Համայնքապետերին փորձում են ճնշել, սակայն զվարճացրել են․ «Փաստ»

«Փաստ» օրաթերթը գրում է.

Հունիսի 20-ի արտահերթ խորհրդարանական ընտրություններին ընդառաջ իշխանության վախերն ու անհանգստությունները գնալով ավելի են խորանում: Ու չնայած երկրի գլխին իրենց պատճառով կախված մութ ամպերին, իշխանությունները ակտիվորեն լծված են նախընտրական կամպանիայի կազմակերպման գործընթացին։

«Փաստ» թերթի տեղեկություններով, թե՛ «վերևներում», թե՛ տեղերում նախընտրական աշխատանքների պատասխանատու պաշտոնյաները հաճախ անգամ աշխատանքի չեն ներկայանում, քանի որ նրանց համար ընտրարշավն այսօր թիվ մեկ օրակարգում է՝ հաշվի առնելով, որ գնալով «քայլողների» օգտին քվեարկելու պատրաստ քաղաքացիների թիվը կտրուկ նվազում է։ Մեզ տեղեկություններ են հասել, որ այս օրերին առանձնահատուկ աշխատանքներ են տարվում ՏԻՄ ղեկավարների հետ։

Խոսքը հատկապես այն համայնքապետերին է վերաբերում, որոնք հաստատ չեն աջակցում գործող իշխանություններին, ինչպես նաև նրանց, որոնց դիրքորոշումը Նիկոլ Փաշինյանի ու իր մերձավոր շրջապատի համար կասկածելի է կամ անորոշ: Մեր աղբյուրի փոխանցմամբ, այս օրերին մոտ երկու տասնյակ համայնքապետեր կանչվել են իրավապահ մարմիններ։ Մեր ունեցած տեղեկություններով, խոսքը, որպես կանոն, բավականին վաղեմություն ունեցող ինչոր մանր-մունր գործերի մասին է, հիմնականում՝ արհեստական։

Հաճախ անգամ գործի հետ կապված ոչ մի քննչական աշխատանք չի էլ տարվում, հիմնական նպատակը նրանց՝ տվյալ կառույցներ ներկայանալու հանգամանքն է։ Թերթի տեղեկություններով՝ իշխանություններն այս կերպ համայնքապետերին փորձում են հոգեբանորեն ճնշել և «ակնարկել», թե առաջիկա ընտրություններին իրենց ինչպես պետք է պահեն, ինչը, սակայն, պարզապես զվարճացրել է համայնքապետերից շատերին։

Այս թեմայով ՔՊ-ական քաղաքապետերի ունեցվածքը՝ հեղափոխությունից առաջ և այսօր ՔՊ-ական համայնքապետերի «գաղտնիքները»՝ հպարտ քաղաքացիներից Որոշ համայնքապետեր սկսել են դատարկել խոշորացվող համայնքների գյուղապետարանների դարակները. նախարար Նախկին մեղադրյալները՝ համայնքապետեր. Փաշինյանի «հեղափոխական» նշանակումները «Ժողովուրդ». Ազատազրկված համայնքապետերն անգամ ընտրվելու դեպքում կմնան անազատության մեջ. համայնքային կյանքը կպարալիզացվի «Հրապարակ»․ Համայնքների խոշորացումից առաջ համայնքապետները որոշել են խորամանկել և համայնքից պոկել ինչ հնարավոր է «Սյունիքի համայնքապետերի նկատմամբ իրականացվող քայլերը քաղաքական հաշվեհարդարի դրսևորում են» «Իրավունք»․ «Սյունիքի համայնքապետերը ձերբակալվել են Փաշինյանի հրահանգով» Իշխանություններն «անհարմար» համայնքապետերից ազատվելու կարճ ճանապարհ են գտել «Հրապարակ». Անցանկալի համայնքապետները կհեռացվեն