Իրանում մահապատժի են ենթարկել լրտեսության մեջ մեղադրվող ՊՆ աշխատակցին

Իրանում մահապատժի են ենթարկել պաշտպանության նախկին փոխնախարար Ալի Ռեզա Աքբարիին, ով մեղավոր է ճանաչվել Բրիտանիայի օգտին լրտեսության մեջ։

Իրանի դատական ​​համակարգին հաշվետու Mizan Haber լրատվական գործակալության փոխանցմամբ՝ դատավորները որոշել են, որ լրտեսելով բրիտանական հետախուզական ծառայությունների օգտին՝ Աքբարին լայնածավալ գործունեություն է ծավալել՝ ի վնաս Իրանի ներքին և արտաքին անվտանգությանը, ինչպես նաև քաոս է սերմանել։

Ըստ քննիչների՝ Աքբարին բազմիցս հանդիպումներ է ունեցել բրիտանական հետախուզության գործակալների հետ՝ գումարի դիմաց նրանց փոխանցելով 178 մարդու, այդ թվում՝ իրանցի գիտնականների մասին տեղեկություններ։

Հաղորդագրության համաձայն՝ հենց Աքբարին է բրիտանական հետախուզության գործակալների հետ հանդիպման ժամանակ 2020 թվականի նոյեմբերի 27-ին մայրաքաղաք Թեհրանում գիտնական Մուհսին Ֆախրիզադեի սպանության «իրանական ծրագրի առանցքային դեմքը»։

 Mizan լրատվական գործակալությունը հունվարի 11-ին հաղորդել էր, որ Ալի Ռըզա Աքբարին, ով նախկին նախագահ Մուհամմեդ Խաթամիի պաշտոնավարման ժամանակ զբաղեցրել է պաշտպանության փոխնախարարի պաշտոնը, կալանավորվել է Բրիտանիայի օգտին լրտեսելու համար: Աքբարին մեղադրվել է լրտեսության մեջ, իսկ ավելի ուշ դատապարտվել է մահապատժի։

Գերագույն դատարանը մերժել է Աքբարիի փաստաբանի բողոքը՝ ուժի մեջ թողնելով մահապատիժը։

«Աքբարին այն լրտեսներից է, ով տեղեկություններ է հավաքել Իրանի ռազմավարական հաստատությունների մասին՝ այն բրիտանական հետախուզությանը փոխանցելու նպատակով»,- ասվում է զեկույցում։

Այս թեմայով Հյուսիսային Կորեան պատվիրակություն է ուղարկել Իրան Իրանի դեսպանն անդրադարձել է Ադրբեջանում իսրայելական բազաների առկայության մասին տեղեկությանը (տեսանյութ) Հայաստանի տարածքային ամբողջականությունը պետք է հարգվի, Իրանը դեմ է սահմանների փոփոխությանը․ դեսպան (տեսանյութ) Իրանը ցանկանում է ամրապնդել ռազմական համագործակցությունը Ռուսաստանի հետ ՄԱԿ-ի գլխավոր քարտուղարը դիմել է Իրանին և Իսրայելին ԱՄՆ-ն և Մեծ Բրիտանիան ընդլայնել են Իրանի դեմ պատժամիջոցները Իրանում հայտարարել են, որ պատրաստ են հարվածել Իսրայելի միջուկային կենտրոններին Իրանը Սիրիայից դուրս է բերում ԻՀՊԿ սպաների մի մասին՝ Իսրայելի հնարավոր հարվածի պատճառով Ի՞նչ է սպասվում Հայաստանին՝ Իրան-Իսրայել լայնածավալ պատերազմի դեպքում Իրանում հրապարակել են Իսրայելի վրա հարձակման ժամանակ ԱԹՍ–ների և հրթիռների արձակման կադրերը (տեսանյութ)