Փաշինյանը հրեշավոր պայմանավորվածության է եկել. Հայկ Մամիջանյան

168 TV-ի «Ռեվյու» հաղորդաշարի եթերում, Ազգային ժողովի «Պատիվ ունեմ» խմբակցության պատգամավոր, ԱԺ արտաքին հարաբերությունների մշտական հանձնաժողովի նախագահի տեղակալ Հայկ Մամիջանյանը, ամփոփելով Արարատ Միրզոյանի մոսկովյան այցն ու հնչեցրած պատասխանները, նշեց. «Արված դիտարկումներն անհաժեշտ էին, որ հնչեցվեին, բայց դրանք նախ առաջինը՝ ուշացած էին, երկրորդը՝ քիչ։ Երբ դու վատ նախադեպ ես ստեղծում արտաքին հարաբերություններում, օրինակ՝ խայտառակ կապիտուլյացիոն հայտարարությամբ համաձայնում ես գերիների վերադարձին «բոլորը՝ բոլորի դիմաց» սկզբունքի դիմաց՝ առանց գիտակցելու, որ թշնամին ոչ բոլոր մեր տղաներին է գերու կարգավիճակ տալու, ինչն էլ արեց, երբ դու հունվարի 11-ին հայտարարություն ես ստորագրում: Ցուցարարներից ճողոպրելու համար ասում ես՝ գնում եմ գերիների հարց քննարկելու, բայց գնում ու չես քննարկում՝ ասելով, թե օրակարգում չկա, երբ թշնամին մտնում է քո երկրի սուվերեն տարածք, որովհետև դու էշի ականջում քնած ես, երբ Մհեր Գրիգորյանն ասում է, որ միջգերատեսչական աշխատանքային խմբի աշխատանքը դադարեցվում է, քանի դեռ թշնամու զորքը դուրս չի եկել մեր երկրից, ու առանց զորքի դուրս գալու, վերսկսվում է այդ խմբի աշխատանքը, երբ երկիրը վարում է անատամ արտաքին քաղաքականություն, որևէ բան ակնկալել նման հանդիպումից չի՛ կարելի, իհարկե, կան կետեր, որոնք լավ է, որ հնչեցվեցին, բայց, կրկնում եմ՝ ուշացած էին։

Մյուս կողմից հարց՝ իսկ ինչո՞ւ չի հնչել դեօկուպացիայի կոչ. չէ՞ որ Ադրբեջանը տարիներ շարունակ խոսել է մեր հողերի մասին, այն ներկայացրել՝ որպես օկուպացված, հիմա Ադրբեջանն օկուպացրել է մեր հողերը, ու դրա մասին որևէ բան չի ասվել մեր կողմից»,- ասաց Մամիջանյանը՝ ընդգծելով, որ ոչ միայն Արարատ Միրզոյանը, այլ նաև իշխանական որևէ պաշտոնյա պատերազմի ավարտից 10 ամիս անց էլ չի հայտարարել, որ Ադրբեջանն օկուպացրել է հայկական տարածքները, ավելին՝ ընդունել է Կառավարության մի ծրագիր, որի մեջ չկա Արցախի Հանրապետություն ձևակերպումը։

Անդրադառնալով Արարատ Միրզոյանի այն հայտարարությանը, որ Հայաստանի և Ադրբեջանի միջև խաղաղության պայմանագրի շուրջ որևէ բանակցություն չկա, և եթե որևէ պահի նման բանակցություններ սկսվեն, ապա օրակարգում անպայման պետք է լինի ԼՂ կարգավիճակի հարցը, Հայկ Մամիջանյանը պատասխանեց.

«Ըստ իմ տեղեկությունների՝ նման փաստաթուղթ կա։ Կարող եմ ենթադրել, թե ի՞նչ բովանդակաություն կդնեն դրա մեջ, որովհետև, եթե չկա խաղաղության պայմանագիր, բա ինչի՞ն են նախապատրաստում հասարակությանը, ինչի՞ն են ուղղված Նիկոլ Փաշինյանի ասած ազդակները։

Անդրադառնալով սեպտեմբերի 2-ին՝ Արցախի անկախության օրը, Արցախում ՀՀ նախագահի, վարչապետի, ԱԺ նախագահի ներկա չգտնվելու հանգամանքին՝ պատգամավորը նշեց

«Ինչո՞ւ Նիկոլ Փաշինյանը պատերազմի ավարտից հետո չի եղել Արցախում, ո՞վ նրան դա թույլ չի տալիս, թող այս հարցերին պատասխանի։ Ես իրավունք ունեմ ենթադրելու, որ նրա առաջ դրված է թուղթ, որտեղ գրված է՝ Արցախ չգնաս, քո հայրենիքի դեօկուպացիայի մասին չխոսես, Կառավարության ծրագիր ասվածի մեջ Արցախի Հանրապետություն ձևակերպումը չանես, ու այսպիսի այլ կետեր։ Իրեն ասվել է՝ սա կանես, նա կանես, որի դիմաց Փաշինյանը հրեշավոր պայմանավորվածության է եկել»։

Առավել մանրամասն՝ սկզբնաղբյուրում:

Այս թեմայով Աշխարհը պատրաստվում է թողնել փոքր Արցախին Ադրբեջանի դեմ մեն մենակ. Մամիջանյանը՝ ԵԽԽՎ-ում (տեսանյութ) Փաշինյանն Արցախն արդեն վաճառել է ու հիմա Երևանի տարածքներ է վաճառում․ Մամիջանյան Եթե մենք չենք մտնում կառավարական շենք, ապա ոչ ոչ էլ չի մտնելու․ Մամիջանյան (տեսանյութ) «Այս ստատուսը գրում եմ 2 նպատակով». Հայկ Մամիջանյան Մի շփոթեք «նիկոլանպաստ» և «հայանպաստ» բառերը. Մամիջանյան Եթե Արմեն Սարգսյանը մոտալուտ աղետ է տեսնում՝ պետք է մնա ու պայքարի. Մամիջանյան «Պատիվ ունեմ». Ալիեւը երեւի ամեն տարի Ձմեռ պապից խնդրում է Փաշինյանին թողնել Հայաստանի իշխանությունում Իշխանական պատգամավորներն ամեն ինչ արել են, որ ԵԽԽՎ զեկույցը լինի իրենց համար լավ գույների մեջ. Մամիջանյան Ընդդիմությունը չպետք է շարժվեր Փաշինյանի կեղծ օրակարգով, պիտի շարունակեր պայքարը փողոցում. Հայկ Մամիջանյան «Պատիվ ունեմ» խմբակցությունը Նիկոլ Փաշինյանի հետ կարող է քննարկել միայն իր հրաժարականի տեքստը․ Հայկ Մամիջանյան