Ինչ է «ներվել» Սարգսյան եղբայրներին՝ հեղափոխական իշխանությունների կողմից

Երեկ տարածվեց ուշագրավ տեղեկություն, համաձայն որի՝ ՀՀ հակակոռուպցիոն կոմիտեում նախաձեռնված քրեական վարույթով կատարված նախաքննությամբ ձեռք են բերվել բավարար փաստեր առ այն, որ Երևանի քաղաքապետի նախկին տեղակալ Վ. Ն.-ն (Վահե Նիկոյան՝ խմբ․) իր պաշտոնավարման տարիներին չարաշահել է պաշտոնեական դիրքը, որի հետևանքով մայրաքաղաքում տարիներ շարունակ փաստացի չկատարված աղբահանության աշխատանքների և չմատուցված սանիտարական մաքրման ծառայությունների համար «ՍԱՆԻԹԵՔ» ՍՊ ընկերությանը, ինչպես նաև դրա հետ փոխկապակցված ընկերություններին, անհիմն վճարվել է  ավելի քան 3 մլրդ ՀՀ դրամ գումար: Նիկոյանը կալանավորվել է:

Ի՞նչ է այս պատմության մեջ առավել ուշագրավ: Բոլորի հիշողության մեջ թարմ է 2019-ին Նիկոլ Փաշինյանի և այն ժամանակ Երևանի քաղաքապետի պաշտոնը զբաղեցնող Հայկ Մարությանի հայտնի լայվը, որի ընթացքում Փաշինյանը տողատակերով բացահայտում արեց՝ ասելով, որ «Սանիթեք»-ը փողը հանում, տալիս է Սերժ Սարգսյանի եղբորը՝ Լևոն Սարգսյանին:

Դրանից հետո Հայկ Մարությանը հայտարարեց, որ «Սանիթեք»-ի մի շարք օֆիսներ գտնվում են նախկին փոխքաղաքապետ Վահե Նիկոյանի հորը պատկանող տարածքներում: Եվ ահա՝ երեք տարի անց, այս գործի շրջանակներում Նիկոյանը կալանավորվում է, իսկ մյուս անձը, ում անունը հնչել է այս հանդիպման ընթացքում՝ թեկուզև տողատակով, հաջողել է գլուխը ազատել:

Սա միակ գործը չէ, որով անցնում էր Լևոն Սարգսյանը: 2018-ին նրա հիմնադրած «Փյունիկ» հիմնադրամը հայտնվել էր քրեական մեկ այլ գործի կիզակետում։ Պարզվել էր, որ «ՋԼՋ պրոյեկտ քոմփանի» ՍՊԸ-ն, որի խոշոր բաժնետերերից է նաև «Փյունիկ» հիմնադրամը, իրականացնելով բազմաֆունկցիոնալ շենքի կառուցապատում, պետությանը շուրջ 300 միլիոն դրամի վնաս էր հասցրել։ Լևոն Սարգսյանը բնականաբար այստեղ էլ որևէ պատասխանատվության չենթարկվեց, քանի որ նրան դեռևս հայրենի իշխանությունները չեն կարող հայտնաբերել:

Սա էլ դեռ բավարար չէ, հեղափոխությունից հետո Լևոն Սարգսյանը անցնում է նաև քրեական մեկ այլ գործով, նա մեղադրվում է ապօրինի հարստացման մեջ:

Լևոն Սարգսյանը անցնում էր նաև «Հյուսիս-Հարավ ճանապարհային միջանցք» ծրագրի մշակման և իրագործման գործընթացում թույլ տրված առերևույթ չարաշահումների դեպքերի առթիվ  հարուցված քրեական գործով: 

Հիշեցնենք, որ Հյուսիս-Հարավ ճանապարհային միջանցքի շինարարության 2-րդ տրանշի շրջանակներում վարկային համաձայնագիրը ստորագրվել էր 2011 թվականի մայիսի 30-ին: Գլխավոր կապալառուն իսպանական անհայտ Corsan Corviam Construccion S. A.-ն էր: Շինարարական աշխատանքների պայմանագրային արժեքը կազմել է 179,6 մլն դոլար, որպես վարկատու հանդես է եկել Ասիական զարգացման բանկը (170 մլն դոլար): Այսօր շինարարական աշխատանքները դադարեցվել են՝ աշխատանքների շատ ցածր որակի պատճառով։  Ընկերությունը, գործնականում, սնանկացել է։ Անկախ դիտորդների կարծիքով՝ հենց նախագահի եղբայրն էր, որ կարող էր լինել այդ ընկերության գլխավոր "տանիքը"։ Ըստ փորձագետների՝ խոսքը կարող էր վերաբերվել պայմանագրի գումարի 30-40%-ի չափով  "ատկատներին"։ Այն ժամանակ, երբ պայմանագիր էր կնքվում իսպանական ընկերության հետ, Լևոն Սարգսյանը զբաղեցնում էր հատուկ հանձնարարություններով դեսպանի պաշտոնը։

Հեղափոխությունից հետո իշխանությունների և տարատեսակ քրեական գործերի թիրախում հայտնվեց նաև Սերժ Սարգսյանի մյուս եղբայրը՝ Ալեքսանդր Սարգսյանը: Թերևս ամենաարագը ջրվեց այսպես կոչված արագաչափերի բիզնեսի մասին միֆը, քանի որ հենց Նիկոլ Փաշինյանի ենթակաները ստիպված էին հայտարարել, որ Սարգսյանը անձամբ այդ բիզնեսի հետ որևէ առնչություն չունի: Այնուհետև հայտնի դարձավ, որ Ալեքսանդր Սարգսյանը մեղադրվում է Քրեական օրենսգրքի 178-րդ հոդվածի հատկանիշներով՝ խարդախության համար։ Խափանման միջոց է ընտրված ստորագրությունը չհեռանալու մասին։ Ալեքսանդր Սարգսյանը հարցաքննվել էր որդու՝ Նարեկ Սարգսյանի կողմից Մարտիրոս Սարյանի 14 գծանկարների հափշտակության մասին մեղադրանքների առնչությամբ: Ալեքսանդր Սարգսյանը հեղափոխությունից հետո հարուցված մի քրեական գործով դեռ մեկուկես տարի առաջ պետությանը 7 միլիոն դոլար է վճարել՝ ազատվելով քրեական հետապնդումից։ Ըստ դատախազության՝ Սարգսյանին առնչվող քրեական գործը հարուցվել էր հարկերից, տուրքերից կամ պարտադիր այլ վճարումներից չարամտորեն խուսափելու հոդվածով, որով նախատեսվում է 5-10 տարի ազատազրկում գույքի բռնագրավմամբ։ Իրավապահները, փաստորեն, չեն շարունակել քրեական հետապնդումը ու գործը դատարան չի հասել հենց այն պատճառով, որ Սարգսյանը կամովին վճարել է ժամանակին թաքցրած հարկերը։ Չնայած այս ամենին, ԱԱԾ-ն թույլատրել էր Ալեքսանդր Սարգսյանին «որոշակի ժամանակով» հեռանալ Հայաստանից: Իսկ այժմ վերջինիս որոնում են, մինչդեռ վերը նշված քրեական գործերով առկա են այլ կալանավորված անձինք և չի բացառվում, որ պատժի ողջ բեռը կրեն հենց նրանք, այլ ոչ թե դիցուք՝ Ալեքսանդր Սարգսյանը, ում չի հաջողվում գտնել և կալանավորել:

Ինչպես տեսնում ենք, չնայած հեղափոխականները փաստացի իշխանության եկան մերժելով Սերժին և վերջինիս ու իր ազգականներին մեղադրելով բոլոր հնարավոր և անհնարին ապօրինությունների մեջ՝ հեղափոխությունից հետո Սերժ Սարգսյանի ազգականներին այս իշխանությունը ներում է գրեթե ամեն ինչ....։

Այս թեմայով Փաշինյանի գլխավորությամբ տեղի է ունեցել ՔՊ վարչության նիստ Առաջարկվել է տեղում սկսել աշխատանքները․ կառավարությունը՝ Փաշինյանի հետ կիրանցիների հանդիպման մասին «Հեռացնե՛նք Նիկոլին» վանկարկումների ներքո Փաշինյանը հեռացավ կառավարության շենքից (տեսանյութ) Մեր ոչ մի հարց չլուծվեց. ինչ են պատմում Փաշինյանի հետ հանդիպումից դուրս եկած տավուշցիները (տեսանյութ) Ակցիա՝ կառավարության շենքի դիմաց, մինչ տավուշցիները հանդիպում են Փաշինյանի հետ․ ուղիղ Հանդիպում չի կայանա․ Փաշինյանը չի մեկնելու Պուտինի երդմնակալության արարողությանը. MediaHub «Վարչապետի գավաթ»-ն ավելի ու ավելի շատ պետք է կապված լինի կրթության, դպրոցի հետ. Նիկոլ Փաշինյան Նիկոլ Փաշինյանին ու Աննա Հակոբյանին նկարահանել են Սևանում գտնվող սրճարանում (տեսանյութ) Փաշինյանը տիկնոջ հետ հանդիպել է «ՀՀ վարչապետի գավաթ» սեղանի թենիսի մրցաշարի եզրափակիչ փուլի մասնակիցներին Փաշինյանը հետևել է Գավառի հրապարակում քյուֆթայի և փախլավայի պատրաստման վարպետաց դասին (լուսանկարներ)