Ռոնալդուին տրանսֆերի համար առաջարկել են մեկ լիտր գարեջուր և կարկանդակ
ՍպորտՀյուսիսային Պրեմիեր լիգայի (Անգլիա) Պրեմիեր դիվիզիոնի ակումբը հարձակվող Կրիշտիանու Ռոնալդուի տրանսֆերի համար «Մանչեսթեր Յունայթեդին» առաջարկել է մեկ լիտր գարեջուր և կարկանդակ գրում է Goal-ը։
Հիշեցնենք, որ ավելի վաղ 37-ամյա պորտուգալացի հարձակվողը հրապարակայնորեն քննադատել էր «Մանչեսթեր Յունայթեդի» մարզչական շտաբը, ղեկավարությունը և քաղաքականությունը։ Ավելի ուշ հայտնի դարձավ, որ ֆուտբոլիստի փաստաբաններն աշխատում են «կարմիր սատանաների» հետ պայմանագիրը խզելու ուղղությամբ, որն ուժի մեջ է մինչև 2023 թվականի ամառ։
Ռոնալդուն բաց է թողել «Մանչեսթեր Յունայթեդի» վերջին խաղը Անգլիայի Պրեմիեր լիգայում Լոնդոնի «Ֆուլհեմի» դեմ։ Իսկ մի քանի տուր առաջ նա հեռացվեց առաջին թիմի հետ մարզվելուց՝ Պրեմիեր լիգայի 12-րդ տուրի՝ «Տոտենհեմի» դեմ խաղում եզրափակիչ սուլիչից առաջ «Օլդ Թրաֆորդ» մարզադաշտը լքելու համար։ Ռոնալդուն ներկա չի եղել հանդերձարանում, երբ թիմակիցները տոնել են հաղթանակը։
Այս մրցաշրջանում պորտուգալացին Պրեմիեր լիգայում անցկացրել է տասը հանդիպում՝ դառնալով մեկ գոլի հեղինակ։ Չնայած «Մանչեսթեր Յունայթեդում» անցկացրած վատ մրցաշրջանին, Ռոնալդուն ընդգրկվել է Պորտուգալիայի հավաքականի կազմում 2022 թվականին Քաթարում կայանալիք աշխարհի առաջնության համար: