Հայտնի է Կոմանդոսի քաղաքական կտակի բովանդակությունը

Այսօր՝ ապրիլի 1-ին, տեղի ունեցավ «Քաղաքացիական խորհրդի» անդամների ասուլիսը: Խորհրդի անդամներից են տնտեսագետ Թաթուլ Մանասերյանը, Աշոտ Օհանյանը, Սուրեն Գրիգորյանը և այլք։ Ասուլիսի ժամանակ ընթերցվեց Կոմանդոսի քաղաքական կտակը: 

Այն ներկայացնում ենք ստորև.

«Սիրելի հայրենակիցներ:

Այսօր հայ ժողովրդի ճակատագիրը կախված է մեզանից, ինչպես երբեք: Մենք պետք է կարողանանք պահպանել մեր պետության և նրա կառավարման համակարգի կայունությունը: Մենք իրավունք չունենք տրվել հույզերին և թույլ տալ քայլեր, որոնք էլ ավելի կբարդացնեն ներկա իրավիճակը:

Ես հնարավորություն եմ տեսնում միավորելու մեր հասարակության բոլոր առողջ ուժերին ՝ հայ մտավորականությանը, հասարակական-քաղաքական գործիչներին ՝ այս իրավիճակից դուրս գալու ճիշտ լուծումներ գտնելու համար:

Դուք բոլորդ լավ գիտեք, ես հասարակ սպա եմ, որը ազնվորեն վճարել է իր պարտքը հայրենիքին ճակատում եւ հիմա էլ  շարունակում եմ: Ես չեմ հետապնդում քաղաքական կամ անձնական որևէ նպատակ: Ես նաև կոչ եմ անում բոլոր մյուսներին, ովքեր այսօր խաղում են ցանկացած նշանակալից սոցիալական դեր, վեր լինել նեղ քաղաքական, կորպորատիվ կամ այլ շահերից:

Կարծում եմ, որ այս իրավիճակից ելքեր գտնելու համար անհրաժեշտ է ստեղծել Քաղաքացիական խորհուրդ, որում ընդգրկված կլինեն մտավորականության ներկայացուցիչներ, հասարակական քաղաքական գործիչներ, որոնց վստահում է մեր հասարակությունը: Ես կարող եմ ստանձնել այս հասարակական մարմնի գործունեության համակարգումը: Քաղաքացիական խորհուրդը կաշխատի Արշակունյաց 5 հասցեում, կարող եք կապվել մեզ հետ 010 52 6465 կամ 091 35 8928 հեռախոսահամարներով:

Արկադի Իվանովիչ Տեր - Թադևոսյան»:

Այս թեմայով Ադրբեջանի «Կոմանդոս» անվանմամբ ցամաքային զորքերը զորավարժություններ են անցկացրել Կոմանդոսին հետմահու Հայաստանի Ազգային հերոսի կոչում շնորհվեց Անպատկառություն. Շուշին թուրքին նվիրած Նիկոլն այցելել է Շուշին թուրքից ազատագրած Կոմանդոսի շիրիմին Վարչապետը հարգանքի տուրք է մատուցել Կոմանդոսի հիշատակին Տեղեկություն՝ Կոմանդոսի հոգեհանգստի և հուղարկավորության օրվա և ժամի վերաբերյալ. ՊՆ Նրա դերը հայկական բանակի կայացման և Ղարաբաղյան պատերազմում մեր հաղթանակների հարցում անգնահատելի է. Ռոբերտ Քոչարյանը՝ Կոմանդոսի մասին Կյանքից հեռացել է Կոմանդոսը Կոմանդոսն առողջական խնդիրներ ունի. նա հիվանդանոցում է Երբ ձեւակերպենք գործողությունների պլանը, չի դիմանա ոչ մի ապիկար իշխանություն. Կոմանդոսը ուղերձ է հղել Շուշին ազատագրած Կոմանդոսը՝ Շուշիի վերաբերյալ Նիկոլ Փաշինյանի հայտարարության մասին