Ես երբեք որևէ անօրինական եղանակով զենքի մատակարարում չեմ իրականացրել․ Դավիթ Գալստյան

Դավիթ Գալստյանը (Պատրոն Դավիթը) հայտարարություն է տարածել, որում մասնավորապես ասված է.

«Հարգելի՛ հայրենակիցներ,

Այսօր նախ ադրբեջանական, այնուհետև նաև հայաստանյան մամուլով տարածվեցին տեղեկություններ առ այն, որ  Ադրբեջանի Հանրապետության դատախազությունը  իմ նկատմամբ հարուցել է քրեական գործ՝ մաքսանենգ օդային ճանապարհով ապօրինի զենք-զինամթերք մատակարարելու դեպքի առթիվ. այդ գործով ինձ ներգրավվել են որպես մեղադրյալ և հայտարարել միջազգային հետախուզում։

​Կարծում եմ՝ բոլորի համար պարզ են նշված քրեկան գործի շինծու հիմքերը և դրա նպատակները։

Ի լուր աշխարհի հայտարարում եմ, որ ես երբեք որևէ անօրինական եղանակով զենքի մատակարարում չեմ իրականացրել: Բոլոր մատակարարումները կատարվել են զենքի առևտրային հարաբերություններում գործող միջազգային պահանջների և չափորոշիչների խստիվ պահպանմամբ։

Ցավում եմ, որ ինչպես պատերազմից առաջ, այնպես էլ դրանից հետո Հայաստանի Հանրապետությունում բարոյականությունից զուրկ և  ոլորտից բացարձակ գիտելիքներ չունեցող Ազգային ժողովի պատգամավորներ, պետական պաշտոնյաներ, հասարակական կազմակերպությունների ներկայացուցիչներ, ինչպես նաև նախկին և ներկա այլ պաշտոնյաներ հրապարակայնորեն սկսեցին կեղծ տեղեկություններ տարածել իմ և իմ գործունեության մասին, որից հետո իմ նկատմամբ սկսվեց քրեական հետապնդում: Այդ անձանց ազդեցությամբ իրավապահ և դատական համակարգի համատեղ ջանքերով ես շուրջ 4 ամիս գտնվում էի անազատության մեջ։ Ակնհայտ դիտավորությամբ և մանիպուլյացիաների միջոցով կեղծ տեղեկություններ սկսվեցին տարածվել նաև տարբեր լրատվական հարթակներում  և պետական մարմինների պաշտոնական կայքերում։ Հենց այդ տեղեկություններից օգտվելով, դրանց հղումեր անելով էլ Ադրբեջանի Հանրապետությունն այժմ կեղծ և շինծու քրեական գործերի միջոցով փորձ է անում ամեն գնով խոչընդոտել Հայաստան զենքի մատակարարումը։

Չնայած մեր բոլոր նախազգուշացումներին, իրավապահ համակարգը  շարունակում է իրականացնել քրեական հետապնդում՝ սահմանափակելով իմ ազատ տեղաշարժման իրավունքը։ Այս ամենից իհարկե չէր կարող չօգտվել Ադրբերջանը, որը փորձ է անում նաև իր կեղտոտ խաղերի և ծուղակների մեջ ներքաշել  հայ խոշոր գործարարներին՝ թիրախավորելով  հայկական բիզնեսը արտերկրում։

​Անկախ իմ նկատմամբ ինչպես Ադրբեջանում, այնպես էլ Հայաստանում իրականացվող ապօրինի քրեական հետապնդումներից և  ճնշումներից՝ ես հրապարակային հայտարարում եմ, որ շարունակելու եմ անմնացորդ նվիրումով ծառայել իմ հայրենիքին, իմ հնարավորությունների ամբողջ ներուժով նպաստել հայրենիքիս հզորացմանը»։

Հիշեցնենք, որ Դավիթ Գալստյանը ձերբակալվել էր փետրվարի 1-ին, իսկ փետրվարի 2–ին` կալանավորվել։ ՀՀ ԱԱԾ-ն տեղեկացրել էր, որ արտերկրում գրանցված «Mosston Engineering» ընկերության խորհրդի նախագահ Դավիթ Գալստյանը, նախնական համաձայնության գալով նույն ընկերության տնօրեն Ա.Բ.-ի հետ, 2018 թվականի ընթացքում ՊՆ–ին է մատակարարել 1983-1986թթ. արտադրության հրանոթի անորակ արկեր, որոնցով, ըստ ԱԱԾ–ի, հնարավոր չի եղել լուծել մարտական խնդիրներ, բայց որոնց դիմաց Գալստյանը 1.083.000 ԱՄՆ դոլար գումար է ստացել:

Հիշեցնենք նաեւ, որ մայիսի 17-ին Վերաքննիչ դատարանի որոշմամբ՝  Դավիթ Գալստյանը ազատ է արձակվել:

Այս թեմայով Արցախի հարցը լուծված չէ. Դավիթ Գալստյանը Լևոն Տեր-Պետրոսյանին «Փաստ». Ռուսաստանը հետ է գնում հրթիռները, որոնց համար Հայաստանում դատվում է Դավիթ Գալստյանը Հրթիռները պիտանելիության հետ կապված խնդիր չեն ունեցել. փաստեր կան․ Պատրոն Դավիթի պաշտպան «Անորակ հրթիռների» գործով դատական առաջին նիստը. ՈՒՂԻՂ «Փաստ». Քաղաքական իշխանությունը հրահանգում է, նախաքննական մարմինն այլևս չի կարողանում Ո՛չ քննիչը, ո՛չ դատախազը չեն կարող պատասխանել՝ արդյոք պիտանի են ձեռք բերված հրթիռները, թե ոչ․ Պատրոն Դավոյի պաշտպան «Ժողովուրդ». Արտակ Դավթյանին կկանչեն հարցաքննության Դավիթ Տոնոյանի գործով «Պատրոն Դավո»-ն չի ընդունում առաջադրված մեղադրանքը «Ժողովուրդ». Նոր զարգացումներ Պատրոն Դավոյի գործով «Ժողովուրդ»․ Պատրոն Դավոյի գործը՝ Վճռաբեկում