«Մա՛մ ջան, խնդրում եմ՝ երեխուս լավ կպահես». 23-ամյա Շուրայի վերջին խոսքերը

Մերօրյա հերոս Շուրա Մարկոսյանը ապրեց ընդամենը 23 տարի: Նա իր կյանքը զոհաբերեց հանուն հայրենիքի պաշտպանության: Շուրան ծնվել է 1998թ. ապրիլի 9-ին Մարտակերտի շրջանի Թբլղու գյուղում։ Սովորել է գյուղի միջնակարգ դպրոցում: Այս մասին ԼՈՒՐԵՐ.com-ի հետ զրույցում ասաց հերոսի քույրը՝ Լենա Մարկոսյանը:

«Եղբայրս շատ բարի էր, ընկերասեր, բոլորին օգնում էր, իսկ զինծառայության մեջ՝ պարտաճանաչ, նվիրված ու հայրենասեր զինվոր: Նա բոլորիս համար լավ խորհրդատու էր»,- ասաց Շուրայի քույրը՝ հավելելով, որ Շուրան ազատ ժամանակը սիրում էր անցկացնել ընկերների շրջապատում և իր ընտանիքում՝ երեխայի հետ:

Հերոսը ժամկետային զինծառայության է անցել 2016թ. հուլիսի 11-ին Մարտունի 3-ում, սակայն այն դեռ չավարտած՝ անցել է պայմանագրային ծառայության՝ որպես ավագ սերժանտ: Սերժանտ Շուրան ակտիվ մասնակցություն է ունեցել սեպտեմբերի 27-ից Ադրբեջանի կողմից իրականացված լայնածավալ պատերազմին: Նա մասնակցել է Աղդամի մարտական դիրքերի պաշտպանությանը, այնուհետև իր ստորաբաժանման կազմով տեղափոխվել է Հադրութի շրջան և Արա լեռ Դուդուլ կոչվող տեղանքում անցել պաշտպանության. «Մի քանի օր համառ մարտերից հետո ստորաբաժանումը տեղափոխվել է նորից Հադրութ և շարունակել մարտական գործողությունները, որտեղ հակառակորդը, օգտագործելով հրթիռահրետանային հուժկու հարվածները, կազմակերպում էր լայնամասշտաբ գրոհ, ինչի հետևանքով 2020 թ. հոկտեմբերի 10-ին հակառակորդի կողմից արձակած չարաբաստիկ արկը մահացու վիրավորում է Շուրային և իր զինակից ընկերներին»,- խորը ցավով պատմում է քույրը:

Շուրան ամիսներ շարունակ եղել է անհետ կորածների ցուցակում, նրան կարողացել են հողին հանձնել միայն փետրվարի 11-ին:

Ըստ հերոսի քրոջ խոսքերի՝ եղբայրը լիահույս էր, որ հաղթելու են, և ինքն էլ վերադառնալու է՝ իր նախագծած նպատակները կյանքի կոչելու.  «Պատերազմի օրերին շատ դուխով էր, միշտ ասում էր՝ ամեն ինչ լավ է լինելու, ես անպայման գալու եմ, մենք դեռ շատ անելիքներ ունենք»,- վերհիշում է Լենան:

Իսկ վերջին հեռախոսազրույցի ժամանակ Շուրան միայն մեկ բան է խնդրել իր ընտանիքից. «Վերջին անգամ եղբորս հետ խոսել ենք հոկտեմբեր 10-ի առավոտյան, վերջին խոսքն էր՝ մա՛մ ջան, խնդրում եմ՝ երեխուս լավ կպահես... »,- ցավով ասաց Լենա Մարտիրոսյանը:

Զվարթ Պետրոսյան

Այս թեմայով Պայքարը մտնում է վճռական փուլ, այս քարտեզն այլևս չի կարմրելու․ Սուրեն Պետրոսյան Անկախության ժամանակ ձևավորվեց անկախության հետ աղերս չունեցող սերունդ. Սուրեն Պետրոսյան (տեսանյութ) Սուրեն Պապիկյան, մի գիշերվա ընթացքում 15 զոհ ես տվել, թուրքը էդքան չէր կարա. կացարանի հրդեհից զոհված զինվորի հայր (տեսանյութ) Նայե՛ք քարտեզին, կարմիրով նշվածները հանձնվող տարածքներն են, այս քարտեզն այլևս չի կարմրելու․ Սուրեն Պետրոսյան (տեսանյութ) Մա՛մ, պապան գնացել ա, որ մեր տունը պաշտպանի՞. Սուրեն Պետրոսյանի կինը՝ երեխաների հարցերի մասին (տեսանյութ) Դա չի խանգարելու ո՛չ մեր պայքարին, ո՛չ վճռականությանը․ Սուրեն Պետրոսյանն՝ իր ձերբակալության մասին (տեսանյութ) Սուրեն Պետրոսյանն ազատ արձակվեց (տեսանյութ) Կարծում ենք, որ Սուրեն Պետրոսյանը վաղը կլինի ազատության մեջ. փաստաբաններ (տեսանյութ) Կիրանց-Բերքաբեր հատվածում ականապայթյունային վնասվածք ստացողը պայմանագրային զինծառայող է Սուրեն Պետրոսյանի աջակիցները հավաքվել են ՁՎՊ-ի դիմաց՝ իրենց աջակցությունը հայտնելու նրան