Ադրբեջանցիներին ստիպում են իրենց աշխատավարձի մի մասը նվիրաբերել Արցախի «բարեկարգման» համար

«Հարգելի բաժանորդ, այժմ կարող եք նվիրատվություն կատարել YAŞAT ֆոնդի` sms-ներ ուղարկելով 8110 կարճ համարին». ադրբեջանի բազմաթիվ բնակիչներ արդեն ստացել են նման հաղորդագրություններ իրենց բջջային հեռախոսներին, իսկ ոմանք նույնիսկ երկու անգամ, գրում է Currenttime-ը:

Անցած մի քանի ամիսների ընթացքում Ադրբեջանում նախագահ Իլհամ Ալիևի հրամանագրով ստեղծվել է երեք պետական ​​ֆոնդ: Բոլորն այս կամ այն ​​կերպ կապված են Լեռնային Ղարաբաղի տարածքների վերականգնման հետ։ Առաջինը՝ ադրբեջանական բանակին օգնության ֆոնդն է: Այն ստեղծվել է 2020 թվականի դեկտեմբերի 8-ին, Հայաստանի վարչապետ Նիկոլ Փաշինյանի, Ադրբեջանի նախագահ Իլհամ Ալիևի և Ռուսաստանի նախագահ Վլադիմիր Պուտինի խաղաղ համաձայնագիրը ստորագրվելուց մեկ ամիս անց։

Երկրորդը YAŞAT հիմնադրամն է, որը նույնպես հայտնվել է դեկտեմբերի 8-ին։ Եվ վերջապես, Լեռնային Ղարաբաղի վերածննդի հիմնադրամը, որը ստեղծվեց 2021 թվականի հունվարի 4-ին: Դրանից ստացված գումարն, ըստ հիմնադրամի ներկայացուցիչների հայտարարության, կուղղվի ուղղակիորեն Լեռնային Ղարաբաղի վերականգնմանն ու վերակառուցմանը: Թվարկված բոլոր ֆոնդերում նշվում է, որ իրենց ստացած գումարը կամավոր նվիրատվություն է, յուրաքանչյուրը կարող է դրանք կատարել՝ լինի դա անհատ, թե ընկերություն: Բայց շատ արագ պարզվեց, որ նվիրատվությունները միշտ չէ, որ կամավոր են:

Տարեսկզբից Ադրբեջանի առաջին պետական ​​հաստատությունների, այնուհետև մասնավոր ընկերությունների աշխատակիցները սոցիալական ցանցերում զանգվածաբար բողոքում են, որ Լեռնային Ղարաբաղի համար ենթադրյալ «կամավոր» վճարները, ըստ էության, պարտադիր են: Նրանց խոսքով, այն ընկերությունների ղեկավարությունը, որտեղ նրանք աշխատում են, կա՛մ ուղղակի կրճատում են աշխատողների աշխատավարձերի մի մասը՝ գումարը փոխանցելով ֆոնդերին, կա՛մ ինչ-որ կերպ աշխատողներին ստիպում են աշխատավարձ ստանալուց հետո նվիրատվություն կատարել:

«Նրանք, ովքեր չեն ուզում վճարել, ադրբեջանցի չեն»,֊երբեմն հայտարարում են գործատուները։ Պետական ​​միջոցների պարտադիր և կիսամյակային հարկերը ադրբեջանական «գյուտ» չեն: Այս մեթոդներն օգտագործվում են արաբական և միջինասիական շատ երկրներում փող հավաքելու համար, գրում է պարբերականը։

Այս թեմայով Ագրեսիա Արցախի դեմ, սպանություններ, խոշտանգումներ. ԱՄՆ Պետդեպի զեկույցն Ադրբեջանի վերաբերյալ Ադրբեջանը պետք է հարգի մարդու իրավունքները․ Շոլց Երևանը ստացել է խաղաղության պայմանագրի նախագծի վերաբերյալ Բաքվի առաջարկները «Զա՛րկ, երբ հալածում են քեզ». հրապարակում այրվեցին Թուրքիայի և Ադրբեջանի դրոշները (տեսանյութ) Հայատան-Ադրբեջան շփման գծի մի փոքր կտոր դարձավ բոլորի կողմից ճանաչված սահման. Իոանիսյան Հայաստան-Ադրբեջան պետական սահմանի Տավուշ-Ղազախ հատվածում տեղադրվել է առաջին սահմանային սյունը Հայաստան-Ադրբեջան շփման գծի որևէ փոփոխություն այսօր չի նախատեսվում. ՀՀ ԱԱԾ Վրաստանը ողջունում է Ադրբեջանի և Հայաստանի միջև ձեռք բերված պայմանավորվածությունը Տարածաշրջանում կայունությունը մեծապես կախված է Հայաստանի և Ադրբեջանի խաղաղության պայմանագրի ստորագրման հեռանկարներից. ՀԱՊԿ գլխավոր քարտուղար Հասանովը հանդիպում է անցկացրել, հանձնարարականներ տվել սահմանազատման գործընթացի իրականացման վերաբերյալ