Բրիտանուհուն վախեցրել է Կիպրոսի հյուրանոցներից մեկում ելույթ ունեցած Մայքլ Ջեքսոնի նմանակը

Կիպրոսում հանգստացող երիտասարդ բրիտանուհուն վախեցրել է Մայքլ Ջեքսոնի նմանակը, ով ելույթ էր ունենում Այա Նապայի բարերից մեկում շոու-ծրագրի շրջանակում։ Այս մասին հայտնում է Mirror հրատարակությունը։

Բանն այն է, որ 18-ամյա Ռուբի Մարիոթը տառապում է հազվագյուտ ֆոբիայով՝ վախենում է Մայքլ Ջեքսոնից։ Հոլովակում, որը նկարահանել է նրա քույրը՝ Մեյսին, նա հեկեկոցով արձագանքում է բեմի վրա Մայքլ Ջեքսոնի նմանակին` ակնհայտորեն վախենալով անգամ բեմի ուղղությամբ նայելուց:

«Ես իսկապես վախենում եմ Մայքլ Ջեքսոնից: Ամեն ինչ սկսվեց, երբ ես մոտ հինգ տարեկան էի»,- հրատարակությանը պատմել է Ռուբի Մարիոթը:

Աղջկա խոսքով՝ այդ ժամանակ իր քույրն ու զարմիկը սիրում էին ցույց տալ իրեն «իր սահմռկեցուցիչ մոնտաժված լուսանկարները» և դավադրության տեսություններ պատմել, որ Մայքլ Ջեքսոնն իբր ողջ է։

«Նույնիսկ երբ նրա երաժշտությունը հնչում է, վախի դող է հոսում իմ մարմնով: Ինձ համար ամենասարսափելի երգը Thriller-ն է, հիմնականում այն ​​պատճառով, որ մանուկ հասակում դիտել եմ տեսահոլովակը, և այն ամենասիրված հիթերից մեկն էր, ուստի այն շատ էր հնչում»,- խոստովանեցլ էաղջիկը:

Նա հավելել է, որ երբ ընտանիքի անդամներից մեկը մարմնավորում է Մայքլ Ջեքսոնին, ինքը դուրս է գալիս սենյակից։

Ինչպես ասել է Ռուբի Մարիոթը, այդ վախը վերջերս մեծացել է Լոս Անջելես կատարած ընտանեկան շրջագայության պատճառով։ Այնտեղ նրա հարազատները տուն էին վարձել, որտեղ դռներից մեկը սարքավորված է եղել ութ կողպեքով։ Այն բանից հետո, երբ ընտանիքի անդամներից մեկը, իմանալով աղջկա ֆոբիայի մասին, ասել է. «Իսկ ինչ, եթե Մայքլ Ջեքսոնը թաքնված է այնտեղ», ինքը երեք շաբաթ չի կարողացել քնել` վախենալով, որ նա գիշերը դուրս կսողա և կնայի նրան:

Այս թեմայով Որքանով են վաճառվել Մայքլ Ջորդանի խաղակոշիկները (լուսանկարներ) Մայքլ Ջեքսոնի որդին դատի է տվել տատիկին Դատարանը վերսկսել է Մայքլ Ջեքսոնի դեմ սեռական ոտնձգության հետ կապված հայցերը Ադրբեջանցի «բնապահպանները» որոշել են Լաչինի միջանցքում լսել Մայքլ Ջեքսոն Մայքլ Ջեքսոնի որդին դեմ է, որ Հարի Սթայլսին անվանեն «փոփի նոր արքա» Մայքլ Ջեքսոնի դուստրը «համարձակ» զգեստի պատճառով արժանացել է քննադատությունների Ջենիֆեր Գարները, ընկերոջից բաժանվելուց հետո, զվարճանում է Բրեդլի Կուպերի հետ (լուսանկարներ) Մայքլ Ջորդանի մարզահագուստը վաճառվել է 288 հազար դոլարով Բասկետբոլիստ Մայքլ Ջորդանի խաղակոշիկները վաճառել են ռեկորդային՝ 560 հազար դոլարով․ Bloomberg