Աթենքում դժգոհ ֆերմերները տրակտորներով բողոքի ցույց են իրականացրել (տեսանյութ)
ВидеоԱթենքում դժգոհ ֆերմերները հավաքվել են Հունաստանի գյուղատնտեսության նախարարության շենքի մոտ։ Նրանք իրենց ձեռքերում պահել են բանջարեղեն ու սեւ դրոշներ, բազմաթիվ ցուցարարներ տրակտորներով ժամանել են մայրաքաղաք, գրում է Associated Press-ը։
Ֆերմերների բողոքի պատճառը էներգակիրների ու պարենային ապրանքների թանկացումն է։ Փետրվարին գնաճը հասել է 6,3 տոկոսի, մինչդեռ եվրոգոտում միջինը 5,9 տոկոս է։
Հունաստանի կառավարությունը ֆինանսական աջակցության միջոցներ են տրամադրում դժվարությունների առերեսված ձեռնարկություններին, ինչպես նաև ցածր եկամուտ ունեցող տնային տնտեսություններին: Ընդհանուր առմամբ իշխանությունները հատկացրել են 1,1 մլրդ դոլար։ Սակայն սուբսիդավորումը չի տարածվել գյուղատնտեսական ձեռնարկությունների վրա, և այժմ հրապարակ դուրս եկած ֆերմերները բողոքում են նման ընտրողականության դեմ։
Ցուցարարները փակել են երթեւեկությունը Աթենքի կենտրոնում եւ ծրագրել են հանրահավաքը շարունակել խորհրդարանի շենքի մոտ։