ՀՀ-ի կողմից սահմանային ցանկացած կտրուկ արձագանք կարող է հանգեցնել նոր էսկալացիայի. Դավիթ Խաժակյան

Ինչպես արդեն հայտնի է մարտի 30-ի գիշերը Ադրբեջանի զինուժը փակել է Գորիս-Ստեփանակերտ մայրուղին՝ Աղավնո և Տեղ գյուղերի արանքում: Նշվել է, որ արդեն պատրաստ է փակված ճանապարհը շրջանցող՝ Սյունիքի մարզի Տեղ-Կոռնիձոր գրունտային նոր ավտոճանապարհը, որը միանում է 2022թ. օգոստոսին շահագործման հանձնված նոր՝ Կոռնիձոր-Հին շեն ճանապարհին («Բերձորի (Լաչինի) միջանցքին»): Տեղ-Կոռնիձոր նշված ճանապարհի ասֆալտապատման աշխատանքները Հայաստանի Հանրապետության կողմից ընթացքի մեջ են։

Նշենք՝ ԱԺ փոխնախագահ Ռուբեն Ռուբինյանի խոսքով՝ կար պայմանավորվածություն, որ այդ տեղի մի հատվածում երկու կողմերից սահմանապահներ պետք է լինեն, սակայն ի հայտ եկան տարընթերցումներ, որի արդյունքում Ադրբեջանի ներկայացուցիչները հինգ կետում 300-ից 500 մետր ավելի առաջ են տեղակայվել։ Վերջինս հավելել է, որ այդ մասով ԱԱԾ-ն աշխատանքներ է իրականացնում:

ԼՈՒՐԵՐ.com-ի հետ զրույցում այս մասով Երևանի ավագանու անդամ Դավիթ Խաժակյանը նկատում է՝ այս գործընթացը շարունակությունն է Լաչինի միջանցքի ճանապարհի փոփոխության և դա ոչ միայն ենթադրում էր նոր ճանապարհի գծում, այլև դրան վերաբերող միջանցքային հարցեր. 5 կիլոմետրանոց բուֆերային գոտի և, թե որ կողմն ինչ դիրքեր կզբաղեցնի:

«Ներկայումս մենք մի այնպիսի իրավիճակում ենք, երբ դիրքային հատվածներում գտնվում են մարդիկ, որոնք այս կամ այն կերպ ներգրավված են սույն գործընթացում: Ցավալի է, սակայն այս պահի դրությամբ Ադրբեջանը որոշ տեղերում ունի դիրքային առավելություն և զբաղեցրել է այնպիսի դիրքեր, որոնք ճանապարհի կամ տվյալ տեղի հսկողության ավելի լայն հնարավորություններ են ստանում: Այս մասով, ինչպես արդեն հայտարարել է ԱԱԾ-ն, համապատասխան աշխատանքներ են տարվում, և սա, ըստ էության, դեմարկացիայի և դելիմիտացիայի յուրօրինակ գործընթաց է, որովհետև գործնականում տեսնում ենք, որ այն միշտ չէ, որ տեղի է ունենում թղթի վրա գրված փոխադարձ համաձայնությամբ, այլ, երբեմն, ադրբեջանական, կողմը խախտելով ձեռքբերված պայմանավորվածությունները, զբաղեցնում է իր համար նպատակահարմար դիրքեր»,- ասաց նա:

Քաղաքագետի խոսքով՝ ադրբեջանական օկուպացիան սկսել է դեռևս Սև լճի իրադարձություններից և շարունակվել 2020 թվականի պատերազմի ժամանակվանից սկսած:

«ԱԱԾ-ի արած վերջին հայտարարության մեջ այն ձևակերպումը, որը վերաբերում էր էսկալացիա թույլ չտալուն, կարելի է ասել՝ անկեղծ ձևակերպում է այն մասով, որ այստեղ ցանկացած կտրուկ արձագանք կարող է բերել որևէ էսկալացիայի, որից էլ հայկական կողմը փորձում է խուսափել»,- նշում է նա:

Այս թեմայով «Մարությանին պաշտոնից հեռացնելը ներկուսակցական հարց է դարձել» Հայկ Մարությանը կորցրել է Երևանի քաղաքապետ լինելու բարոյական իրավունքը. «Լույս» խմբակցության անդամը ևս միացել է ստորագրահավաքին Հետևելու եմ՝ ինչպես է ապահովվելու հավասարությունը իշխանությանը և ընդդիմությանը հայհոյողների նկատմամբ. Դավիթ Խաժակյան Դավիթ Խաժակյանը արտահերթ ընտրություններին ԿԸՀ-ում կլինի ԼՀԿ-ի ներկայացուցիչը Ո՞ւմ շվաքի ներքո է Սուրեն Պապիկյանը բազմել նախարարի աթոռին. Դավիթ Խաժակյան 2020-ին նախատեսված ծախսերի 36,5 %-ը չի կատարվել. սրանից վատ ցուցանիշ Երևանը չի արձանագրել Կքննարկվի իմ և Թեհմինա Վարդանյանի հեղինակած կառավարությանը և վարչապետի ուղղված ուղերձը. Խաժակյան Քաղաքապետարանում ով ինչ ուզում անում է․ Դավիթ Խաժակյան Փաշինյանը պետք է ապացուցի իր՝ Հայաստանի Հանրապետությանը թշնամի չլինելը. Դավիթ Խաժակյան Շարունակում են քանդել կառավարման համակարգը. Դավիթ Խաժակյան