«Իշխանության՝ ՏԻՄ ընտրություններում ունեցած անհաջողություններով են պայմանավորված ընտրական օրենսգրքի փոփոխությունները»

«Այսօր Աժ քննարկման  օրակարգում 5 հարց էր, որոնցից մեկը  «Հայաստանի Հանրապետության ընտրական օրենսգիրք» սահմանադրական օրենքում լրացումներ եւ փոփոխություններ կատարելու մասին հարցն էր: Թե որքանով  իրականացված փոփոխությունները կազդեն ՏԻՄ ընտրությունների որակի և թափանցիկության վրա, թեմայի շուրջ ԼՈՒՐԵՐ.com-ը զրուցեց քաղաքական և ընտրական տեխնոլոգիաների փորձագետ Արմեն Բադալյանի հետ: 

«Երեսուն տարի է՝  մեկ  ընդհանուր  հիվանդություն կա Հայաստանի քաղաքական  դաշտում, որը  կոչվում է ընտրական օրենսգրքի փոփոխություն: Պետք է նշեմ, որ Հայաստանում լավագույն  և ամենաարդար ընտրությունները տեղի են ունեցել 1990թ. մայիսին՝  Խորհրդային Հայաստանի  Գերագույն խորհրդի վերջին ընտրությունները, երբ Հայաստանը ԽՍՀՄ կազմում էր:  Այն ժամանակվա ընտրական օրենսգիրքը  ես տեսել եմ, որը  ամենապարզունակ, ամենաանորոշ, իրավական «տեսակետից բազմաթիվ հարցեր չկարգավորող ընտրական օրենսգիրքն էր, բայց որի պարագայում անցկացված ընտրությունները համարվում են ամենաարդարը: Դրանից հետո  ՀՀ-ում սկսվեց ընտրական օրենսգրքի բարելավման  գործընթաց, և որքան այն բարելավվում էր, այնքան ընտրությունների որակն  ընկնում էր, իսկ  կեղծիքները՝  ավելանում, որովհետև խնդիրը ընտրական օրենսգրքի մեջ չէ,»,-նշեց Ա. Բադալյանը: 

Ըստ նրա՝ ազնիվ և արդար ընտրությունների անցկացման մեկ պայման կա՝ իշխանությունների քաղաքական կամքը, որը բարեփոխումներ իրականացնելով չի որոշվում: Իսկ  զուտ որպես իրավական փաստաթուղթ՝ վերջին օրենսգրքերը  շատ ավելի որակյալ են, պարզապես դրանք  որևէ կերպ չեն ազդում ընտրությունների որակ վրա: 

Խոսելով ներկայիս իշխանությունների մոտիվների մասին՝ փոփոխություններ անցկացնելու ընտրական օրենսգրքում՝ նա նշեց, որ դրանք պայմանավորված են  ՏԻՄ ընտրություններում գրանցած անհաջողություններով:

«Քանի որ իշխանությունները  հատկապես ՏԻՄ ընտրություններում  շատ տեղերում լուրջ խնդիրներ են ունեցել, սկսել են բարեփոխել ընտրական օրենսգիրքը: Օրինակ՝ փոփոխությունների մի կետի համաձայն՝ ՏԻՄ ընտրություններում համայնքի ավագանին համայնքի ղեկավար է ընտրում փակ, գաղտնի քվեարկությամբ՝ ի տարբերություն այսօր գործող  բաց քվեարկության ձևի: Նրանք կարծում են, որ փակի դեպքում մարդուն ավելի հեշտ կլինի գնել, սպառնալ, կոտրել, ոչ ազնիվ մեթոդներով ստանալ ցանկալի արդյունք, հատկապես եթե ավագանու անդամների մեծամասնությունը լինի ոչ իշխող քաղաքական թիմից»:

Անդրադառնալով այն հարցին, թե ինչպես ՀՀ-ում ազնիվ ընտրություններ չեն անցկացվել, երբ ներկայիս իշխանությունը պարծենում է իր անցկացրած արդար ու թափանցիկ ընտրություներով, նա նշեց, որ  հեղափոխական էյֆորիայի տակ անցկացված ընտրությունները չեն կարող արդար լինել, քանի որ  էյֆորիան ազդում  է մարդկանց քվեարկելու դրդապատճառների վրա:

 «Հեղափոխական էյֆորիայից հետո են լինում նորմալ ընտրություններ, բայց բազմաթիվ փաստեր կան, որ դրանից հետո անցկացված ընտրությունները  չեն եղել ազնիվ և արդար. կան կադրեր, փաստեր այդ ամենը հաստատող, պարզապես  ընդդիմությունը  գուցե նպատակահարմար չգտավ  կամ չունեցավ այդ փորձը, մասնագետները դրանք ուսումնասիրելու համար:  Հետագայում, երբ իշխանափոխություն լինի, պարզ կլինի այսօրվա իշխանությունների ընտրությունների անցկացման ազնվության աստիճանը»,-խոսքը եզրափակեց Ա. Բադալյանը: 

Այս թեմայով Տավուշի իրավիճակով պայմանավորված՝ փոխել են դեպի Թբիլիսի երթուղին․ անցնում են Վանաձորով և Ալավերդիով Վարչապետը նշեց, թե ինչով է պայմանավորված ՀՀ-ում ծանր և առանձնապես ծանր հանցագործությունների աճը Հայաստանում նկատվում է քութեշով պայմանավորված հիվանդացության ակտիվություն Հետախուզվում էր քրեական օրենսգրքի մի շարք հոդվածների մեղադրանքով Կարճաժամկետ գործոնով պայմանավորված՝ 2024թ. փետրվարի տնտեսական ակտիվության աճը կտրուկ արագացել է. «ԼՈՒՅՍ» հիմնադրամ Քննարկվել են ՀՀ սահմանային անվտանգությամբ պայմանավորված մարդու իրավունքների պաշտպանության խնդիրները Հարավից հզոր ցիկլոնի ներթափանցմամբ պայմանավորված՝ ՀՀ ամբողջ տարածքում շարունակվում են դիտվել առատ տեղումներ Խորհրդարանը քննարկել է «Բաժնետիրական ընկերությունների մասին» օրենքում առաջարկվող փոփոխությունները Նախագծի ընդունումը պայմանավորված է գործող օրենքում առկա որոշ բացթողումներ լրացնելու անհրաժեշտությամբ Լրագրողների հետ քննարկվել են «Տարվա 10 լավագույն մարզիկներ» մրցույթի կարգի փոփոխությունները