Չավուշօղլուն Էրդողանին սպառնացել է հրաժարական տալ

Թուրքիայի արտաքին գործերի նախարար Մեւլութ Չավուշօղլուն սպառնացել է հեռանալ այն բանից հետո, երբ նախագահ Ռեջեփ Թայիփ Էրդողանը խոստացավ «պերսոնա նոն գրատա» հայտարարել արեւմտյան 10 դեսպաններին, ովքեր կոչ էին արել ազատ արձակել բանտարկված բարերար Օսման Քավալին, հայտնում է Deutsche Welle-ն։

Չավուշօղլուն, ով գտնվում էր Հարավային Կորեայում, երբ Էրդողանը հայտարարություն արեց անցյալ շաբաթ օրը, հորդորել է նրան հետաձգել որոշումը մինչեւ կառավարության նիստը՝ դեմ առ դեմ զրուցելու համար:

«Եթե դեսպանները պերսոնա նոն գրատա հայտարարվեն, ես ստիպված կլինեմ լքել նախարարությունը»,- ասել է Չավուշօղլուն Էրդողանին։ Նախագահը պատասխանել է, որ ոչինչ չի կարող անել։

Իշխող «Արդարություն և զարգացում» կուսակցության անդամները միջամտել են՝ նախազգուշացնելով երկրների հետ դիվանագիտական ​​հարաբերությունների վրա որոշման ազդեցության մասին, այդ թվում՝ ԱՄՆ-ի, Գերմանիայի, Ֆրանսիայի եւ Կանադայի: Նրանք փորձում են փոխզիջում գտնել։

Էրդողանի սպառնալիքը հայտնվեց ամբողջ աշխարհի պարբերականների առաջին էջերին, իսկ թուրքական լիրան նախօրեին ընկավ պատմական նվազագույն մակարդակի: Նույն օրն ավելի ուշ ԱՄՆ կառավարությունը հայտարարություն տարածեց, որում ասվում է, որ այն հավատարիմ է այլ երկրի ներքին գործերին չմիջամտելու մասին Վիեննայի կոնվենցիայի 41-րդ հոդվածին:

Դրանից հետո Էրդողանն ասել է, որ ճգնաժամը լուծվել է։

Այս թեմայով Էրդողանը չեղարկել է իր այցը ԱՄՆ Էրդողանն Իսրայելին մեղադրել է ցեղասպանության մեջ ՌԴ դեսպանատունը նոտա է հղել Թուրքիայի ԱԳՆ-ին Թուրքիայի ԱԳՆ-ն մեղադրել է միջազգային հանրությանը ցեղասպանության հարցում կողմնակալ լինելու մեջ Պարոն Էրդողան, մի փորձեք Սփյուռքը հակադրել Հայաստանին, մենք մի ազգ ենք՝ մի պահանջատիրությամբ. Արամ Ա Էրդողանն Իսրայելին մեղադրել է ցեղասպանություն իրականացնելու մեջ Թուրքիայում երկրաշարժի հետևանքով կան ավերվածություններ (տեսանյութ) Թուրքիայում 5,6 մագնիտուդ ուժգնությամբ երկրաշարժ է տեղի ունեցել Էրդողանը կարող է թողնել իշխող կուսակցության ղեկավարի պաշտոնը Տարածաշրջանային պատերազմ սկսվելու վտանգ կա․ Թուրքիայի ԱԳ նախարար