Որոշում եմ կայացրել դադարեցնել պատգամավորական գործունեությունս. Մխիթար Զաքարյան

ՀՀ ԱԺ «Հայաստան» խմբակցության պատգամավոր, «Վերածնվող Հայաստան» կուսակցության վարչության անդամ Մխիթար Զաքարյանը հանդես է եկել հայտարարությամբ՝ նշելով, որ որոշել է դադարեցնել պատգմավորական գործունեությունը:

Հայտարարությունում ասված է. «Սիրելի՛ հայրենակիցներ,

Հայաստանն ու Արցախն այսօր լուրջ մարտահրավերների առաջ են կանգնած։ Արցախի անվտանգությանը, կարգավիճակին ու արցախահայության իրավունքների պաշտպանությանն առնչվող խնդիրները բոլորիս են հայտնի։ Միաժամանակ, վտանգված է նաև Հայաստանի անվտանգությունը․ թշնամու զինված ուժերը շարունակում են մնալ մեր սուվերեն տարածքում։ Խնդիրները բազմաթիվ են՝ ուժի ուղղակի սպառնալիքից մինչև հումանիտար հարցերի քաղաքականացում։ Սրանք բոլորը հրատապ լուծման կարիք ունեն, բայց դրանք արդյունավետ ու վերջնականապես լուծելու համար մեզնից յուրաքանչյուրը պիտի իր տեղում լինի։

Ես՝ որպես ՀՀ ԱԺ «Հայաստան» խմբակցության պատգամավոր, որոշում եմ կայացրել դադարեցնել պատգամավորական գործունեությունս՝ հայրենիքիս առավել արդյունավետ ծառայելու վճռականությամբ։ Միաժամանակ, ուզում եմ հայտնել, որ շարունակելու եմ քաղաքական գործունեությունս «Վերածնվող Հայաստան» կուսակցության շարքերում՝ անելով հնարավորություններիս սահմաններում առավելագույնը՝ ի նպաստ մեր առաջ ծառացած խնդիրների լուծման։

Հաջողություն եմ մաղթում խորհրդարանում իրենց առաքելությունն իրականացնող բոլոր գործընկերներիս։ Ինչպես արդեն նշեցի՝ իրական արդյունք ունենալու համար մեզնից յուրաքանչյուրը պիտի իր դիրքում լինի և անի այն, ինչ ամենից արդյունավետ է կարողանում անել»։

Այս թեմայով «Հրապարակ». Դատարանը բավարարել է Մխիթար Զաքարյանի հայցը. Դատախազությունը՝ բողոքարկել Մխիթար Զաքարյանը և Արթուր Սարգսյանն ազատ արձակվեցին Մխիթար Զաքարյանն ու Արթուր Սարգսյանը, առանց դատական նիստի, ազատ կարձակվեն Մեղրիի նախկին համայնքապետ Մխիթար Զաքարյանը կմնա կալանքի տակ Ով ում է աջակցում Մեղրիում․ ընտրություններին ընդառաջ կրքերը լարվել են Միջնորդություն եմ ներկայացրել առաջին ատյանի դատարան Մխիթար Զաքարյանին կալանքից ազատ արձակելու պահանջով․պաշտպան Մխիթար Զաքարյանի գործում առկա է վերահսկողություն, և որևէ մեկը չի տեսնում տեղի ունեցող անօրինականությունները․ պաշտպան Դատախազությունը պարզաբանել է Արթուր Սարգսյանի և Մխիթար Զաքարյանի կալանավորման հիմքերը Ընթանում է Մխիթար Զաքարյանի կալանքի միջնորդության քննությունը Մխիթար Զաքարյանի ձերբակալումը բողոքարկվել է դատարան, ժամը 14։00-ին քննչական գործողություններ պետք է լինեն. պաշտպան