Արթուր Վանեցյանը շարունակելու է պայքարը մեզ հետ. Սեյրան Օհանյան

Այսօր հայտնի դարձավ, որ «Պատիվ ունեմ» խմբակցության ղեկավար Արթուր Վանեցյանը պատգամավորական մանդատը վայր է դնում: Այս և ընդդիմության հետագա քայլերի մասին ԼՈՒՐԵՐ.com-ը զրուցեց ‹‹Հայաստան›› խմբակցության ղեկավար Սեյրան Օհանյանի հետ:

-Պարո′ն Օհանյան, Արթուր Վանեցյանն այսօր վայր դրեց իր խորհրդարանական մանդատը, հետաքրքիր է, ‹‹Հայաստան›› խմբակցությունում նման քննարկումներ կա՞ն:

-Մեր խմբակցությունում դեռևս այդպիսի հարց չենք քննարկել, մենք ասել ենք, որ այնտեղ ենք, որտեղ ժողովուրդն է պահանջում:

Արթուր Վանեցյանն անձամբ ինձ զանգահարեց և ասաց իր որոշման մասին, շնորհակալություն հայտնեց խորհրդարանում ընդդիմության նպատակների շրջանակներում աշխատանքների իրականացման համար:  Նա նաև ավելացրեց, որ մնում է պայքարի մեջ, շարունակելու է պայքարը մեզ հետ ‹‹Դիմադրություն›› շարժման նպատակների իրականացման համար:  

-Աշնանը Ձեզ կտեսնե՞նք խորհրդարանում:

-Մենք ասել ենք, որ խորհրդարանում կարող ենք լինել միայն մեր օրակարգով:  

Խորհրդարանում մեր առաջ քաշած բոլոր  առաջնահերթ հարցերը, որոնք վերաբերում էին ՀՀ անվտանգությանը, Արցախին,  սահմանային իրավիճակին, նաև  հայ-ադրբեջանական, հայ-թուրքական հարաբերությունների վերջին զարգացումներին, բոլորն էլ ձախողվեցին: Այդ ամենը հաշվի առնելով է, որ մեր օրակարգն այսօր ոչ թե խորհրդարանի ներսում է, այլ փողոցային պայքարում՝ այն մարդկանց հետ, ովքեր մեզ մանդատ են տվել այս իշխանություններին հեռացնելու:

-Արդյոք հաջողվում է փողոցային պայքարի միջոցով լուծել այն խնդիրները, որոնք ձեր համակիրները դրել են ձեր առջև:  

- ‹‹Դիմադրություն›› շարժման  նպատակներից մեկը, որին կարողացել ենք հասնել, դիմադրություն ձևավորելն է և թույլ չտալը, որ այսօրվա իշխանություններն  իրենց օրակարգով կուրորեն ստորագրեն պայմանագրեր, որոնք չեն բխում մեր երկրի ու ժողովրդի շահերից, և մեզ դա հաջողվել է:

Մենք շարունակելու ենք մեր պայքարը և մեր համակիրների հետ միասին գեներացնելու և տարածելու ենք ‹‹ Դիմադրություն››  շարժման նպատակը:

-Արթուր Վանեցյանի մանդատը, ըստ տարածվող տեղեկությունների, կստանձնի Մարտուն Գրիգորյանը:  Ի՞նչ կարծիք ունեք այդ մասին:

-Այդ տեղը ‹‹Պատիվ ունեմ›› խմբակցությանն է, ընթացակարգերին դեմ չենք կարող լինել, իսկ թեկնածուին դեմ չեմ, խորությամբ չեմ ճանաչում նրան, բայց որքանով գիտեմ, անցած ճանապարհ ունի:

Սուսաննա Թամազյան

Այս թեմայով Այս իշխանությանը հեռացնելու հարցում մենք թերացել ենք․ Սեյրան Օհանյան Բաքվի և Անկարայի զորավարժությունն ուղղված է Իրանի և Հայաստանի դեմ. Սեյրան Օհանյան Հավելավճար ստացողը պատերազմի ժամանակ կարող է տեղի տալ, մյուսը՝ հերոսանալ. Սեյրան Օհանյան (տեսանյութ) «Հրապարակ». Իշխանությունն ընդդիմադիրների վա՞խն է բռնում «Այս իրավիճակում ռուսական տարբերակն Արցախի շուրջ խնդիրների բանակցությունների հեռանկար է թողնում» Արցախցիների միասնությո՞ւնը ոգեշնչեց ընդդիմադիրներին. Սեյրան Օհանյանը՝ սպասվելիք հանրահավաքի մասին «ՌԴ առաջարկները մեզ համար ընդունելի են, Վաշինգտոնյանը՝ ոչ․ Արցախն Ադրբեջանի կազմում թողնել չենք կարող» (տեսանյութ) ՀԱՊԿ-ի անդամ երկրի ոչ մի բանակ չի գալու մեր սահմանները պաշտպանի. Սեյրան Օհանյան «Չեմ տեսել, որ Կրեմլը միջանցքի հարց առաջ քաշի․ արևմուտքն է ուզում, որ վերջնականապես կորցնենք Արցախը» (տեսանյութ) Այս պայմաններում խոսել լիարժեք խաղաղության մասին, նշանակում է միակողմանի զիջումների․ Սեյրան Օհանյան