Իշխանությունն այլընտրանքային վարչապետի թեկնածու չունի. Թագուհի Թովմասյանը` Արտակ Թովմասյանի առաջարկի մասին
ՔաղաքականԵրրորդ ուժի ձևավորման որևէ ցանկություն ունեցող քաղաքական ուժն ինքը պետք է որոշի իր տեղն ու դերը քաղաքական կյանքում, ինքը պետք է հասկանա, թե քաղաքական ներկապնակում ինչ գույն է զբաղեցնելու:
Այս մասին ԱԺ-ում ԼՈւՐԵՐ.com-ի հետ զրույցում ասաց պատգամավոր Թագուհի Թովմասյանը` անդրադառնալով «Թովմասյան» հիմնադրամի ղեկավար Արտակ Թովմասյանի հայտարարությանը:
Անդրադառնալով Թովմասյանի` խորհրդարանին ուղղված այն առաջարկին, որով վերջինս պետք է վարչապետի նոր թեկնածու առաջադրի, պատգամավորն ասաց. «Կյանքը ցույց տվեց, որ իշխանությունն այլընտրանքային վարչապետի թեկնածու չունի և նրանց միակ և անփոխարինելի վարչապետի թեկնածուն Նիկոլ Փաշինյանն է»:
Թովմասյանը նշեց, որ ինքը չունի իր պատկերացումներին համապատասխան վարչապետի թեկնածու:
«Որևէ մեկի պայքարի իրական մոտիվացիան պետք է հասկանամ, որովհետև չգիտեմ, թե Ձեր նշած անձը ինչ քաղաքական նպատակներ ունի և հետևաբար չեմ կարող ասել, թե ինչ հանգուցալուծման է տանելու երկիրը»,- ընդգծեց պատգամավորը:
Հիշեցնենք, որ երեկ` մարտի 1-ին, Արտակ Թովմասյանը` որպես նորաստեղծ երրորդ ուժ, առաջարկեց խորհրդարանին, որ այսօր` մինչև 18:00-ն, առաջադրեն վարչապետի նոր թեկնածու:
Մամրամասները` տեսանյութում: