Մայրս մահացավ երիտասարդ բժշկի սխալի պատճառով...

Блогосфера 7 Октябрь, 2021 12:12

Մայրս մահացավ երիտասարդ բժշկի սխալի պատճառով...

Ֆեյսբուքյան օգտատեր Լիլիաննա Աբրահամյանը ֆեյսբուքյան իր էջում գրել է.

«Մայրս մահացավ… Մեկ շաբաթով Մոսկվայում էի գործերով, երբ մորաքրոջս տղան մտավ սենյակ ու ասաց.

«Տոմսերն առել եմ, շտապ պետք է հետ գնաս Երևան, մայրդ լավ չի զգում իրեն, հիվանդանոցում է»:

Անմիջապես հասկացա, որ եղբայրս ստում է. ես մորս լավ գիտեի. անգամ հիվանդանոց ընկնելու պարագայում նա թույլ չէր տա, որ ինձ զանգեին ու հետ կանչեին: Եթե զանգել են, ուրմեն նա այլևս չկա:

Ծնող կորցնելն ինքնին արդեն մեծագույն ցավ է: Սակայն այդ ցավը քառապատկվում է, երբ այդ մահը տեղի է ունենում բժշկի անգրագիտության, տմարդության և անտարբերության պատճառով:

Առողջ, 59 տարեկան կինը կտրուկ վատանում է: Մորաքույրներս շտապօգնություն են կանչում: Կանչին գալիս է երիտասարդ մի բժիշկ: Մայրս գանգատվում է կրծքավանդակի սրտի շրջանում ցավից, ձախ ձեռքի թմրածությունից և զարկերակային ճնշման բարձրացումից:

Իբրև բժիշկ նշեմ, որ սրանք ԴԱՍԱԿԱՆ ստենոկարդիայի նոպայի ախտանշաններ են: Ենթադրվում է, որ բժշկական համալսարանի ցանկացած ուսանող սա գիտի: Բայց, ի դժբախտություն մեր ընտանիքի, շտապօգնության երիտասարդ բժիշկը այս տարրական գիտելիքները չուներ, ինչը ճակատագրական եղավ մորս համար:

Անտեսելով մորս գանգատները՝ կապված սրտի հետ՝ նա չի կատարում պարտադիր էլեկտրասրտագրություն (ЭКГ): Հիմնվելով իր ենթադրությունների վրա՝ երիտասարդ բժիշկն ախտորոշում է նևրոզ:

Մորաքույրներս խնդրում են և պարտադրում գոնե տեղափոխել հիվանդանոց, ինչին ի պատասխան նա պնդում է, որ սրտի հետ կապված որևէ խնդիր չկա և անհոգ հեռանում: 15 րոպե անց մայրս մահանում է սրտի կանգից (սուր կորոնար անբավարարություն):

Ես բարձրաձայնում եմ այս անձնական ողբերգությունը և պատրաստվում եմ անցնել դատական բոլոր քաշքշուքների միջով միայն մի նպատակով, որ բացառեմ նման դեպքերի կրկնությունը:

Ես գիտեմ, որ սրանով մորս հետ չեմ բերի, բայց կկանխեմ ուրիշ մայրերի մահը:

Ակնկալում եմ ոլորտի պատասխանատուների և բոլոր պատկան մարմինների ուշադրությունը, հանցավոր անգործությունն ու անտարբերությունը Հայաստանի քաղաքացիների կյանքի իրավունքն ապահովվելու Ձեր Սահմանադրական պարտականության տարրական խախտում է, այլ կերպ ասած հանցագործություն»: