Սարգսյանը՝ Վահրամյանի՝ աշխատանքից ազատման մասին

Տիգրան Վահրամյանն իրեն աշխատանքից ազատելը կարող է համարել իր աշխատանքի արդյունքի գնահատական՝ լիազոր մարմնի կողմից, իսկ արձանագրվածի քրեաիրավական գնահատական տալն իրավապահ մարմինների իրավասությունն է, քանի որ, մեր ունեցած տեղեկություններով, արձանագրված խախտումների մասին տեղեկություններն արդեն իսկ ուղարկվել են իրավապահ մարմիններին։ Այս մասին հայտարարություն է տարածել Պետական գույքի կառավարման կոմիտեի նախագահ Գարիկ Սարգսյանը։

«Ինչպես եւ խոստացել էի, ներկայացնում եմ «Կուրորտաբանության եւ ֆիզիկական բժշկության գիտահետազոտական ինստիտուտ» ՓԲԸ-ի տնօրենի ժամանակավոր պաշտոնակատար Տիգրան Վահրամյանին աշխատանքից ազատելու վերաբերյալ պարզաբանում.

2021թ. ապրիլի 30-ին իմ կողմից` որպես «Կուրորտաբանության եւ ֆիզիկական բժշկության գիտահետազոտական ինստիտուտ» ՓԲԸ-ի 100 տոկոս պետական սեփականություն հանդիսացող բաժնետոմսերի կառավարման լիազոր մարմնի ղեկավարի կայացրած «Կուրորտաբանության եւ ֆիզիկական բժշկության գիտահետազոտական ինստիտուտ» ՓԲԸ-ի (այսուհետ նաեւ՝ ՓԲԸ) տնօրեն Տիգրան Վահրամյանին աշխատանքից ազատելու մասին որոշումն ուղղված է ՓԲԸ-ի գործունեության արդյունավետության բարձրացմանը, միջոցների ռացիոնալ օգտագործմանը, ինչպես նաեւ պայմանավորված է Հայաստանի Հանրապետության՝ որպես տվյալ ՓԲԸ-ի միակ բաժնետիրոջ իրավունքների եւ շահերի պաշտպանությամբ։

Եվ այսպես, ՀՀ առողջապահության նախարարի համապատասխան հրամանով ձեւավորված հանձնաժողովը դիտարկումներ, ուսումնասիրություն է իրականացրել 100 տոկոս պետական սեփականություն հանդիսացող «Կուրորտաբանության եւ ֆիզիկական բժշկության գիտահետազոտական ինստիտուտ»  ՓԲԸ-ում այն ժամանակահատվածի համար (01.01.2019-31.12.2020թթ.), որի ընթացքում ՓԲԸ-ում որպես տնօրենի ժամանակավոր պաշտոնակատար աշխատել է Տիգրան Վահրամյանը։

Ըստ նշված հանձնաժողովի եզրակացության՝ Տիգրան Վահրամյանի կողմից ղեկավարած «Կուրորտաբանության եւ ֆիզիկական բժշկության գիտահետազոտական ինստիտուտ» ՓԲԸ-ում 01.01.2019-31.12.2020թթ. ժամանակահատվածում դեպքերի ուսումնասիրություններով արձանագրված մի շարք խախտումների ընդհանուր գումարը կազմել է 18.545.000 ՀՀ դրամ, որը ենթակա է փոխանցման ՀՀ պետական բյուջե։

Հանձնաժողովի կողմից արձանագրված մի շարք խախտումների, թերությունների եւ թերացումների շարքում հատկանշական եւ հատկապես անընդունելի է Տ. Վահրամյանի կողմից իր հրամանով ինքն իրեն իր վարորդ ձեւակերպելը եւ 2019-2020թթ. ժամանակահատվածում 1.411.200 ՀՀ դրամ վարձատրություն ստանալը։ Սա այն դեպքում, երբ ՀՀ կառավարության 07.07.2011թ. թիվ 992-Ն որոշմամբ ընկերության գործադիր մարմնի պաշտոն զբաղեցնող անձը չի կարող կատարել այլ վճարովի աշխատանք` բացի գիտական, մանկավարժական եւ ստեղծագործական աշխատանքից։

Հատկանշական է նաեւ այն հանգամանքը, որ, նույն հանձնաժողովի եզրակացության համաձայն, ՓԲԸ-ի կարիքների համար փոխկապակցված անձանցից՝ Գեւորգ Վահրամյան ԱՁ-ից, ձեռք են բերվել հիմնական միջոցներ՝ խախտելով «Բաժնետիրական ընկերությունների մասին», «Արժեթղթերի շուկայի մասին» ՀՀ օրենքների պահանջները, փոխկապակցված անձանց համար սահմանված օրենսդրական սահմանափակումներին ներկայացվող պահանջները։

Բաժնետիրական ընկերությունների, այս դեպքում՝  «Կուրորտաբանության եւ ֆիզիկական բժշկության գիտահետազոտական ինստիտուտ» ՓԲԸ-ի միանձնյա գործադիր մարմնի՝ տնօրենի աշխատանքի գնահատականը հիմնականում կատարված աշխատանքի արդյունքն է, որի գնահատողն ընկերության բաժնետերերն են, այս դեպքում՝ պետական սեփականություն հանդիսացող բաժնետոմսերի կառավարման լիազոր մարմին հանդիսացող ՀՀ ՏԿԵՆ պետական գույքի կառավարման կոմիտեն։

«Կուրորտաբանության եւ ֆիզիկական բժշկության գիտահետազոտական ինստիտուտ»  ՓԲԸ-ի տնօրենը, այս դեպքում՝ տնօրենի ժ/պ Տ. Վահրամյանը պետք է հանդես գար որպես մասնակիցների շահերից բխող գործունեություն իրականացնող, այլ կերպ` տնտեսական ընկերության գործարար գործունեության հիմնական կազմակերպիչ ու ղեկավար, ում գործունեության որակն ուղղակիորեն անդրադառնում եւ անդրադարձել է, ի թիվս այլնի, տվյալ տնտեսական ընկերության շահութաբերության եւ այլ իրավաչափ սպասելիքների վրա:

Տիգրան Վահրամյանն իրեն աշխատանքից ազատելը կարող է համարել իր աշխատանքի արդյունքի գնահատական՝ լիազոր մարմնի կողմից, իսկ արձանագրվածի քրեաիրավական գնահատական տալն իրավապահ մարմինների իրավասությունն է, քանի որ, մեր ունեցած տեղեկություններով, արձանագրված խախտումների մասին տեղեկություններն արդեն իսկ ուղարկվել են իրավապահ մարմիններին։

Միեւնույն ժամանակ ՓԲԸ-ի աշխատակիցներին հորդորում եմ իրենց գործողություններով չխաթարել առողջապահական հիմնարկի աշխատանքներն եւ բնականոն ռիթմը»,- գրել է նա։

Կարդացեք նաև՝ Գարիկ Սարգսյանի հրամանով անհիմն ազատում են աշխատանքից․ բուժհաստատության տնօրենն ահազանգում է

Այս թեմայով Գարիկ Սարգսյանը ձեռքերը գրպանում բարեւեց լրագրողներին, բայց չցանկացած պատասխանել հարցերի ՔՊ-ական թեկնածուի կողմից թույլ տված անօրինություններ եմ նկատել. Վեդի համայնքի ղեկավարի թեկնածու «Հրապարակ». Իրենց կարելի է, ընդդիմադիրներին՝ ոչ Գարիկ Սարգսյանի «առատաձեռնությունը» սպասվող ընտրություններին ընդառաջ «Հրապարակ». ՔՊ-ն հրաժարվո՞ւմ է Գարիկ Սարգսյանից «Հրապարակ». Զավթել համայնքապետի պաշտոնը՝ ամեն գնով «ՔՊ-ականացնել» Վեդին ամեն գնով. Գարիկ Սարգսյանը վա-բանկ է գնում «Հրապարակ». Երդվել է, որ ոչ մի ուժի չի միանալու Ախր, Գարիկն ո՞վ է գելերի մեջ, հը՞ն Վեդիում Գարիկ Սարգսյանը պարտվում է