Թուրք երգիչը Քիմ Քարդաշյանին «զզվելի հայ» է անվանել ցեղասպանության գրառումների համար

Ստամբուլի ընդհանուր իրավասությունների դատարանն մարտի 23-ին արդարացրել է թուրքական սոցցանցերում հայտնի երգիչ Մուրաթ Օվյուչին, որը իր Ինստագրամի «Սթորի» բաժնում, անդրադառնալով 2020 թ. Քիմ Քարդաշյանի՝ Հայոց ցեղասպանության մասին հրապարակումներին, վերջինիս «զզվելի հայ» էր անվանել և հայհոյել նրան։

«Դուք՝ հայերդ, զզվելի եք։ Դու ո՞վ ես, որ իմ օսմանցի մեծերին բարբարոս անվանես»,-գրում է  ermenihaber.am-ը։

Ստամբուլի Բեյլօղլուի թաղական խորհրդի ատենապետ, պոլսահայ իրավաբան Սիմոն Չեքեմն Օվյուչի դեմ հայց էր ներկայացրել Ստամբուլի դատախազություն՝ Քիմ Քարդաշյանին ուղղված հրապարակման մեջ հայերին վիրավորանք հնչեցնելու համար։ Դատախազությունը Չեքեմի բողոքի հիման վրա հետաքննություն էր սկսել։

Օվյուչը խոստովանական ցուցմունքի ժամանակ իր մեղքը չէր ընդունել՝ պատճառաբանելով, որ իր խոսքերը պատասխան են Քիմ Քարդաշյանին։ Նա պնդել էր, որ իր խոսքերն ուղղված են եղել Քիմ Քարդաշյան անունով ԱՄՆ քաղաքացուն և «օսմանցիներին թշնամի հայերին»։

Նրա դեմ մեղադրանք էր առաջադրվել հասարակության մեջ խտրականություն դնելու, ժողովրդի մեջ թշնամանք սերմանելու, վիրավորանք հնչեցնելու և սպառնալիք տարածելու հոդվածների հատկանիշներով։

Մարտի 23-ին կայացած դատական նիստին ներկա է եղել նաև Սիմոն Չեքեմը: Նա նշել է, որ Օվյուչը չի ասել, որ զզվելի է ինչ-որ մարդ, այլ ասել է՝ «զզվելի են հայերը»: Չեքեմը դատարանից պահանջել է պատասխանատվության ենթարկել մեղադրյալին: Սակայն դատարանը մեղադրյալի դեմ հարուցված գործի առնչությամբ դիտավորյալ հանցանք չի նկատել և վճռել է արդարացնել Օվյուչին: 

Նշենք, որ Հայոց ցեղասպանության 105-րդ տարելիցին ընդառաջ Քիմ Քարդաշյանն իր թվիթերյան էջում գրել էր. «Այսօր լրանում է Հայոց ցեղասպանության 105-րդ տարելիցը, և ես հպարտ եմ, որ ԱՄՆ-ն ճանաչել է այն»: Սրան զուգընթաց Քիմն իր ինստագրամի սթորիներ բաժնում հրապարակել էր ցեղասպանությանը վերաբերող մի շարք լուսանկարներ:

Այս թեմայով Քիմ Քարդաշյանը մասնակցել է GQ ամսագրի կազմակերպած միջոցառմանը (լուսանկարներ) 44-ամյա Քորթնի Քարդաշյանը նոր կարգավիճակում լուսանկարներ է հրապարակել Քիմ Քարդաշյանն առանց կրծկալի թափանցիկ զգեստով ներկայացել է Time 100 Gala-ին Ջենիֆեր Լոպեսը Քիմ Քարդաշյանի հետ լուսանկարներ է հրապարակել Փիթ Դևիդսոնը ջնջել է Քիմ Քարդաշյանին նվիրված դաջվածքները Քիմ Քարդաշյանը 197 հազար դոլարով գնել է արքայադուստր Դիանայի ամետիստե վզնոցը (լուսանկար) Քիմ Քարդաշյանը ջերմ լուսանկար է հրապարակել որդու հետ Քիմ Քարդաշյանը ցուցադրել է իր բնական մազերը Քիմ Քարդաշյանհայտարարել է, որ իր ամուսնությունը Քանյե Ուեսթի հետ «միակ իրական ամուսնությունն էր» Քիմ Քարդաշյանը պաշտպանում է երեխաներին Քանյե Ուեսթի մասին տեղեկություններից