Ուրանում են այն պատմությունը, որում իրենց հետքը չեն էլ ունեցել. Սոֆիա Հովսեփյանը՝ իմքայլականների մասին

Նման հայտարարություններ անելով՝ ես չգիտեմ, թե ուր են ուզում հասցրած լինեն մեր երկիրը: Այս մասին ԼՈՒՐԵՐ.com-ի հետ զրույցում ասաց անկախ պատգամավոր Սոֆիա Հովսեփյանը՝ անդրադառնալով Հովիկ Աղազարյանի` երեկ կատարած հայտարարությանը, այն է՝ «Քարվաճառը մերը չէր։ Այն 90-ականներին մեր զինվորների կողմից ստեղծվել էր որպես Արցախի պաշտպանության գոտի, որպեսզի հետագայում այդ հողերը հետ վերադարձվեն»:

Պատգամավորի համար անընդունելի է վերջին շրջանում իմքայլական պատգամավորների՝ կտրուկ հայտարարություններով հանդես գալը. «Ես չեմ ընդունում նրանց մոտեցումները: Չեմ հասկանում, թե ինչպես կարելի է ուրանալ սեփական պատմությունն ու ժողովրդիդ անցած ճանապարհը: Ուրանալ այն պատմությունը, որում նրանք իրենց հետքը չեն ունեցել և միակ հետքը, որ ուզում են թողնել ուրացության հետքն է. ես ուղղակի զարմացած եմ»,- նշեց Սոֆիա Հովսեփյանը:

Նա այն կարծիքին է, որ  իմքայլական պատգամավորները, նման հայտարարություններ անելով, ցանկանում են մանիպուլացնել հասարակության այն շերտին, որը չգիտի հայոց պատմություն և չի էլ ցանկանում իմանալ. «Եթե մի բանի մասին շատ են խոսում, հասարակության այն շերտը, որը չգիտի՝ Քարվաճառը որքանով է հայկական, և թե որքան արյուն է թափվել Քարվաճառի ազատագրման համար, այդ մարդիկ հավատալու են յուրաքանչյուր ասածի: Նրանք շարունակելու են մտածել, որ մենք նույն սկզբունքով էլ տվել ենք Վանը, Մուշն ու Արդահանը ու հազարավոր այլ տարածքներ, որոնք չենք համարել ու չենք համարում մերը: Այսօր մենք մոռանում ենք ցեղասպանությունը»,- ընդգծեց Սոֆիա Հովսեփյանը՝ հավելելով, որ իշխանության ներկայացուցիչները մոռացության են տալիս ցեղասպանությունը:

Մեր այն հարցին, թե ինչպես են իշխանական պատգամավորները, արտահերթ խորհրդարանական ընտրություններին ընդառաջ, համարձակվում նման հայտարարություններով հանդես գալ, պատասխանեց. «Այս մարդիկ վաղը իրենց քվեով որոշելու են մեր երկրի ճակատագիրը: Իրենք վստահ են, որ հասարակության մեջ այս 30 տարիներին հնդկական սերիալներով սնված շերտ կա, որը, ցավոք սրտի, քիչ չի, և այդ շերտը ամբողջությամբ ընտրելու է իրենց: Իսկ այն զանգվածը, որը գիտակցում է, թե իրականում ինչ է կատարվում մեր երկրում, նրանց չի ընտրի»,- նշեց պատգամավորը:

Իսկ թե հասարակության որ շերտն է մեծմասնություն կազմում, անկախ պատգամավորը դժվարացավ պատասխանել. «Չեմ կարող ասել, դա այս պահին չափելի չէ, այն կերևա հունիսի 20-ին՝ ընտրությունների ժամանակ»,- եզրափակեց Սոֆիա Հովսեփյանը:

Հիշեցնենք, որ օրեր առաջ ԱԽ քարտուղար Արմեն Գրիգորյանը Հանրային ՀԸ եթերում 3 անգամ խուսափել է պատասխանել հարցին՝ Թուրքիան ՀՀ թշնամի՞ն է, թե՞ ոչ՝ նշելով, թե պետք է մոտեցումներում որոշակի «շտկումներ անել»։

Զվարթ Պետրոսյան

Այս թեմայով Լաչինի միջանցքը փակելն արտառոց բան չէր, նման դեպքեր կրկին լինելու են. Հովիկ Աղազարյան Էդ բնակարանները գնում ենք մենք, փոխնախարարները, ըտենց շարունակ. Աղազարյանը՝ ֆինանսների նախարարին (տեսանյութ) Պարգևավճարից չեմ հրաժարվում, օգտվում եմ՝ օգտագործելու տեղեր կան, իսկ ընդդիմությանը ճիշտ է պարգևավճար չտալը․ Հովիկ Աղազարյան Գրո՛ղը տանի․․․ դպրոցը 16 տարեկանում ավարտեցի, 2 տարի հասունացա, մեծացա, նոր բանակ գնացի․ Աղազարյան «Հրապարակ». 1995-ից սկսած՝ բոլոր բացասական դրսևորումները կապված են Տեր-Պետրոսյանի հետ Արցախը Հայաստանն է, բայց, իհարկե, ոչ Հայաստանի Հանրապետությունը. Հովիկ Աղազարյանը՝ Ալիևի հայտարարության մասին Չպետք է շեղվենք թուրքերի հետ ապրելու մեթոդներ գտնելու օրակարգից. Աղազարյանը՝ Չավուշօղլուի ժեստի մասին Հովիկ Աղազարյանը՝ Եռաբլուրում Լուսինե Բադալյանի պահվածքի մասին Զանգեզուրի միջանցքը բացառվում է, բայց ճանապարհների ապաշրջափակում՝ խնդրեմ. Հովիկ Աղազարյան Այո՛, ՔՊ-ն` որպես պարտված ուժ, չպետք է վերընտրվեր, դա անտրամաբանական է. Հովիկ Աղազարյան