Թուրքիայի ԱԳՆ-ն պատրաստակամություն է հայտնել դյուրացնել ադրբեջանական գազի մատակարարումները Եվրոպա

Անկարան պատրաստ է աջակցել ադրբեջանական գազի լրացուցիչ ծավալների արտահանմանը Եվրոպա։ Այս մասին հայտարարել է Թուրքիայի արտգործնախարար Մևլութ Չավուշօղլուն Հունգարիայի ԱԳ նախարար Պետեր Սիյարտոյի հետ Բուդապեշտում կայացած համատեղ մամուլի ասուլիսում, գրում է «Ինտերֆաքս» գործակալությունը։

«Թուրքիան բոլոր հնարավոր աջակցությունը կտրամադրի Հունգարիա և Հարավ-Արևելյան Եվրոպայի որոշ երկրներ լրացուցիչ գազի մատակարարման համար, որը կարտադրվի Ադրբեջանում առաջիկա ժամանակահատվածում»,- ասել է Չավուշօղլուն։

Թուրքիայի արտգործնախարարը նաև վստահություն է հայտնել Հունգարիայի հետ էներգետիկ համագործակցության հետագա ամրապնդման հարցում։ Նրա խոսքով, Սիյարտոն ավելի վաղ հաստատել է իր մասնակցությունը Ստամբուլի գազային ֆորումին, որը կանցկացվի փետրվարին։

Միաժամանակ Հունգարիայի արտգործնախարարը նշել է «Թուրքիայի անվիճելի դերը Հունգարիայի էներգետիկ անվտանգության ապահովման գործում»։

Այս թեմայով Էրդողանը չեղարկել է իր այցը ԱՄՆ Էրդողանն Իսրայելին մեղադրել է ցեղասպանության մեջ ՌԴ դեսպանատունը նոտա է հղել Թուրքիայի ԱԳՆ-ին Թուրքիայի ԱԳՆ-ն մեղադրել է միջազգային հանրությանը ցեղասպանության հարցում կողմնակալ լինելու մեջ Պարոն Էրդողան, մի փորձեք Սփյուռքը հակադրել Հայաստանին, մենք մի ազգ ենք՝ մի պահանջատիրությամբ. Արամ Ա Էրդողանն Իսրայելին մեղադրել է ցեղասպանություն իրականացնելու մեջ Թուրքիայում երկրաշարժի հետևանքով կան ավերվածություններ (տեսանյութ) Թուրքիայում 5,6 մագնիտուդ ուժգնությամբ երկրաշարժ է տեղի ունեցել Էրդողանը կարող է թողնել իշխող կուսակցության ղեկավարի պաշտոնը Տարածաշրջանային պատերազմ սկսվելու վտանգ կա․ Թուրքիայի ԱԳ նախարար