշանակություն ունեցող «տրանսպորտային ուղիների ընտրության» հետ:

Կա՞ արդյոք Արցախի կարգավիճակի հարցը Ձեր բանակցությունների և համաձայնությունների օրակարգում»,-գրել է Արա Աբրահամյանը, ապա կարծիք հայտնել, որ Նիկոլ Փաշինյանն այլևս չի կարող ներկայացնել հայերին և Հայաստանի անունից որևէ փաստաթուղթ ստորագրել:

«Քանի որ Դուք արդեն երկու ամիս է՝ Հայաստանի Հանրապետության իրավական դաշտից դուրս եք գործում և ոչ մի կապ չունեք ո՛չ պետության, ո՛չ ժողովրդի հետ, որի անվան տակ դեռ փորձում եք թաքնվել՝ շրջապատելով Ձեզ զինված թիկնապահների խիտ շղթաներով»,-գրել է Աբրահամյանը և հիշեցրել, որ այսօր պահպանության և պաշտպանության կարիք ունեն Հայաստանի քաղաքացիները, սահմանները և Սյունիքի բնակիչները:

Արա Աբրահամյանը գրառումն ավարտել է՝ խոսքն ուղղելով Նիկոլ Փաշինյանին. «Պարո՛ն Փաշինյան, եթե այս հարցերի պատասխանները Դուք չունեք, ապա անիմաստ է գալ Մոսկվա և նյարդայնացնել եւ նվաստացնել Ռուսաստանի 3 միլիոնանոց հայկական համայնքին ձեր այստեղ հայտնվելով: Ռուսաստանի հայ համայնքը սպասում է ձեր հրաժարականին, այլ ոչ թե Մոսկվա ժամանմանը»:

Այս թեմայով Սրանք վախեցնողների թագավորություն են. դիտմամբ վախի մթնոլորտ են ստեղծում. վախով իշխանություն պահելը հեշտ է. Արա Աբրահամյան Աշխարհում չկա մի երկիր, որ խաղաղություն չցանկանա, այդ թվում նաև մենք՝ հայերս․ Արա Աբրահամյան Այսօր Սփյուռքը և Հայաստանը տարբեր ուղղություններով են աշխատում․ Արա Աբրահամյան ՈւՂԻՂ. Ռուսաստանի հայերի միության նախագահ Արա Աբրահամյանի ասուլիսը Արա Աբրահամյանը՝ Լևոն Տեր-Պետրոսյանի մասին Արա Աբրահամյանի ուղերձը Հայաստանի Հանրապետության Անկախության օրվա առթիվ «Փաստ». Արա Աբրահամյանի հետ Մոսկվա են մեկնել անհետ կորած և գերեվարված զինվորների ծնողներ Պողպատյա հեղափոխությունը գնա Ադրբեջանի դեմ արա․ Ա․ Աբրամյանը՝ Փաշինյանին (տեսանյութ) Մենք եղել ենք, կանք, ապրելու ենք մեր տանը, ստեղծագործելու ենք մեր սեփական հողի վրա․ Արա Աբրամյան ԱԳ նախարարը երկիրը հանձնելուն չդիմացավ. նա ազնիվ մարդ է. Արա Աբրահամյան