Օրապահանջ խնդիր է ցանկացած միջադեպի արձագանքել անհապաղ և տարածել բոլոր մակարդակներով. Սենոր Հասրաթյան

Հաշվի առնելով արդեն ավանդական դարձած հակառակորդի պահվածքն ու ձեռքբերված պայմանավորվածությունների հանդեպ  նրա որդեգրած ոչ կառուցողական վերաբերմունքը, մեր պաշտոնական տեղեկատվության ներկայացուցիչների համար օրապահանջ խնդիր է ցանկացած նման միջադեպի արձագանքել անհապաղ և տարածել բոլոր մակարդակներով: Այս մասին Ֆեյսբուքի իր էջում գրել է Արցախի ՊԲ նախկին խոսնակ Սենոր Հասրաթյանը` անդրադառնալով թշնամու կողմից վերջին օրերին հրադադարի խախտման դեպքերին:

«Դատելով հակամարտ զորքերի շփման գծում և գրավյալ հայկական տարածքներում վերջին օրերին տեղ գտնող զարգացումներից (կրակոցներ Շուշիում, խաչքար-հուշարձանի տապալում Առաքյուլ գյուղում, իսկ այսօր արդեն հրազենային վիրավորում արևելյան սահմանահատվածում), տպավորություն է ստեղծվում, որ Արցախյան հիմնահարցը վերջնականապես լուծված լինելու մասին Ադրբեջանի նախագահի հայտարարությունը լուրջ չեն ընդունում ոչ միայն հայկական կողմն ու միջազգային հանրությունը՝ հանձին ԵԱՀԿ Մինսկի խմբի համանախագահ երկրների, այլ նաև իր իսկ բանակի զինվորները(հակառակ դեպքում՝ չէին կրակի): Հաշվի առնելով արդեն ավանդական դարձած հակառակորդի պահվածքն ու ձեռքբերված պայմանավորվածությունների հանդեպ  նրա որդեգրած ոչ կառուցողական վերաբերմունքը, մեր պաշտոնական տեղեկատվության ներկայացուցիչների համար օրապահանջ խնդիր է ցանկացած նման միջադեպի արձագանքել անհապաղ և տարածել բոլոր մակարդակներով: Այսօր, քան երբևէ, մեզ անհրաժեշտ է ունենալ գրագետ ու նպատակասլաց գործող տեղեկատվական համակարգ, որն իր աշխատանքները պետք է իրականացնի փաստարկված և առավելագույնս օպերատիվ:   

 Հ.գ.- Հորդոր-առաջարկս պաշտոնական հաղորդագրություններ տարածող մեր բոլոր այն պատասխանատուններին, ովքեր հակառակորդի կողմից նպատակասլաց կերպով իրականացվող վերոնշյալ սադրանքներին վերաբերվում են որպես իրենցից որևէ վտանգ չներկայացնող գործողությունների կամ էլ, ինչպես ներկայացվել է՝ ալկոհոլի ազդեցության տակ կատարվող արարքների. որևէ տեքստ գրելուց կամ լրատվամիջոցների հարցերին պատասխանելուց առաջ լրջորեն մտածեք, թե ինչ եք ասում, քանի որ այդ ամենը հանրությունն ընդունում է՝ որպես պաշտոնական»:

Այս թեմայով Սրանք լավատեղյակ լինելով, քանդում ու ավերում են այն ամենը, ինչը կապված է երկրի պաշտպանության հետ. Սենոր Հասրաթյան Նորից ունենալու ենք պատերազմ, այն լինելու է մերը, ոչ թե նրանցը, ովքեր գերադասում են ապրել պարտված. Սենոր Հասրաթյան Տարիներ առաջ ինչքան բանակը «թալանվում», այնքան հզոր ու պաշտպանված էր իրեն զգում Հայրենիքը. Սենոր Հասրաթյան ՊԲ նախկին հրամանատարներից մեկն ասաց՝ պատերազմը հնարավոր էր Շուշիի փոխարեն Ֆիզուլիում եւ Ջաբրայիլում ավարտել. Հասրաթյան 28 տարի առաջ այս օրն Արցախի ԶՈՒ վերահսկողության տակ անցան Ղուբաթլուի շրջանի թշնամական ռազմահենակետերը. Հասրաթյան Արդեն քանի օր է՝ մեկ ջուրն են կտրում, մեկ՝ լույսը, մեկ՝ հեռախոսակապն է աշխատում խաթարումներով. Սենոր Հասրաթյան 28 տարի առաջ մենք նպատակային ու պարտադրող էինք. իսկ այսօ՞ր... Սենոր Հասրաթյան Ադրբեջանին խելամիտ բանակցությունների դաշտ բերելու համար գոյություն ունի մեկ ճանապարհ. Սենոր Հասրաթյան Իրական խաղաղությունը գալիս է այն դեպքում, երբ դու ունակ ես վերադարձնել այն, ինչը քեզնից խլել է քո հակառակորդը. Հասրաթյան Այո, այս տողերը գրել էի մինչև 2020-ի սեպտեմբերի 27-ը. գրել էի՝ հավատալով. Ավա՜ղ, այսօր ամեն ինչ այլ է. Սենոր Հասրաթյան