Բանտարկյալը ներկայացել է բժիշկ և սարքավորում գնելու նպատակով շորթել 5000 դոլար ու ոսկյա ժամացույց

2021թ. հոկտեմբերի 21-ին ոստիկանության Քանաքեռ-Զեյթունի բաժնում մի կին հաղորդում էր տվել, որ որպես բժիշկ Տիգրան Հարությունյան ներկայացած անձը բժշկական սարքավորումներ գնելու նպատակով իրենից խաբեությամբ վերցրել է մոտ 5000 դոլար և 20 գրամ քաշով ոսկյա ժամացույց: Իսկ որպես Տիգրանի քույր ներկայացած ոմն Մագա մաս-մաս ստացել է այդ գումարը և փոխանցել նրան:

Ոստիկանության Քանաքեռ-Զեյթունի բաժնի քրեական հետախույզները, իրացնելով օպերատիվ տվյալները, պարզեցին, որ Տիգրան Հարությունյան ներկայացած անձը այլ անուն-ազգանունով 48-ամյա տղամարդ է, որը ներկայումս պատիժ է կրում քրեակատարողական հիմնարկներից մեկում: Իսկ Մագա ներկայացած կինը Երևանի 44-ամյա բնակչուհի է՝ դարձյալ այլ անուն-ազգանունով:

Պարզվեց, որ քրեակատարողական հիմնարկից խարդախությունը կազմակերպել էր 48-ամյա տղամարդը: Նա պարտավորվել էր տուժող կնոջը վաճառել բժշկական սարքավորումներ, իսկ Մագա ներկայացած կնոջն էլ ասել էր, որ իր բնակարանը վաճառել է տուժող կնոջը և պետք է նրանից գումար ստանա:

Հունվարի 10-ին քրեական հետախույզները ձերբակալեցին ու բաժին տեղափոխեցին Մագա ներկայացած կնոջը: Բաժնում 44-ամյա կինը հայտնեց, որ գումարը և ոսկյա ժամացույցը ինքն է վերցրել տուժողից և փոխանցել 48-ամյա տղամարդու մատնանշած անձին:

Նախաձեռնվել է քրեական վարույթ:

Այս թեմայով Այն կտի մասին, թե իբր ադրբեջանական գազ է գնելու Հայաստանը․ Կարեն Վրթանեսյան «Ժողովուրդ». Աննա Հակոբյանը քաղաքական նպատակով էր Գյումրիում. թեմի առաջնորդը «վտանգ» է համարվում ՆԱՏՕ-ն հակաօդային պաշտպանության բարելավման նպատակով զորավարժություն կանցկացնի Սուրեն Պապիկյանի կինը հանձնաժողով տվյալներ չի ներկայացրել 2,100,000 դրամ, 17,700 ԱՄՆ դոլար, 2000 եվրո եկամտի վերաբերյալ․ «Հրապարակ» Porsche-ն ներկայացրել է ավելի քան 15 000 դոլար արժողությամբ էլեկտրական հեծանիվ (լուսանկարներ) 36 կգ քաշով ոսկյա ձուլակտորների և 293.000.000 ՌԴ ռուբլի գումարի հափշտակության վարույթով քրեական հետապնդում է հարուցվել 12 անձի նկատմամբ Պաշտպանի ներկայացուցիչներն այս պահին գտնվում են Ոստիկանության ձերբակալվածներին պահելու վայրում՝ Սամվել Վարդանյանին տեսակցելու նպատակով Բժիշկները կնոջ աչքից կենդանի որդ են հեռացրել Տղամարդը բժշկին խնդրել է անդամահատել իր երկու մատները, քանի որ դրանք նյարդայնացնում էին իրեն Սամվել Մայրապետյանից և Գագիկ Հակոբջանյանից հօգուտ պետության կբռնագանձվի շուրջ 11 մլն ԱՄՆ դոլար