Բացահայտվել են Եղիսաբեթ II-ի հուղարկավորության վերաբերյալ գաղտնի փաստաթղթերը

Լրագրողներն ուսումնասիրել են Մեծ Բրիտանիայի թագուհի Եղիսաբեթ II-ի հուղարկավորության վերաբերյալ գաղտնի փաստաթղթերը։ 

Գաղտնի փաստաթղթերը հայտնվել են Politico հրատարակության մոտ։ Ըստ լրագրողների՝ սա թագուհու մահվան դեպքում բրիտանական կառավարության պատասխան պլանների վերջին տարբերակն է։ Սովորաբար նման բաները պատված են առեղծվածով, թեև սգո արարողությունը խնամքով նախատեսված է միապետի մահից շատ առաջ։

Պետական ​​գերատեսչություններին կարգելվի ռեթվիթ անել։ Նրանց կայքերում և սոցիալական ցանցերի էջերում կհայտնվեն սև պաստառներ։ Երեկոյան ազգին կդիմի թագաժառանգ Չարլզը։

Եղիսաբեթ II-ի մահվան հաջորդ առավոտյան արքայազն Չարլզը կհռչակվի Մեծ Բրիտանիայի թագավոր։ Այնուհետեւ Սենտ Ջեյմսի պալատում եւ Լոնդոնի Սիթիի թագավորական բորսայում կկարդան իշխանությունը նոր թագավորին փոխանցելու մասին հռչակագիրը։ Այդ օրը ավելի ուշ նախարարները պետք է գան Չարլզի մոտ:

Վեցերորդ օրը թագուհու դագաղը կտանեն Լոնդոնի հանդիսավոր ճանապարհով։ Երթը սկսվում է Բուքինգհեմյան պալատից, որտեղ ապրում են միապետերը, դեպի Վեսթմինսթերյան պալատ, որը նախատեսված է կառավարության նիստերի համար։

Դագաղը երեք օր կկանգնի Վեսթմինսթերյան դահլիճում։ Այն բաց կլինի հանրության համար 23 ժամ:  Թագավոր Չարլզը, մինչդեռ, կմեկնի Շոտլանդիա, Իռլանդիա և Ուելս՝ տեղացիներից ցավակցություններ ստանալու համար։

Իշխանությունները վախենում են զբոսաշրջիկների հոսքից և Լոնդոնի գերբնակեցումից։ Նրանց հատկապես անհանգստացնում է այն սցենարը, որ թագուհին կմահանա մինչև համաճարակի ավարտը։ Ինչպես կազմակերպել մուտքը երկիր նման պայմաններում` մեծ հարց է։

Ամենայն հավանականությամբ, Եղիսաբեթ II-ին կհուղարկավորեն մահից տասն օր անց։ Թագուհու մարմինը կհանգչի թագավոր Ջորջ 6-րդի` նրա հոր և Մեծ Բրիտանիայի նախորդ միապետի հուշահամալիրում: Հուղարկավորության օրը ոչ աշխատանքային օր չի հայտարարվի, սակայն աշխատակիցները կարող են իրենց գործատուներից արձակուրդ խնդրել։

Այս թեմայով Որքան են Բրիտանիայում ծախսել Եղիսաբեթ 2-րդ թագուհու հուղարկավորության համար Եղիսաբեթ II-ի հարազատները չեն հրավիրվել Չարլզ III-ի թագադրմանը Եղիսաբեթ II-ի դագաղի մոտ հերթապահող զինվորը մահացել է նրա հուղարկավորությունից երկու շաբաթ անց (լուսանկարներ) Լոնդոնում անցկացվել է թագուհի Եղիսաբեթ 2-րդի մահվան պատճառով հետաձգված Burberry-ի ցուցադրությունը Ու՞մ բաժին կհասնեն Եղիսաբեթ II թագուհու զարդերը Ավստրալացի հաղորդավարուհին քնել է ուղիղ եթերում` Եղիսաբեթ II-ի հուղարկավորության հեռարձակման ժամանակ Նախագահ Խաչատուրյանը մասնակցել է Նորին Մեծություն Եղիսաբեթ Երկրորդի հրաժեշտի արարողությանը, գրառում կատարել Լանկաստերի պալատում բացված սգո մատյանում Նոր սկանդալ՝ Եղիսաբեթ II-ի թաղման ժամանակ. Բայդենը բարձր տրամադրությամբ է ժամանել (տեսանյութ) Լոնդոնում ավարտվել է Եղիսաբեթ II-ի հրաժեշտի արարողությունը. այսօր Թագուհուն կհանձնեն հողին ՀՀ նախագահը՝ սկանդալի կենտրոնում․ Խաչատուրյանին նկատել են Եղիսաբեթ II-ի դագաղի մոտ լուսանկարվելիս և կատակելիս (լուսանկարներ)