Լաչինի միջանցքը անհապաղ պետք է բացվի․ ՀՅԴ Եվրոպայի Հայ դատի գրասենյակի ներկայացուցիչներ

Բելգիայի Արտաքին գործերի նախարար Հաջա Լահբիբն ընդունել է ՀՅԴ Եվրոպայի Հայ դատի գրասենյակի նախագահ Գասպար Կարապետյանին, գործադիր տնօրեն Հեղինե Էվինյանին եւ ՀՅԴ Բելգիայի Հայ դատի հանձնախմբի նախագահ Կարո Կարապետին: Տեղեկանում ենք ՀՅԴ Բյուրոյի Հայ Դատի կենտրոնական գրասենյակից։ 

Հանդիպման ընթացքում ՀՅԴ Եվրոպայի Հայ դատի գրասենյակի ներկայացուցիչները մանրամասնել են Արցախի բնիկ հայ բնակչության նկատմամբ ադրբեջանական կողմից իրականացվող էթնիկ զտումների քաղաքականությունը եւ Ադրբեջանի իշխանությունների վրա ճնշում գործադրելու անհրաժեշտությունը՝ դադարեցնելու այս խիստ ապակառուցողական եւ ապակայունացնող քաղաքականությունը:

ՀՅԴ Եվրոպայի Հայ դատի գրասենյակի ներկայացուցիչներն ընդգծել են Հայաստանի Հանրապետությունն Արցախի հետ կապող Լաչինի միջանցքի շրջափակման անհապաղ բացման անհրաժեշտությունը։ 2020 թվականի նոյեմբերի 9-ի հրադադարի մասին համաձայնագրով Ադրբեջանը պարտավորվել է Լաչինի միջանցքով ապահովել մարդկանց եւ ապրանքների ազատ եւ անվտանգ տեղաշարժը երկու ուղղություններով։

ՀՅԴ Եվրոպայի Հայ Դատի գրասենյակի ներկայացուցիչները ընդգծել են նաեւ Ադրբեջանի կողմից անօրինական գերության մեջ գտնվող հայ ռազմագերիներին անհապաղ ազատ արձակելու անհրաժեշտությունը։

Որպես եվրոպական քաղաքացիական հասարակության կազմակերպություն, որն ունի հանձնախումբ նաեւ Բելգիայում, ՀՅԴ Եվրոպայի Հայ դատի գրասենյակի ներկայացուցիչները վերահաստատել են իրենց վճռականությունը՝ ամեն ջանք գործադրել նպաստելու Հայաստանի եւ Բելգիայի միջեւ կապերի ամրապնդմանը:

Հանդիպումն անցել է ջերմ հյուրընկալ միջավայրում, ձեռք է բերվել հետագա համագործակցության պայմանավորվածություն։

Այս թեմայով Շուշի-Լաչին ավտոճանապարհին ռուս խաղաղապահներին պատկանող վառելիքով բեռնված մեքենա է կողաշրջվել Լաչինի միջանցքը պետք է անհապաղ վերաբացվի՝ հումանիտար աղետից խուսափելու համար․ Պիերո Ֆասինո ԵԱՀԿ-ն պետք է հասնի Լաչինի միջանցքի անհապաղ վերաբացմանը. ԵԱՀԿ-ում Ֆրանսիայի դեսպան Լաչինի միջանցքը պետք է վերաբացվի հիմա․ Բորել Արգենտինայի նախագահը դատապարտել է Ադրբեջանի կողմից Լաչինի միջանցքի արգելափակումը Ավստրալիայի դեսպանը կոչ է արել ապաշրջափակել Լաչինի միջանցքը Փարիզի քաղաքապետը կայցելի Լաչինի միջանցք Ֆրանսիական բեռնատարները օգոստոսի վերջին կլինեն Լաչինի միջանցքի մոտ Լաչինի միջանցքում տեղաշարժի ազատությունը պետք է երաշխավորված լինի․ Չեխիայի ԱԳ նախարարը` Միրզոյանին Ի՞նչ եղան Լաչինի միջանցքը բացել պատրաստվող Զարեհ Սինանյանի խոստացած «հուժկու» ցույցերը