Գագիկն էլ համալրեց մերօրյա հերոսների շարքը, որոնք կոչված լինելով՝ փրկել կյանքեր, իրենց կյանքը նվիրեցին հայենիքին. ԵՊԲՀ ռեկտոր

Պատերազմը բժշկական բուհից խլեց նաև Գագիկ Մակարյանին: Նա համալրեց մերօրյա հերոսների շարքը, որոնք կոչված լինելով՝ փրկել կյանքեր, իրենց կյանքը նվիրեցին հայենիքին: Գագիկ Մակարյանը զոհվել է նոյեմբերի 1-ին Ջրականում՝ թշնամու անօդաչու սարքի հարվածից։ «Մերօրյա հերոսները». Գագիկ Մակարյան։  Ֆեսբուքի իր էջում այսպիսի գրառում է արել  Երեւանի պետական բժշկական համալսարանի ռեկտոր Արմեն Մուրադյանը։ 

«Պատերազմն իր հետ տարավ բժշկական բուհը գերազանց առաջադիմությամբ ավարտած Գագիկին, ով իր ապագան տեսնում էր ուրոլոգիայի ոլորտում՝ այն համարելով հետաքրքիր և բժշկության մեջ առաջադեմ ճյուղ․․․

Բժշկության և նկարչության նկատմամբ միախառնված սերը լավագույնս է բնութագրում ԵՊԲՀ սովորող Գագիկ Մակարյանին, ով այդպես էլ չիրականացրեց իր բազմաթիվ երազանքներն ու նպատակները:

Գագիկ Մակարյանը՝ ավարտելով ԵՊԲՀ ընդհանուր բժշկության ֆակուլտետը, «1+2» ծրագրի շրջանակում բժշկի մասնագիտությամբ զինվորական ծառայության է անցել ՀՀ ՊՆ զորամասերից մեկում: Սեպտեմբերի 27-ին Արցախի դեմ սանձազերծված ադրբեջանաթուրքական պատերազմի ընթացքում մասնագիտական առաքելությունն իրականացրել է Արցախի հարավային ուղղությամբ:

Ինչպես նշում է կուրսընկերը՝ ԵՊԲՀ մասնագիտական և շարունակական զարգացման կենտրոնի անեսթեզիոլոգիա և ռեանիմատոլոգիայի մասնագիտությամբ 1-ին կուրսի ուսանող Տիգրան Օհանյանը, Գագիկը դեռ դպրոցական տարիքից ուներ նկարելու ձիրք, զբաղվում էր նաև լուսանկարչությամբ, այդ թվում սիրում էր իր կողմից արված լուսանկարները ենթարկել ծրագրային մշակման՝ ստանալով այնպիսի պատկերներ, որոնք արտացոլում էին նրա ներաշխարհն ու պատկերացնումները: Սերը դեպի արվեստը՝ նկարչությունն ու լուսանկարչությունն արտահայտվում է նրա ստեղծագործություններում, որոնք տեղ են գտել www.500px.com/p/gagikmakaryan/about կայքում:

«Գագիկը ստեղծագործ, արվեստն ու բժշկությունը սիրող անհատ էր, որը խելացի լինելուն զուգահեռ՝ աչքի էր ընկնում համեստությամբ ու ընկերներին օգնելու պատրաստակամությամբ»,-նշում է կուրսընկերը՝ հավելելով, որ Գագիկին միշտ հաջողվում էր ամենաբարդ առարկաներն ու թեմաները մատուցել կուրսընկերների համար մատչելի ու հասկանալի՝ նրանց օգնելով պատրաստվել ու հանձնել հերթական քննությունները: Տիգրան Օհանյանի խոսքով՝ մասնագիտացման ընտրության թեմայի շուրջ հաճախ են քննարկումներ ունեցել: Հետաքրքրությունների շրջանակում ունենալով նաև վիրաբուժությունն ու ռեանիմատոլոգիան՝ ի վերջո Գագիկը կանգ էր առել ուրոլոգիա մասնագիտության վրա, որն էլ պատրաստվում էր ընտրել զինվորական ծառայությունն ավարտելուց հետո:

Պատերազմը բժշկական բուհից խլեց նաև Գագիկ Մակարյանին: Նա համալրեց մերօրյա հերոսների շարքը, որոնք կոչված լինելով՝ փրկել կյանքեր, իրենց կյանքը նվիրեցին հայենիքին:

Գագիկ Մակարյանը զոհվել է նոյեմբերի 1-ին Ջրականում՝ թշնամու անօդաչու սարքի հարվածից»:

Այս թեմայով Ես ամաչում եմ իմ այն գործընկերների համար, որոնք արդարացնում են Արցախի հայերի ցեղասպանությունը (տեսանյութ) Գյուղացիները տագնապած են, որ իրենց կյանքը կփոխվի դեպի բացասականը. Սեմյոն քահանա Առաքելյան (տեսանյութ) Կարող են ապօրինի հրաման չկատարել՝ պագոնները հանեն, գնան իրենց տուն. Գրիգոր Գրիգորյան (տեսանյութ) Իրենց կուռքի ստեղծած կանալիզացիոն համակարգն արդեն error է տվել. դագաղները այլևս թռչող բումերանգներ են. Զոհրաբյան Լկտիաբար խոսող պաշտոնյաները Ոսկեպարի սահմանին թող տեղափոխեն իրենց ընտանիքներին (տեսանյութ) Բա ո՞ւմ դեմ փորձեն պայքարել, միակ ուժը, որ իրենց դեմ կանգնած է, Եկեղեցին է ու հոգևորականությունը. Միքայել արքեպիսկոպոս Աջապահյան Բագրատ Սրբազանի դեմ խոսացողները պատրաստվում են ապրիլի 24-ի իրենց ՆԱՄԱԶԻՆ․ Կարեն Քոչարյան Զելենսկին նշել է հինգ երկիր, որոնք կկանգնեն պատերազմի առաջ, եթե Ուկրաինան պարտվի Իշխանության կողմից մեծաքանակ կեղծ լուրերի դաշտ նետելը ցույց է տալիս իրենց ներսում առկա խորը մտահոգությունը. Աբրահամյան Թող իրենց լավ պալատները տան ադրբեջանցուն, մեր վատ, կիսաքանդ տները մնա մեզ. կիրանցի կին (տեսանյութ)